25 दाजुकिजापिं, जिमिगु निंतिं प्रार्थना या।
यःपिं दाजुकिजापिं, झी प्रभु येशू ख्रीष्टया नामं व पवित्र आत्मां बियादीगु मायां जिगु निंतिं जिलिसें मदिक्क परमेश्वरयात प्रार्थना यानाब्यु धकाः बिन्ति यानाच्वना।
छिमिसं नं जिमिगु ग्वाहालिया निंतिं थथे हे प्रार्थना यानाः परमेश्वरं जिमित आशिष बियादीगुलिं यक्वसिनं वय्कःयात सुभाय् बियाच्वंगु दु।
धात्थें हे जि लय्ताः, छाय्धाःसा छिमिगु प्रार्थना व ख्रीष्ट येशूं बियादीगु आत्मायागु ग्वाहालिं जितः त्वःतकी धकाः जिं स्यू।
जिमिगु निंतिं नं प्रार्थना या। ख्रीष्टयागु खँ कनेत व परमेश्वरयागु वचन न्यंकेत वय्कलं न्ह्याथासं लँ चायेकादीमा धकाः प्रार्थना या। थुकियागु निंतिं हे जिं थथे झ्यालखानाय् कुंका च्वनेमाल।
मेगु छता खँ नं धाये – छिमिसं प्रार्थना यानाच्वंगुलिं जि हानं छिमिथाय् वये दइ ला धकाः आशा यानाच्वनागु दु। अय्जूगुलिं जितः क्वथा छकू स्वयाः तयाति।
