19 पवित्र आत्मायागु इच्छायात त्यलेत स्वये मते।
अले परमप्रभुं धयादिल, “जिगु आत्मा मनूतय्गु नुगलय् सदां च्वनी मखु। छाय्धाःसा इपिं सदां दइपिं मखु। आवंलि इपिं १२० दँ स्वया अप्वः म्वाइ मखु।”
दँय्दसं छिं इमित थाकु मचासें ख्याच्वः बियादिल, छिं थः अगमवक्तातय्त न्ववाइगु आत्मा बियादिल, अय्नं छिकपिनि प्रजातय्सं छिगु खँ मन्यन। उकिं इमित मेगु जातियापिं मनूतय्गु ल्हातय् लाकादिल।
जितः छिगु न्ह्यःनं तापाक तयादी मते, अले थःगु पवित्र आत्मायात जिपाखें लित यंकादी मते।
न्ह्यानाच्वंगु लखं नं मायायात हुयाछ्वये फइ मखु अले तसकं न्ह्याःगु खुसिबालं नं मायायात चुइकायंके फइ मखु। सुं मनुखं मायाया पलेसा थःगु छेँया फुक्क सम्पत्ति हे ब्यूसां वयात हेला याइगु जुइ।
अय्नं इपिं विद्रोही जुल, अले वय्कःया पवित्र आत्मायात दुःख बी। अथे जुयाः वय्कः इमि शत्रु जुयादिल, अले वय्कः थः हे इमिगु विरोधय् ल्वानादिल।
“छिकपिं तसकं हे अतेरि, अले छिकपिनिगु नुगः तसकं छाः। छिकपिन्सं न्ह्याबलें पवित्र आत्मायागु खँ मन्यंसे थः तापाःबाज्यापिन्सं याःथें जक यानाच्वंगु दु।
थथे नवाना च्वनीबलय् परमेश्वरं अन दुपिं सुयातं नवायेत धयादिल धाःसा नवाना च्वंम्हय्सिनं दिना बीमाः।
थुलि जक मखु, पवित्र आत्मायात दुःख बी मते, छाय्धाःसा पवित्र आत्मा उद्धार बी खुन्हुयात धकाः झीत बियातःगु चिं खः।
विश्वास हे छिमित बचय् याना तइगु ढाल खः। थुकिं छिमिसं शैतानयागु न्ह्याथें ज्याःगु मियागु वाण नं स्याये फइ।
अगमवाणीयात क्वथुनाः खँ ल्हाये मते।
थकालिपिन्सं छन्त छेनय् ल्हाः तयाः न्हापां हे क्वःछिनातःगु वरदानयात सितिं छ्वये मते।
अय्जूगुलिं जिं छन्त हानं लुमंका च्वना – जिं छंगु छेनय् ल्हाः तयाबलय् परमेश्वरं बियादीगु वरदानयात छं बांलाक छ्यला च्वँ।
अनंलि शमूएलं परमप्रभुं धयादीकथं यात। अले व बेथलेहेमय् वन। अन च्वंपिं थकालितय्सं वयात नापलायेत ग्यात। इमिसं न्यनं, “छु छि याउँक झायादिया ला?”
