१ थेसलोनिकी 5:12 - नेवाः बाइबल

¹² दाजुकिजापिं, छिमित जिगु बिन्‍ति दु – छिमिथाय् ज्‍या यानाच्‍वंपिं, छिमित स्‍यनेकने याइपिं थकालिपिन्‍त हनाबना तयेगु या।

१ थेसलोनिकी 5:12 ပူးပေါင်းရင်းမြစ်များ

लूका 10:7

गुगु छेँय् दुहां वन, व हे छेँय् च्‍वनेगु या। इमिसं छु बिल व हे नयेत्‍वने याना च्‍वँ, छाय्‌धाःसा ज्‍या याःपिन्‍सं ज्‍याला काये हे माः। छेँखा पतिकं चाचाः हुला जुइ मते।

यूहन्‍ना 4:38

छिमिसं बाली पिना मतःथाय् जिं छिमित लय्‌के छ्वया। बाली पिना तःपिं मेपिं खः, अय्‌नं इमिसं पिनातःगु बाली छिमिसं लये खन।”

प्रेरित 20:28

“अथे जूगुलिं होश यानादिसँ, अले पवित्र आत्‍मां धाःथें छिकपिन्‍सं विश्‍वासीतय्‌गु हेरबिचार यानादिसँ, छाय्‌धाःसा प्रभुं थःगु हि हाय्‌काः इमित न्‍यानादीगु खः, अले छिकपिं इमि जवाः खः।

प्रेरित 20:35

दक्‍व खँ जिं थःम्‍हं हे याना क्‍यनागु दु। अथे हे छिकपिन्‍सं नं थःम्‍हं हे थाकुगु ज्‍या यानाः मफुपिन्‍त ग्‍वाहालि यायेमाः। अले प्रभु येशूं धयादीगु खँ ल्‍वःमंकादी मते। वय्‌कलं धयादीगु दु – ‘कायेगु स्‍वयाः बीगु यक्‍व भिं।’”

रोमी 16:12

प्रभुयागु ज्‍या यानाजुइपिं केहेँपिं त्रुफेना व त्रोफोसायात ज्‍वजलपा दु धकाः न्‍यंकाब्‍यु। दुःखकष्‍ट सियाः प्रभुयागु ज्‍या याना जूम्‍ह जितः यःम्‍ह परसीसयात ज्‍वजलपा दु धकाः न्‍यंकाब्‍यु।

रोमी 16:6

छिमिगु निंतिं ज्‍यान पानाः यक्‍व ज्‍या याइम्‍ह मरियमयात ज्‍वजलपा दु धकाः न्‍यंकाब्‍यु।

१ कोरिन्‍थी 12:28

अय्‌जूगुलिं परमेश्‍वरं मण्‍डलीइ सुयात गन गन तयेमाः अन अन हे तयादीगु दु। दकलय् च्‍वय् प्रेरितत, वयां ल्‍यू अगमवक्तात, वयां ल्‍यू गुरुत, अले अजू चायापुगु ज्‍या याइपिं, ल्‍वय् लाय्‌केगु वरदान दुपिं, मेपिन्‍त ग्‍वाहालि याइपिं, मेपिन्‍त सल्‍लाह बीपिं, अले हानं थीथी भाषां नवाये फुपिं तयादीगु दु।

१ कोरिन्‍थी 15:10

अथेसां परमेश्‍वरं जितः दया माया यानादीगुलिं जि थथे जुइ खन। वय्‌कलं जितः दया माया यानादीगु नं ला जिं सितिं मछ्वया। फुक्‍क प्रेरिततय्‌सं स्‍वयाः नं जिं यक्‍व दुःख सियाः ज्‍या यानाच्‍वनागु दु। जिं हे जक ला थथे ज्‍या यानाच्‍वनागु मखु, बरु जितः ज्‍या याकातःगु ला परमेश्‍वरयागु दया मायां खः।

१ कोरिन्‍थी 16:16

यःपिं दाजुकिजापिं, स्‍तिफनस थें ज्‍याःपिनिगु खँ न्‍यनेगु या। अले इपिं नाप ज्‍या यानाच्‍वंपिं मनूतय्‌गु खँ नं न्‍यँ।

१ कोरिन्‍थी 16:18

छिमित थें इमिसं जितः नं तसकं न्‍ह्यइपुकल। थज्‍याःपिन्‍त झीसं हनेगु यायेमाः।

१ कोरिन्‍थी 3:9

जिपिं ला परमेश्‍वरयागु ज्‍या याः जुइपिं ज्‍यामित जक खः, अले छिपिं परमेश्‍वरयागु बुँ खः। छिपिं परमेश्‍वरयागु छेँनं खः।

