१ थेसलोनिकी 4:4 - नेवाः बाइबल

⁴ छिपिं फुक्‍कसिनं थः कलाःलिसे पवित्र जुयाः बांलाक हना च्‍वनेमाः।

१ थेसलोनिकी 4:4 ပူးပေါင်းရင်းမြစ်များ

प्रेरित 9:15

तर प्रभुं वयात धयादिल – “छ हुँ छाय्‌धाःसा यहूदीमखुपिन्‍त, जुजुपिन्‍त व इस्राएलीतय्‌त नं जिगु नां न्‍यंके छ्वयेत जिं थ्‍व मनूयात ल्‍ययागु दु।

रोमी 1:24

इमिसं थथे याना जूगुलिं परमेश्‍वरं इमित बांमलाःगु मभिंगु जक याना जुइगुलिइ हे त्‍वःतादिल, ताकि इमिसं थःम्‍हं थःगु म्‍हयात क्‍वह्यंकेमा।

रोमी 12:1

यःपिं दाजुकिजापिं, थथे परमेश्‍वरयागु दया मायां यानाः वय्‌कःयात यय्‌क, पवित्र जुइक, छिमिगु जीवन वय्‌कःयात बलिकथं देछाया ब्‍यु। थथे यायेगु हे दुनुगलंनिसें सेवा यायेगु खः।

रोमी 6:19

छिमिसं बांलाक थुइके थाकुइ धकाः जिं मनूतय्‌सं थें धयाच्‍वनागु खः। न्‍हापा छकः छिमिसं पापी ज्‍याखँ जक यायेगुलिं अप्‍वः मन तया जुइ धुंकू थें आः भिंगु ज्‍याखँय् अप्‍वः मन तया जु। आः पवित्र जुइत छिमिगु जीवन परमेश्‍वरया निंतिं लःल्‍हानाब्‍यु।

१ कोरिन्‍थी 6:15

छिमिगु म्‍ह ख्रीष्‍टयागु म्‍हब्‍व खः धकाः छिमिसं मस्‍यू ला? थथे खः धयागु जूसा ख्रीष्‍टयागु म्‍हब्‍वयात वेश्‍यायागु म्‍हब्‍व यायेगु ला? थथे ला जुइ हे मफइगु खँ खः।

१ कोरिन्‍थी 7:2

अथेसां व्‍यभिचार अप्‍वः जूगुलिं न्‍ह्याम्‍ह मिजंया नं थःम्‍ह हे कलाः दयेमा। अथे हे न्‍ह्याम्‍ह मिसाया नं थःम्‍ह हे भाःत दयेमा।

१ कोरिन्‍थी 7:9

थःत कःघाये मफुसा ब्‍याहा यायेमाः। छाय्‌धाःसा प्‍याःचाः सह याये मफय्‌का च्‍वनेगु स्‍वयाः ब्‍याहा यायेगु बांलाः।

२ कोरिन्‍थी 4:7

चायागु थलय् तःजिगु धन तः थें परमेश्‍वरं जिमिगु मनय् झल्‍ल मत थीकादिल। थुकिं हे जिमिगु शक्ति मखु, बरु वय्‌कःयागु शक्ति खः धकाः सी दइ।

फिलिप्‍पी 4:8

यःपिं दाजुकिजापिं, दकलय् लिपा जिं धाये – छिमिसं सत्‍यगु, हनेबहःगु, भिंगु, शुद्धगु, बांलाःगु, ततःधंगु व प्रशंसा याये बहःगु खँय् जक मन बिया च्‍वँ।

हिब्रू 13:4

ब्‍याहायात सकसिनं तःधंकेमाः। निम्‍हतिपूया दथुइ थःथवय् विश्‍वास दयेमाः, छाय्‌धाःसा व्‍यभिचार याइपिन्‍त व ब्‍याहा याये धुंकाः नं मेपिं नाप जुयाः स्‍यनिपिन्‍त परमेश्‍वरं न्‍याय यानादी।

१ पत्रुस 3:7

अथे हे मिजंतय्‌सं नं थः कलाः बमलाःम्‍ह खः धयागु खँ ल्‍वःमंके मज्‍यू। छिमिसं नं इमित मानय् यायेमाः, छाय्‌धाःसा परमेश्‍वरं इमित नं अनन्‍त जीवन बियातःगु दु। थुकथं छिमित निम्‍ह जानाः प्रार्थना यायेत छुकिं नं पनी मखु।

१ शमूएल 21:5

दाऊदं पुजाहारीयात लिसः बिल, “थौं तक जिपिं छुं ज्‍याया निंतिं वनीबलय् मिसातपाखें तापाक्‍क हे च्‍वनागु दु। चिचाधंगु ज्‍या यायेत वनीबलय् ला इमिगु अंग नं चोख जू धाःसा थौंया न्‍हि झन इमिगु अंगत गुलि शुद्ध जुइ।”