१ थेसलोनिकी 5:13 - नेवाः बाइबल

¹³ इमिसं यानाच्‍वंगु ज्‍यां यानाः इमित दुनुगलंनिसें माया यानाः हनाबना तयेगु या। अले थःथवय् नं मिलय् चले जुयाच्‍वँ।

१ थेसलोनिकी 5:13 ပူးပေါင်းရင်းမြစ်များ

उत्‍पत्ति 45:24

थुकथं योसेफं थः दाजुकिजापिन्‍त अनं छ्वत। वने न्‍ह्यः वं इमित धाल, “लँय् ल्‍वाये मते।”

भजनसंग्रहया सफू 133:1

दाजुकिजापिं मिलय् जुयाः च्‍वनेगु गुलि बांलाःगु व न्‍ह्यइपुसे च्‍वंगु खँ खः।

मत्ती 10:40

“छिमित दुकाःम्‍हय्‌सिनं जितः दुकाःगु जुइ। जितः दुकाःम्‍हय्‌सिनं जितः छ्वया हयादीम्‍हय्‌सित दुकाःगु जुइ।

मर्कूस 9:50

चि भिं जू, अथेसां चिं चियागु सवाः तंकूसा गय् यानाः चि सवाः वय्‌केगु? छिपिं चि सवाः वःपिं जुयाच्‍वँ, अले फुक्‍क नाप मिलय् जुयाच्‍वँ।”

यूहन्‍ना 15:17

छिमिसं थःथवय् माया याना च्‍वँ – थ्‍व हे जिगु आज्ञा खः।”

२ कोरिन्‍थी 13:11

यःपिं दाजुकिजापिं, लय्‌ताया च्‍वँ। मभिंगु लँपु त्‍वःताः भिंगु लँपु ज्‍वनाच्‍वँ। जिं धयागु खँ नुगलय् तयाति। छिपिं सकलें मिलय् जुयाच्‍वँ। अले माया यानादीम्‍ह व शान्‍ति बियादीम्‍ह परमेश्‍वर छिपिंनाप च्‍वनादी।

गलाती 4:14

म्‍हंमफुसां जितः हेला मयासें छिमिसं भचा हे थाकु मचासे बिचाः यात। स्‍वर्गदूतयात व ख्रीष्‍टयात थें छिमिसं जितः दुकयाः सुसाःकुसाः यात।

गलाती 5:22

पवित्र आत्‍माया फल धाःसा माया यायेगु, लय्‌तायेगु, शान्‍ति याकेगु, सह यायेगु, दया यायेगु, ग्‍वाहालि यायेगु, विश्‍वास यायेबहः जुइगु,

गलाती 6:6

वचन स्‍यना काःम्‍हय्‌सिनं स्‍यंम्‍हय्‌सित छुं न छुं बी हे माः।

एफिसी 4:3

पवित्र आत्‍मायागु ग्‍वाहालिं छिपिं फुक्‍कं छम्‍ह थें जुयाच्‍वनेगु कुतः या। अले छिमित शान्‍ति दइ।

कलस्‍सी 3:15

ख्रीष्‍टयागु शान्‍तिं छिमिगु नुगः जायाच्‍वनेमा। थ्‍व हे शान्‍तियागु लागि परमेश्‍वरं छिमित सःताः छम्‍ह हे यानादीगु खः। परमेश्‍वरयात सुभाय् ब्‍यु।

१ थेसलोनिकी 5:14

जिं छिमित हानं धाये – अल्‍छीतय्‌त ब्‍वःब्‍यु, नुगः क्‍वतुंपिन्‍त हःपा ब्‍यु, बमलाःपिन्‍त ग्‍वाहालि या, अले न्‍ह्याम्‍हय्‌सिनं न्‍ह्यागु धाःसां सह यानाच्‍वँ।

२ थेसलोनिकी 3:16

शान्‍ति बियादीम्‍ह प्रभु थःम्‍हं हे छिमित न्‍ह्याबलें फुक्‍क कथंयागु शान्‍ति बियादीमा। प्रभु छिपिं फुक्‍क नाप दीमा।

२ तिमोथी 2:22

ल्‍याय्‌म्‍ह इलय् मभिंगु मतिइ वइ, उकिं थज्‍याःगुलिं तापाक च्‍वँ। बरु यचुगु नुगलं प्रभुयात मानय् याइपिंलिसे जुयाः धर्मी जुइगु, विश्‍वास यायेगु, माया यायेगु व मिलय्‌चलय् जुयाच्‍वनेगु या।

हिब्रू 12:14

फुक्‍कलिसे मिलय् जुयाच्‍वनेगु व पवित्र जुयाच्‍वनेगु कुतः या। पवित्र मजुइकं सुनानं प्रभुयात खनी मखु।

याकूब 3:18

शान्‍ति बीम्‍हय्‌सिनं मिलय् यायेगु ज्‍यां भिंगु फल सय्‌की।