१ थेसलोनिकी 4:13 - नेवाः बाइबल

¹³ दाजुकिजापिं, सी धुंकूपिं विश्‍वासीतय्‌गु खँ नं छिमित कने। आशा मदुपिं मनूतय्‌सं थें छिमिसं नुगः मछिंके मते।

१ थेसलोनिकी 4:13 ပူးပေါင်းရင်းမြစ်များ

उत्‍पत्ति 37:35

वया फुक्‍क काय् म्‍ह्याय्‌पिन्‍सं वयाः वयात ह्यय्‌केत स्‍वत, व मानय् मजू। वं धाल, “जि थः काय्‌या दुःखं च्‍वँच्‍वं हे जिमि काय्‌या थासय् वने।” थुकथं वं थः काय्‌या लागि तसकं नुगः मछिंकल।

२ शमूएल 18:33

अनंलि जुजु तसकं दुःख मन ताय्‌काः मू ध्‍वाखाया च्‍वय्‌यागु कोथाय् वनाः ख्‍वः वन, अले जुजु थथे धाधां ख्‍वख्‍वं वन, “जिम्‍ह पुताः! जिमि काय् अब्‍शालोम, जिकाय् अब्‍शालोम! छंगु पलेसा जि सीगु जूसा ज्‍यूगु नि! अय् अब्‍शालोम, जिकाय्, जिकाय्!”

१ राजा 1:21

छःपिन्‍सं छुं याना मदिल धाःसा जिमि मालिक महाराज सीधुंकाः जि व जिम्‍ह काय् सोलोमनयात अपराधीयात थें व्‍यवहार याइ।”

१ राजा 2:10

अले दाऊद थः पुर्खात थें सित, वयात दाऊदया शहरय् थुन।

अय्‍यूब 1:21

थथे धाल, “जि जिमि मांया प्‍वाथं हे नांगां वया, अले जि नांगां हे वने। परमप्रभुं बियादिल अले परमप्रभुं हे यंकादिल। परमप्रभुयागु नां तःधनेमा।”

हितोपदेश 14:32

दुष्‍टत इमिगु मभिंगु ज्‍यां यानाः नाश जुयावनी, धर्मीतय्‌त सीबलय् नं रक्षा याना तइ।

इजकिएल 37:11

अले वय्‌कलं जितः धयादिल, “अय् सीमानिम्‍ह मनू, थुपिं क्‍वँय्‌त इस्राएलया फुक्‍क घराना खः। इमिसं धाइगु, ‘झीगु क्‍वँय्‌त गनावने धुंकल, अले झीगु आशा मदये धुंकल, झीपिं नाश जूगु दु।’

दानिएल 12:2

अले ग्‍वाः ग्‍वाः सी धुंकूपिं मनूत, गुलिं अनन्‍त जीवनया लागिं, गुलिं धाःसा लज्‍या व न्‍ह्याबलें क्‍वह्यंकाच्‍वनेगु लागि दना वइ।

लेवी 19:28

“‘छिमिसं दुखं च्‍वनीबलय् थःगु म्‍हया छेंगुलिइ घाः याये मते। अले उकी छुं नं च्‍वयेगु ज्‍या नं याये मते। जि परमप्रभु खः।

लेवी 21:2

थः मांबौ, काय्‌म्‍ह्याय्, दाजुकिजा,

मत्ती 27:52

चिहान चाला वल। अले सी धुंकूपिं यक्‍व हे विश्‍वासीत हानं म्‍वानावल।

यूहन्‍ना 11:24

मार्थां धाल – “दकलय् लिपायागु दिनय् सीपिं म्‍वाना वइबलय् व नं म्‍वाना वइ धकाः जिं नं स्‍यू।”

प्रेरित 13:36

“थ्‍व खँ दाऊदं थःगु बारे च्‍वयातःगु मखु, छाय्‌धाःसा परमेश्‍वरया इच्‍छा कथं सेवा यानाः सीधुंकाः वयात वया तापाःबाज्‍यापिंनापं थुनाबिल। अले वयागु सीम्‍ह ध्‍वगिना वन।

प्रेरित 7:60

अले पुलिं चुयाः तःसलं हालाः धाल – “प्रभु, इमिसं यानाच्‍वंगु पाप क्षमा यानादिसँ।” थुलि धयाः व सित।

प्रेरित 8:2

सुं विश्‍वासीतय्‌सं वयाः स्‍तिफनसयात यंकाः थुनाबिल। थथे व सीगुलिं इपिं तसकं नुगः मछिंकाः ख्‍वल।

