१ थेसलोनिकी 4:10 - नेवाः बाइबल

¹⁰ अथे ला छिमिसं माकेडोनियाय् च्‍वंपिं दाजुकिजापिन्‍त धात्‍थें हे माया यानाच्‍वंगु दु। छिपिं अज्‍ज नं थुकथं हे न्‍ह्यज्‍याना हुँ धकाः जिमिसं छिमित धयाच्‍वनागु दु।

१ थेसलोनिकी 4:10 ပူးပေါင်းရင်းမြစ်များ

रोमी 15:26

यरूशलेमय् च्‍वंपिं चीमिपिं विश्‍वासीतय्‌त ग्‍वाहालि बीत माकेडोनियाय् व अखैयाय् च्‍वंपिं मण्‍डलीयापिन्‍सं लय्‌तातां भेटी बिल।

एफिसी 1:15

छिमिसं येशू ख्रीष्‍टयात क्‍वात्तुक विश्‍वास यानाच्‍वंगु व फुक्‍क विश्‍वासीतय्‌त दया माया यानाच्‍वंगु खँ न्‍यनाः

फिलिप्‍पी 1:9

छिमिगु माया अज्‍जं अप्‍वयावनेमा, अले छिमिसं धात्‍थेंगु भिंगु खँ छु खः धयागु दुनुगलंनिसें ध्‍वाथुइके फयेमा धकाः नं जिं प्रार्थना यानाच्‍वनागु दु।

कलस्‍सी 1:4

छाय्‌धाःसा छिमिसं येशू ख्रीष्‍टयात विश्‍वास यानाच्‍वंगु व परमेश्‍वरया मनूतय्‌त दया माया यानाच्‍वंगु खँ जिमिसं न्‍यना तयागु दु।

१ थेसलोनिकी 1:7

अथे जूगुलिं छिपिं माकेडोनिया व अखैयाय् च्‍वंपिं विश्‍वासीतय्‌गु निंतिं नमूना थें जुल।

१ थेसलोनिकी 3:12

जिमिसं छिमित माया याना थें प्रभुं छिमित नं थःथवय् व मेपिन्‍त माया यानाः न्‍ह्यज्‍याये फय्‌कादीमा।

१ थेसलोनिकी 4:1

दाजुकिजापिं, परमेश्‍वरयात यय्‌क गथे यानाच्‍वनेमाः धयागु खँ ला छिमिसं जिमिगुपाखें स्‍यना काये धुंकूगु हे दु। छिपिं उकथं हे जुयाच्‍वंगु नं दु। छिपिं थुकथं हे अज्‍जं न्‍ह्यज्‍यानावने फयेमा धकाः जिमिसं छिमित प्रभुया नामं बिन्‍ति यानाच्‍वनागु दु।

२ थेसलोनिकी 1:3

छिमिगु विश्‍वास यक्‍व अप्‍वयावनाच्‍वंगु दु, अले छिमिसं थःथवय् माया यायेगु नं अप्‍वय्‌का हयाच्‍वंगु दु। थुकिया निंतिं परमेश्‍वरयात सुभाय् मब्‍यूसे मगाः।

२ थेसलोनिकी 3:4

जिमिसं धया थें छिमिसं यानाच्‍वंगु दु, अले याना हे च्‍वनी धकाः जिमिसं प्रभुयाके भरोसा कयागु दु।

२ पत्रुस 3:18

झी प्रभु व मुक्तिदाता येशू ख्रीष्‍टयागु दया माया अप्‍वः दयावनेमा। अले छिमिसं वय्‌कःयात अझ नं बांलाक म्‍हसीका वने फयेमा। वय्‌कःयागु नां आः व सदां तःधना च्‍वनेमा। आमेन।