१ थेसलोनिकी 5:23 - नेवाः बाइबल

²³ झीत शान्‍ति बियादीम्‍ह परमेश्‍वरं हे छिमित पवित्र यानाः प्रभु येशू ख्रीष्‍ट झाया मदितले छिमिगु आत्‍मा, प्राण व म्‍हयात दोष मदय्‌क तयादीमा।

१ थेसलोनिकी 5:23 ပူးပေါင်းရင်းမြစ်များ

इजकिएल 37:28

जिगु पवित्रथाय् न्‍ह्याबलेंया लागि इमिगु दथुइ दयाच्‍वनीबलय् जाति जातितय्‌सं इस्राएलयात पवित्र याइम्‍ह जि हे परमप्रभु खः धकाः सी।’”

लेवी 20:26

छिपिं जिगु निंतिं पवित्र जुइमाः, छाय्‌धाःसा जि परमप्रभु पवित्र खः। अले जिं छिमित थः मनूत यायेत मेगु जातितपाखें अलग तयागु खः।

लेवी 20:8

छिमिसं जिं धया थें या, छिमित पवित्र याइम्‍ह परमप्रभु जि हे खः।

लूका 1:46

अले मरियमं थथे धाल – “जिं दुनुगलंनिसें परमप्रभुयात तःधंकाच्‍वना।

यूहन्‍ना 17:19

सत्‍यं इमित नं पवित्र यायेमा धकाः जि थः हे तुं इमिगु निंतिं पवित्र जुया।”

प्रेरित 20:32

“आः जिं छिकपिन्‍त परमेश्‍वरया ल्‍हातय् व वय्‌कःया दया मायां जाःगु वचनय् त्‍वःताच्‍वना। वय्‌कलं हे छिकपिन्‍त विश्‍वासय् बल्‍लाकादी, अले यक्‍व आशिष बियादी।

प्रेरित 26:18

इमिगु मिखा चाय्‌का बीत, इमित खिउँथासं जलय् हयेत, अथे हे जितः विश्‍वास याकाः पाप क्षमा याकेत, शैतानपाखें लिगनाः परमेश्‍वरयाथाय् पवित्र याके हयेत जिं छन्‍त इमिथाय् छ्वयाच्‍वना।’”

रोमी 15:13

छिमिसं विश्‍वास याःगुलिं भरोसा याये बहःम्‍ह परमेश्‍वरं छिमिगु नुगलय् आनन्‍द व शान्‍ति जाय्‌कादीमा। थुकथं पवित्र आत्‍मायागु शक्तिं छिमिगु आशा व भरोसा अप्‍वः दयावनेमा।

रोमी 15:33

शान्‍ति बियादीम्‍ह परमेश्‍वर छिपिंनाप दयेमा। आमेन।

रोमी 15:5

सह याये फय्‌कादीम्‍ह अले ग्‍वाहालि बियादीम्‍ह परमेश्‍वरं छिपिं सकसिनं छप्‍पँ जुयाः येशू ख्रीष्‍टयागु लँपुइ वने फय्‌कादीमा।

रोमी 16:20

थुकथं याना जूसा शान्‍ति बियादीम्‍ह परमेश्‍वरं शैतानयात छिमिगु तुतिं याकनं हे न्‍हुइके बी। झी प्रभु येशू ख्रीष्‍टयागु दया माया छिमिके दयाच्‍वनेमा।

१ कोरिन्‍थी 1:2

कोरिन्‍थय् च्‍वंगु मण्‍डलीयापिन्‍त ज्‍वजलपा! ख्रीष्‍ट येशूपाखें पवित्र जूपिं परमेश्‍वरया मनू जुइत सःतातःपिं व थाय् थासय् च्‍वंपिं झी प्रभु येशू ख्रीष्‍टयागु नां काइपिं सकसितं

१ कोरिन्‍थी 1:30

परमेश्‍वरं छिमित ख्रीष्‍ट येशू नाप मिलय् यानादिल। वय्‌कलं झीत ख्रीष्‍टपाखें फुक्‍क खँ सीके थुइके फय्‌कादिल। ख्रीष्‍टं यानाः हे झीपिं परमेश्‍वर नाप मिलय् जुइ खन। ख्रीष्‍टं झीत पवित्र यानाः पापं मुक्त यानादिल।

१ कोरिन्‍थी 14:33

न्‍ह्यःने लाः थें यायेत झीत परमेश्‍वरं सःतादीगु मखु बरु बांलाक यायेत अले मिलय् जुइत सःतादीगु खः।

२ कोरिन्‍थी 5:19

ख्रीष्‍टपाखें फुक्‍क मनूतय्‌त परमेश्‍वरं थःनाप मिलय् यानाच्‍वंगु दु धकाः जिमिसं न्‍यंकाच्‍वनागु दु। मनूतय्‌सं याःगु पापया ल्‍याः तयामदिसे वय्‌कलं सकसितं थःलिसे मिलय् यानादीगु खँ मेमेपिन्‍त नं न्‍यंकेत जिमित धयादीगु दु।

फिलिप्‍पी 1:10

थथे जूसा जक छिमिसं भिंगु भिंगु खँयात ल्‍यया काये फइ। अले ख्रीष्‍ट झाइबलय् छिपिं शुद्धपिं व दोष मदुपिं जुइ फइ।

फिलिप्‍पी 1:6

छिमिगु नुगलय् भिंगु ज्‍या शुरु यानादीम्‍हय्‌सिनं हे येशू ख्रीष्‍ट झायादीबलय् तकं फुक्‍क ज्‍या सिधय्‌कादी धयागु जितः विश्‍वास दु।