रोमी 1:13

यःपिं दाजुकिजापिं, जि छिमिथाय् वयेत तःकः मछि हे कुतः याये धुन। छुं खं यानाः वये मफया च्‍वन। जि वयाः मेथाय् च्‍वंपिं यहूदीमखुपिन्‍त थें छिमिथाय् नं परमेश्‍वरयात म्‍हमस्‍यूपिं मनूतय्‌त वय्‌कःयात म्‍हसीका बी।

१ कोरिन्‍थी 10:1

यःपिं दाजुकिजापिं, मोशानापं जूपिं झी तापाःबाज्‍यापिन्‍त मरुभूमिइ छु जूगु खः जिं छिमित लुमंकाबी मास्‍ति वः। इपिं फुक्‍कं सुपाँय्‌या क्‍वसं जुयाः लाल समुद्र छिनावंगु खः।

१ कोरिन्‍थी 12:1

यःपिं दाजुकिजापिं, पवित्र आत्‍मां बियादीगु वरदानयागु सत्‍य खँ छु खः धकाः छिमिसं सीकि।

१ कोरिन्‍थी 15:6

लिपा हानं वय्‌कः न्‍यासलं मयाक चेलात मुनाच्‍वंथाय् खनेदय्‌कः झाल। थुपिं मध्‍ये गुलिं मनूत थौं तक नं म्‍वाना हे च्‍वंगु दनि, गुलिं सिनावने नं धुंकल।

२ कोरिन्‍थी 1:8

यःपिं दाजुकिजापिं, एशियाय् जिमित दुःखकष्‍ट जूगु खँ छिमिसं नं सीमा धयागु जिमिगु इच्‍छा दु। अबलय् जिमित जूवःगु दुःखकष्‍ट तसकं हे तःधंगुलिं जिमिसं सह याये तक नं मफुत। म्‍वाइ थें हे मच्‍वने धुंकूगु।

एफिसी 2:12

बिचाः या, छिपिं ख्रीष्‍टपाखें तापाना च्‍वंपिं खः। छिपिं इस्राएलयागु हकं पिनेलाःपिं, परमेश्‍वरं चिनादीगु बाचां पिनेलाःपिं, आशा धयागु हे त्‍वफिका च्‍वंपिं, व परमेश्‍वर हे मदय्‌का च्‍वंपिं जुयाच्‍वंगु खः।

एफिसी 2:3

झीपिं नं छकः इपिं थें हे जुइ धुनागु दु, झीसं नं थःत यःथें यानाः मोजमज्‍जा याना जुइ धुन। थुकथं मेपिं थें झीपिं नं परमेश्‍वरयागु तं फये मालीपिं जुइ धुन।

१ थेसलोनिकी 4:14

येशू सिनाः हानं म्‍वानावल धकाः ला झीसं विश्‍वास यानाच्‍वनागु दु। अथे हे वय्‌कःयात विश्‍वास यानाः सिनावंपिं मनूतय्‌त येशू नाप परमेश्‍वरं ब्‍वना यंकादी धकाः नं झीसं विश्‍वास यानाच्‍वनागु दु।

१ थेसलोनिकी 4:15

प्रभुं धयादी थें जिमिसं स्‍यनाच्‍वनागु खः। प्रभु झायादीबलय् झीपिं म्‍वानाच्‍वंपिन्‍सं सी धुंकूपिन्‍त गुगुं कथं नं लिलाके फइ मखु।

१ थेसलोनिकी 5:10

वय्‌कः झीगु निंतिं सिनादिल। अय्‌जूगुलिं प्रभु लिहां झाइबलय् झीपिं म्‍वाना च्‍वंसां, सी धुंकूसां वय्‌कः नाप च्‍वने दइ।

१ थेसलोनिकी 5:6

अय्‌जूगुलिं झीपिं मेपिं थें न्‍ह्यलं ब्‍वाना च्‍वने मजिल, बरु होश यानाः न्‍ह्यलं चाय्‌का च्‍वनेमाः।

२ पत्रुस 3:4

इमिसं थथे धाइ – “येशू झायादी धकाः धयागु मखु ला? ग्‍व, गन दु येशू? जिमि तापाःबाज्‍यापिं सिनावने धुंकल। सृष्‍टि याःबलय् निसें थौं तक नं अथे हे तिनि, छुं नं मपाः।”

२ पत्रुस 3:8

यःपिं दाजुकिजापिं, थ्‍व खँ ल्‍वःमंके मते – प्रभुयात छन्‍हु नं द्वःछि दँ थें, अले द्वःछि दँ नं छन्‍हु थें खः।