१ थेसलोनिकी 5:2 - नेवाः बाइबल

² छाय्‌धाःसा प्रभु झाइगु ई चान्‍हय् खुँ वये थें थ्‍यंकः वइ धकाः ला छिमिसं सि हे स्‍यू।

१ थेसलोनिकी 5:2 ပူးပေါင်းရင်းမြစ်များ

यर्मिया 23:20

थःगु मनय् दुगु इच्‍छा पूमवंतले परमप्रभुया तं क्‍वलाइ मखु। लिपा छिमिसं थ्‍व बांलाक सी।

मत्ती 25:13

“उकिं छिपिं नं होश‍यानाच्‍वँ, छाय्‌धाःसा मनूया काय् गुबलय्, गुखुन्‍हु वइ धकाः छिमिसं मस्‍यू।

लूका 21:34

“अय्‌जूगुलिं छिमिसं होश‍ यानाच्‍वँ। भ्‍वय् जक नया जुइगु, अय्‌लाः थ्‍वँ जक त्‍वना जुइगु, अले थ्‍व जीवनयागु धन्‍दा कयाः जुइगु याना जुल धाःसा छिमिसं मसीक जिं धयागु दिं वइ।

१ कोरिन्‍थी 1:8

झी प्रभु येशू ख्रीष्‍ट झायादीबलय् तक परमेश्‍वरं छिमित विश्‍वासय् क्‍वात्तुकाः द्वं मदुम्‍ह यानातयादी।

१ थेसलोनिकी 5:4

छिमित धाःसा प्रभु झाइगु ई खुँ वः थें जुइ मखु, छाय्‌धाःसा छिपिं खिउँथाय् च्‍वनाच्‍वंगु मदु।

२ थेसलोनिकी 2:2

जिमिसं छिमित बिन्‍ति यानाच्‍वना – सुनानं झी प्रभु झाइगु ई वये धुंकल धाल धायेवं छिपिं आछु-आछु कने मते, अले ग्‍याये मते। गुम्‍हय्‌सिनं अगमवक्तां धाःथें च्‍वंक, गुम्‍हय्‌सिनं वचनपाखें धाःथें च्‍वंक, अले गुम्‍हय्‌सिनं जिमिसं पौ च्‍वया थें च्‍वंक थथे धायेफु।

यहोशू 11:7

उकिं यहोशू थः सिपाइँतनापं मेरोम नांयागु तालया न्‍ह्यःने आकाझाकां थ्‍यंकवयाः इमित हमला यात।

२ पत्रुस 3:10

प्रभु झायादीगु सुनानं सी मखु। अबलय् आकाश तसकं सः वयाः मदयावनी। अले आकाशय् च्‍वंगु दक्‍व फुक्‍कं छ्वयाः नौ जुयावनी। पृथ्‍वी व पृथ्‍वीइ च्‍वंगु नं दक्‍व फुक्‍कं नाश जुयावनी।

प्रकाश 16:15

“होश‍ यानाच्‍वँ, जि खुँ थें वये। मद्यंसे न्‍ह्यलं चाय्‌का च्‍वंम्‍ह धन्‍यम्‍ह खः। वसः ज्‍वना च्‍वंम्‍ह धात्‍थें धन्‍यम्‍ह खः, छाय्‌धाःसा इपिं नांगां जुइ माली मखु। अले थःगु नांगांगु म्‍ह कर्पिन्‍त क्‍यने माली मखु।”

प्रकाश 3:3

छिमिसं न्‍यनागु व सयेका कयागु वचन लुमंका ति। वचनयात मानय् या, अले पश्‍चाताप या। छिपिं न्‍ह्यलं चायेका मच्‍वंसा जि खुँ वः थें वये। जि छिमिथाय् गुबलय् वइ धकाः छिमिसं सी मखु।