फिलिप्‍पी 4:9

जिं यानागु छिमिसं न्‍यनातःगु व थः नालाकया तःगु हे दु। अले जिं छिमित स्‍यना बियागु व थुइका बियागु नं दु। छिमिसं नं अथे हे याना च्‍वँ। अले शान्‍ति बियादीम्‍ह परमेश्‍वर छिपिंनाप दइ।

कलस्‍सी 1:22

तर आः वय्‌कःया काय्‌नं थः हे सिनाः छिमित हाकनं वय्‌कः नाप मिलय् यानादीगु दु। वय्‌कः छिमित थःगु न्‍ह्यःने पवित्र, शुद्ध व दोष मदुपिं यायेत हे थथे सिनादीगु खः।

१ थेसलोनिकी 2:19

जिमिगु आशा धाःसां, जिमिगु लय्‌ताः धाःसां, अले झी प्रभु येशू ख्रीष्‍ट झाइबलय् जिमि छ्यं धस्‍वाकेगु श्रीपेच धाःसां छिपिं हे, मखु ला?

१ थेसलोनिकी 3:11

झी परमेश्‍वर बाः व प्रभु येशूं हे जिमित आम्‍कन वयेत लँ चाय्‌का बियादीमा।

१ थेसलोनिकी 3:13

प्रभु येशू थः मनूत नाप झायादीबलय् परमेश्‍वर बाःया न्‍ह्यःने दोष मदुपिं व पवित्र जुया च्‍वनेत वय्‌कलं छिमित बल्‍लाकादीमा।

१ थेसलोनिकी 4:3

छिपिं पवित्र जुयाच्‍वनेमा धयागु हे परमेश्‍वरया इच्‍छा खः, उकिं छिपिं व्‍यभिचारं तापाक च्‍वँ।

१ थेसलोनिकी 5:22

फुक्‍क कथंयागु मभिंगु खँपाखें तापाक च्‍वँ।

२ थेसलोनिकी 3:16

शान्‍ति बियादीम्‍ह प्रभु थःम्‍हं हे छिमित न्‍ह्याबलें फुक्‍क कथंयागु शान्‍ति बियादीमा। प्रभु छिपिं फुक्‍क नाप दीमा।

हिब्रू 13:20

परमेश्‍वरं तःधंम्‍ह फैजवाः झी प्रभु येशूयात सीम्‍हं हानं म्‍वाकादीगु दु। अले वय्‌कःयागु हे हिं शान्‍ति बीम्‍ह परमेश्‍वरं झीपिंलिसे सदांया निंतिं बाचा चिनादीगु दु।

हिब्रू 2:11

पवित्र याःम्‍ह व पवित्र यानातःपिं फुक्‍कं छगू हे परिवारयापिं खः। अय्‌जूगुलिं वय्‌कलं पवित्र जूपिं मनूतय्‌त थः किजापिं धकाः धयादीत लज्‍या चायामदी।

हिब्रू 4:12

छाय्‌धाःसा परमेश्‍वरयागु वचन ज्‍या याना तुं च्‍वनीगु व जीवन बीगु खः। थ्‍व निखें धाः दुगु तरवार स्‍वयाः नं ज्‍वः, थ्‍वं दुने थ्‍यंक वनाः प्राण व आत्‍मायात छुतय् यानाबी, साहाः व स्‍यःयात छुतय् यानाबी। अले मनूतय्‌गु नुगलय् च्‍वंगु खँ व इच्‍छायात ल्‍ययाः जाँचय् याइ।

याकूब 1:4

थुकथं विश्‍वास बल्‍लाकाः छिमिसं भरोसा तयाच्‍वनेगु त्‍वःते मते। अले जक छिपिं बल्‍लाइ, छुं नं मगाः मजुइक सिद्ध जुइ।

१ पत्रुस 1:2

न्‍हापांनिसें ताःतुनादी थें वय्‌कलं धाःथें याइपिं यायेत पवित्र आत्‍मापाखें छिमित परमेश्‍वर बाःनं ल्‍ययादीगु खः। अले येशू ख्रीष्‍टयागु हिं शुद्ध यानाः छिमित वय्‌कःयात मानय् याइपिं यानादीगु खः। परमेश्‍वरयागु दया माया व शान्‍ति छिमित यक्‍व दयेमा।

१ पत्रुस 5:10

थथे दुःखकष्‍ट सीधुंकाः झी परमेश्‍वरं छिमित सःताः भिंका व बल्‍लाकादी। थ्‍व हे भिंम्‍ह दया माया दुम्‍ह परमेश्‍वरं येशू ख्रीष्‍टयात झीथाय् छ्वयाहयाः वय्‌कः नाप स्‍वर्गय् च्‍वनेत झीत सःतादीगु खः।

२ पत्रुस 3:14

अय्‌जूगुलिं यःपिं दाजुकिजापिं, थथे गुबलय् जुइ धकाः पिया च्‍वनीपिं जुयाः छिमिसं प्रभुयात लय्‌ताय्‌केत कुतः याना च्‍वँ। पापी ज्‍या याना मजुसे पवित्र जुयाच्‍वँ। थुकथं छिपिं परमेश्‍वर नाप मिलय् जुयाच्‍वँ।

यहूदा 1:1

याकूबया किजा व येशू ख्रीष्‍टया दास यहूदापाखें परमेश्‍वरं सःतादीपिन्‍त, परमेश्‍वर बाःनं माया यानातःपिन्‍त, अले येशू ख्रीष्‍टं बचय् यानातःपिन्‍त ज्‍वजलपा।

यहूदा 1:24

छिमित दोष मदय्‌काः परमेश्‍वरया न्‍ह्यःने हयादीम्‍ह झी प्रभुयागु नां सदां तःधना च्‍वनेमा। थ्‍व हे प्रभुं छिमित पाप याकेबी मखु। थ्‍व हे प्रभुं छिमित आनन्‍दं तयादी।