१ थेसलोनिकी 5:18 - नेवाः बाइबल

¹⁸ न्‍ह्यागु खँय् न्‍ह्यागु जूसां परमेश्‍वरयात सुभाय् बियाः च्‍वँ। ख्रीष्‍टयात विश्‍वास यानाः छिमिसं थथे यायेमा धयागु हे परमेश्‍वरयागु इच्‍छा खः।

१ थेसलोनिकी 5:18 ပူးပေါင်းရင်းမြစ်များ

अय्‍यूब 1:21

थथे धाल, “जि जिमि मांया प्‍वाथं हे नांगां वया, अले जि नांगां हे वने। परमप्रभुं बियादिल अले परमप्रभुं हे यंकादिल। परमप्रभुयागु नां तःधनेमा।”

भजनसंग्रहया सफू 34:1

परमप्रभुयात जिं धन्‍य धयाच्‍वने न्‍ह्याबलें वय्‌कःयात हे तःधंकाच्‍वनी जिगु में न्‍ह्याबलें।

दानिएल 6:10

व पौलय्‌ सही याये धुंकूगु सियाः दानिएल थःगु छेँय् वन। वयागु छेँय्‌या तलय्‌यागु क्‍वथाया झ्‍याः यरूशलेमपाखे स्‍वः। अले न्‍हापा न्‍हापा याःगु थें झ्‍याःपाखे स्‍वयाः वं परमेश्‍वरया न्‍ह्यःने न्‍हि स्‍वकः पुलिं चुयाः सुभाय् बीगु व प्रार्थना यायेगु यात।

एफिसी 5:20

न्‍ह्याबलें न्‍ह्यागु ज्‍याखँय् नं छिमिसं झी प्रभु येशू ख्रीष्‍टया नामय् परमेश्‍वर बाःयात सुभाय् ब्‍यु।

फिलिप्‍पी 4:6

छुं खँय् नं पीर काये मते। छिमित माःगु खँ प्रार्थना यानाः सुभाय् बियाः परमेश्‍वरयात बिन्‍ति या।

कलस्‍सी 3:17

छिमिसं न्‍ह्यागु याःसां, न्‍ह्यागु धाःसां प्रभु येशूयागु नामं या, अले वय्‌कःया नामं परमेश्‍वर बाःयात सुभाय् ब्‍यु।

१ थेसलोनिकी 4:3

छिपिं पवित्र जुयाच्‍वनेमा धयागु हे परमेश्‍वरया इच्‍छा खः, उकिं छिपिं व्‍यभिचारं तापाक च्‍वँ।

हिब्रू 13:15

अय्‌जूगुलिं झीसं सदां ख्रीष्‍टया नामय् परमेश्‍वरयात तःधंकेमाः। थ्‍व झीगु म्‍हुतुं वय्‌कःयात छाइगु बलि खः।

१ पत्रुस 2:15

छिमिसं थथे भिंगु ज्‍या याना हे छुं मस्‍यूपिं मूर्खतय्‌गु म्‍हुतुप्‍वाः तिके फयेमा धयागु परमेश्‍वरयागु इच्‍छा खः।

१ पत्रुस 4:2

अथे जूगुलिं आवंलि छिपिं शरीरय् म्‍वाना च्‍वंतले परमेश्‍वरं धाःथें च्‍वँ। छिमिसं गुबलें थः यःथें याना जुइ मते।

१ यूहन्‍ना 2:17

थ्‍व संसार व थ्‍व संसारय् च्‍वंगु मनूतय्‌सं यय्‌का जुइगु नं फुक्‍कं मदया वनीतिनि। तर परमेश्‍वरयागु इच्‍छा कथं जुइम्‍ह मनू न्‍ह्याबलें दयाच्‍वनी।