२ कोरिन्‍थी 11:23

इपिं ख्रीष्‍टया च्‍यः खःसा जि झन इपिं स्‍वयाः भिंम्‍ह च्‍यः खः। थथे धायेबलय् जि वें थें च्‍वने फु। तर जिं थाकुक्‍क ज्‍या यानागु दु, तःकः मछि झ्‍यालखानाय् नं च्‍वना। तःकः मछि हे जितः कोर्रां दाःगु दु, तःकः मछि जितः सितुपातु वंक दाःगु दु।

२ कोरिन्‍थी 5:9

थन च्‍वंसां स्‍वर्गय् च्‍वंसां प्रभुयात यःथें जक यानाच्‍वनेगु जिमिगु छगू हे जक आजु खः।

२ कोरिन्‍थी 6:1

परमेश्‍वर नाप जिमिसं थथे ज्‍या यानाच्‍वनागुलिं वय्‌कःयागु दया माया छिमिसं सितिं छ्वयेगु स्‍वये मते धकाः जिमिसं इनाप यानाच्‍वनागु खः।

गलाती 4:11

उकिं छिपिं स्‍यनावनी धकाः जितः तसकं पीर जुयाच्‍वन। छिमिथाय् वयाः उलिमछि दुःखकष्‍ट सियाः जिं ज्‍या याना थकागु सितिं वनीगु जुल ला?

फिलिप्‍पी 2:16

छिमिसं इमित परमेश्‍वरयागु जीवन बीगु वचन न्‍यंकाजुल धाःसा येशू ख्रीष्‍ट झाइबलय् थःम्‍हं यानागु ज्‍या सितिं मवन धकाः जिं छ्यं धस्‍वाके फइ।

फिलिप्‍पी 2:19

तिमोथीयात छिमिथाय् याकनं हे छ्वयाहये फइ धकाः जिं प्रभु येशूयाके आशा यानाच्‍वनागु दु। अले छिमिगु भिंगु खँ न्‍यने दयाः जितः लय्‌तावइ।

कलस्‍सी 1:29

ख्रीष्‍ट येशूं बियादीगु तःधंगु शक्तिं हे जिं थथे दुःख सियाः थ्‍व ज्‍या यानाच्‍वना।

१ थेसलोनिकी 2:9

दाजुकिजापिं, जिमिसं यक्‍व दुःखकष्‍ट सियाः ज्‍या यानागु ला छिमि लुमं हे जुइ। भिंगु खँ न्‍यंकः वयाबलय् जिमिसं छिपिं सुयातं थाकु मजुइमा धकाः चान्‍हि मद्यंसे ज्‍या याना।

१ थेसलोनिकी 4:1

दाजुकिजापिं, परमेश्‍वरयात यय्‌क गथे यानाच्‍वनेमाः धयागु खँ ला छिमिसं जिमिगुपाखें स्‍यना काये धुंकूगु हे दु। छिपिं उकथं हे जुयाच्‍वंगु नं दु। छिपिं थुकथं हे अज्‍जं न्‍ह्यज्‍यानावने फयेमा धकाः जिमिसं छिमित प्रभुया नामं बिन्‍ति यानाच्‍वनागु दु।

१ थेसलोनिकी 5:14

जिं छिमित हानं धाये – अल्‍छीतय्‌त ब्‍वःब्‍यु, नुगः क्‍वतुंपिन्‍त हःपा ब्‍यु, बमलाःपिन्‍त ग्‍वाहालि या, अले न्‍ह्याम्‍हय्‌सिनं न्‍ह्यागु धाःसां सह यानाच्‍वँ।

१ तिमोथी 5:1

थः स्‍वयाः थकालिपिन्‍त ब्‍वःबी मते। इमित छुं धाये माःसा थः बौयात थें धा। थः स्‍वयाः क्‍वकालिपिन्‍त किजापिन्‍त थें व्‍यवहार या।

१ तिमोथी 5:20

पाप याइपिन्‍त फुक्‍कसिया न्‍ह्यःने हे ब्‍वःब्‍यु। थथे याःसा जक मेपिं नं ग्‍याइ।

२ तिमोथी 2:6

हिचःति हाय्‌काः बुँज्‍या याइम्‍हय्‌सिनं हे दकलय् न्‍हापालाक लये खनी।

तीतस 1:3

झीत मुक्ति बियादीम्‍ह परमेश्‍वरं हे जितः न्‍यंके बियाः पाय्‌छि इलय् फुक्‍कसितं वय्‌कःयागु भिंगु खँ सीके बियादिल।

तीतस 1:5

आम्‍कन ल्‍यंदनिगु ज्‍या पूवंकेत व शहर पतिकं मण्‍डलीइ थकालिपिं ल्‍ययेत जिं छन्‍त क्रेटय् हे त्‍वःता थकागु खः।

