१ थेसलोनिकी 5:10 - नेवाः बाइबल

¹⁰ वय्‌कः झीगु निंतिं सिनादिल। अय्‌जूगुलिं प्रभु लिहां झाइबलय् झीपिं म्‍वाना च्‍वंसां, सी धुंकूसां वय्‌कः नाप च्‍वने दइ।

१ थेसलोनिकी 5:10 ပူးပေါင်းရင်းမြစ်များ

मत्ती 20:28

मनूया काय्‌नं सेवा याकेत मखु, बरु सेवा यायेत व यक्‍वसित मुक्ति बीत व सीत वःगु खः।”

यूहन्‍ना 10:11

“जि भिंम्‍ह फैजवाः खः। भिंम्‍ह फैजवालं फैतय्‌गु निंतिं सीत तकं लिफः स्‍वइ मखु।

यूहन्‍ना 10:15

गथे बाःनं जितः म्‍हस्‍यू, अथे हे जिं नं बाःयात म्‍हस्‍यू। अले फैतय्‌गु निंतिं जि थः हे तुं सिना बी।

यूहन्‍ना 10:17

“जि हानं म्‍वाना वयेगु कथं सी त्‍यनागुलिं बाःनं जितः तसकं माया यानादी।

यूहन्‍ना 15:13

पासायागु निंतिं सीगु ति तःधंगु माया मेगु मदु।

रोमी 8:34

सुनां इमित दोषी याइ? दोषी यानादीम्‍ह ला सिनाः म्‍वानादी धुंकूम्‍ह ख्रीष्‍ट येशू हे खः। थ्‍व हे येशू परमेश्‍वरया जव ल्‍हाःपाखे दी। अले वय्‌कलं झीगु निंतिं परमेश्‍वरयात बिन्‍ति यानादी।

१ कोरिन्‍थी 15:3

धर्मशास्‍त्रय् च्‍वया तः थें ख्रीष्‍ट हे झीगु पापयागु निंतिं सिनादिल धकाः जितः धयादीगु तःधगुं खँ हे जिं छिमित कना बियागु खः।

२ कोरिन्‍थी 5:15

फुक्‍क मनूतय्‌गु निंतिं ख्रीष्‍ट सिनादिल। उकिं म्‍वानाच्‍वंपिं आः थःगु निंतिं मखु, बरु इमिगु निंतिं सिनाः म्‍वानादीम्‍ह ख्रीष्‍टयागु निंतिं म्‍वानाच्‍वनेमाः।

२ कोरिन्‍थी 5:21

ख्रीष्‍टयाके पाप धयागु हे मदु। अय्‌नं परमेश्‍वरं झीगु पाप ख्रीष्‍टयात क्‍वबिकादिल। ख्रीष्‍टं थथे यानादीगुलिं हे झीपिं परमेश्‍वर नाप मिलय् जुइ फइ, अले परमेश्‍वरया न्‍ह्यःने धर्मी ठहरय् जुइ।

एफिसी 5:2

ख्रीष्‍ट येशूं झीत माया यानादी थें छिमिसं नं थःथवय् माया यानाः च्‍वनेगु यायेमाः। ख्रीष्‍टं झीत माया यानाः नस्‍वाःगु देछा व बलिकथं थःत परमेश्‍वरयाथाय् छायादिल।

१ थेसलोनिकी 4:13

दाजुकिजापिं, सी धुंकूपिं विश्‍वासीतय्‌गु खँ नं छिमित कने। आशा मदुपिं मनूतय्‌सं थें छिमिसं नुगः मछिंके मते।

१ थेसलोनिकी 4:15

प्रभुं धयादी थें जिमिसं स्‍यनाच्‍वनागु खः। प्रभु झायादीबलय् झीपिं म्‍वानाच्‍वंपिन्‍सं सी धुंकूपिन्‍त गुगुं कथं नं लिलाके फइ मखु।

१ थेसलोनिकी 4:17

थ्‍व हे इलय् तक म्‍वानाच्‍वंपिं नं इपिं नाप तुं प्रभुयात आकाशय् नापलायेत सुपाँचय् थाहां वनी। थुकथं झीपिं सदां प्रभु नाप च्‍वने खनी।

१ थेसलोनिकी 5:6

अय्‌जूगुलिं झीपिं मेपिं थें न्‍ह्यलं ब्‍वाना च्‍वने मजिल, बरु होश यानाः न्‍ह्यलं चाय्‌का च्‍वनेमाः।

१ तिमोथी 2:6

वय्‌कः फुक्‍क मनूतय्‌गु पलेसाय् सिनादिल। न्‍हापांनिसें हे क्‍वःछिना तःकथं वय्‌कः पाय्‌छि इलय् सिनादिल।

२ तिमोथी 2:11

थथे धयातःगु धात्‍थें खः – “वय्‌कः नाप सीसा वय्‌कः नाप हे म्‍वाये दइ।

तीतस 2:14

झीत झीगु पापं छुतय् यायेत वय्‌कः थः हे सिनादिल। थुकथं वय्‌कलं झीत थः मनू यानाः पवित्र यानादिल, अले भिंगु ज्‍या यायेत साहस बियादिल।

१ पत्रुस 2:24

वय्‌कः थःम्‍हय्‌सिनं हे झीगु पाप क्‍वबिया क्रूसय् सिनादिल। अय्‌जूगुलिं झीसं पाप यायेगु मतिइ तकं मतसे परमेश्‍वरयात यय्‌क भिंगु बांलाःगु जक यानाच्‍वनेमाः। छिमित मुक्ति बीत ख्रीष्‍ट सिनादीगु खः।

१ पत्रुस 3:18

छाय्‌धाःसा झीत परमेश्‍वरयाथाय् हयेत ख्रीष्‍ट नं छकः सिनादिल। पाप हे मदय्‌कं पापीतय्‌गु निंतिं दुःख फयादिल। वय्‌कः पृथ्‍वीइ सिनादिल, अले आत्‍मां वय्‌कःयात हानं म्‍वाकादिल।