तीतस 2:15

छं थ्‍व फुक्‍कं न्‍यंकाब्‍यु। ब्‍वःबी माःसां साहस बी माःसां छं स्‍वयाः या। अले छन्‍त सुनानं हेपय् याये फइ मखु।

हिब्रू 13:17

छिमिसं मण्‍डलीया थकालिपिनिगु खँ न्‍यँ, अले इमिसं धाःथें च्‍वँ, छाय्‌धाःसा इमिसं थःगु ज्‍याया ल्‍याःचाः परमेश्‍वरयात क्‍यनेमाःगुलिं छिमित बांलाक हेरचाह याना तइ। इमित थःगु ज्‍या लसतां याकेब्‍यु, इमित नुगलय् स्‍याके मते। मखुसा छिमित हे बांलाइ मखु।

हिब्रू 13:7

छिमित परमेश्‍वरयागु वचन स्‍यनीपिं गुरुतय्‌त लुमंकी। इपिं गुकथं म्‍वानाच्‍वन, व स्‍वयाः छिमिसं नं इमिसं थें हे विश्‍वास यायेगु या।

प्रकाश 1:20

छं खंगु जिगु जव ल्‍हातय् दुगु न्‍हय्‌गः नगुयागु व न्‍हय्‌गू लुँयागु त्‍वाःदेवाया गुप्‍ति खँ थ्‍व हे खः। न्‍हय्‌गः नगुयागु अर्थ न्‍हय्‌गू मण्‍डलीयापिं दूतत खः। अथे हे न्‍हय्‌गू लुँयागु त्‍वाःदेवायागु अर्थ न्‍हय्‌गू मण्‍डली खः।”

प्रकाश 2:12

“पर्गाममय् च्‍वंगु मण्‍डलीयाम्‍ह दूतयात थथे धकाः च्‍वया छ्व – तसकं ज्‍वःगु निखें धाः दुगु तरवार दुम्‍हय्‌सिनं थथे धयादी –

प्रकाश 2:18

“थिआटीराय् च्‍वंगु मण्‍डलीयाम्‍ह दूतयात थथे धकाः च्‍वया छ्व – छ्वयाच्‍वंगु मि थें च्‍वंगु मिखा दुम्‍ह, अले थीगु ली थें च्‍वंगु तुति दुम्‍ह परमेश्‍वरया काय्‌नं थथे धयादी –

प्रकाश 2:3

जिगु नांयागु निंतिं छिमिसं सकतां सह याये फक्‍व स्‍वयाः नं अप्‍वः सह यानाच्‍वंगु अझ हे नं त्‍यानु मचासे सह यानाच्‍वंगु नं जिं स्‍यू।

प्रकाश 2:8

“स्‍मुर्नाय् च्‍वंगु मण्‍डलीयाम्‍ह दूतयात थथे धकाः च्‍वया छ्व – शुरु व अन्‍त, अले सिनाः म्‍वाना वःम्‍हय्‌सिनं थथे धयादी –

प्रकाश 3:1

“सार्डिसय् च्‍वंगु मण्‍डलीयाम्‍ह दूतयात थथे धकाः च्‍वया छ्व – परमेश्‍वरया न्‍हय्‌म्‍ह आत्‍मा व न्‍हय्‌गः नगु दुम्‍हय्‌सिनं थथे धयादी – “छिमिसं यानाच्‍वंगु ज्‍याखँ जिं स्‍यू। मनूतय्‌सं छिपिं म्‍वानाच्‍वंपिं खः धकाः बिचाः याइ, अय्‌नं धात्‍थें धाये धाःसा छिपिं सीपिं खः।

प्रकाश 3:14

“लाउडिकियाय् च्‍वंगु मण्‍डलीयाम्‍ह दूतयात थथे धकाः च्‍वया छ्व – परमेश्‍वरया दक्‍व सृष्‍टिया शासक, आमेन धाःम्‍ह, विश्‍वास याये बहःम्‍ह, खःगु खःगु जक साक्षी बीम्‍हय्‌सिनं धयादी।

प्रकाश 3:7

“फिलाडेल्‍फियाय् च्‍वंगु मण्‍डलीयाम्‍ह दूतयात थथे धकाः च्‍वया छ्व – “पवित्रम्‍ह, धात्‍थेंयाम्‍ह, दाऊदयागु ताःचा दुम्‍हय्‌सिनं थथे धयादी – गुम्‍हय्‌सिनं चाय्‌कूगु खापा सुनानं ति फइ मखु, अले तिनाब्‍यूगु खापा चाय्‌के फइ नं मखु।