१ थेसलोनिकी 3:9 - नेवाः बाइबल

⁹ छिमिसं यानाः हे जिपिं परमेश्‍वरया न्‍ह्यःने लय्‌तायाच्‍वने फइ। छिमिगु निंतिं परमेश्‍वरयात न्‍ह्याक्‍व सुभाय् ब्‍यूसां गाइ मखु।

१ थेसलोनिकी 3:9 ပူးပေါင်းရင်းမြစ်များ

२ शमूएल 6:21

दाऊदं मीकलयात थथे लिसः बिल, “छिमि अबु व वया घरानाया सुयागुं पलेसा जितः वय्‌कःया प्रजा इस्राएलया जुजु ल्‍ययादीम्‍ह परमप्रभुया न्‍ह्यःने थथे यानागु खः। परमप्रभुया न्‍ह्यःने जिं लसतां हने।

२ इतिहास 31:8

हिजकिया व वया भारदारत अन वःबलय् इमिसं मुंकातःगु द्वँ खन। अले इमिसं परमप्रभुयात व वय्‌कःया प्रजा इस्राएलया मनूतय्‌त धन्‍य धाल।

नहेम्‍याह 9:5

अले येशूअ, कादमीएल, बानी, हशबन्‍याह, शरेबियाह, होदियाह, शबन्‍याह व पतहियाह नांयापिं लेवीतय्‌सं धाल, “दनाः अनादिंनिसें अनन्‍त तक दीम्‍ह परमप्रभु झी परमेश्‍वरयात तःधंकि।” अले इमिसं थथे प्रार्थना यात, “छिगु महिमां जाःगु नां धन्‍य जुइमा, व नां फुक्‍क सुवाः व प्रशंसा स्‍वयाः च्‍वय् दु।

भजनसंग्रहया सफू 116:12

परमप्रभुं जिगु लागि गुलि भिं यानादीगु दु, जिं उकिया पलेसा वय्‌कःयात छु बीगु?

भजनसंग्रहया सफू 68:3

तर धर्मीत लय्‌तायाच्‍वनेमा। इपिं परमेश्‍वरया न्‍ह्यःने लय्‌तायेमा, अले लसतां हालाजुइमा।

२ कोरिन्‍थी 2:14

परमेश्‍वरयात सुभाय् दु, छाय्‌धाःसा ख्रीष्‍टलिसे तुं जिपिं नं न्‍ह्याबलें त्‍याना च्‍वनेत वय्‌कलं जिमित दया माया यानादीगु दु। अले जिमिगुपाखें भिंगु खँ नस्‍वाः थें न्‍यंकभनं न्‍यंकादीगु दु।

२ कोरिन्‍थी 9:15

थुकथं परमेश्‍वरं झीत तःधंगु वरदान बियादीगुलिं वय्‌कःयात सुभाय् दु।

व्‍यवस्‍था 12:18

बरु छिपिं, छिमि काय्‌म्‍ह्याय्‌पिं, छिमि च्‍यःभ्‍वातिंत अले छिमिगु शहरय् च्‍वनाच्‍वंपिं लेवीया सन्‍तानत नापं वय्‌कलं ल्‍ययादीगु थासय् नयेगु या। परमप्रभु छिमि परमेश्‍वरया न्‍ह्यःने छिमिसं याइगु थःपिनिगु फुक्‍क ज्‍याय् लसता हँ।

व्‍यवस्‍था 12:2

छिमिसं व देश त्‍याकाकाइबलय् अनयापिं मनूतय्‌सं तःजाःगु डाँडाय्‌, ततःमागु सिमा क्‍वय् व पर्वत पर्वतय् थः द्यःतय्‌त पुजा याइगु थाय् छिमिसं भज्‍यंक स्‍यंकाब्‍यु।

व्‍यवस्‍था 16:11

परमप्रभु छिमि परमेश्‍वरं थःगु नांया लागिं च्‍वनेगु ल्‍ययादीगु थासय् छिपिं, छिमि काय्‌म्‍ह्याय्‌पिं, दास दासी, शहरय् च्‍वंपिं लेवीया सन्‍तानत, परदेशीत, मांबौ मदुपिं मस्‍त व भाःत सी धुंकूपिं मिस्‍त, फुक्‍कसिनं थः परमेश्‍वरया न्‍ह्यःने लसता हँ।

१ थेसलोनिकी 2:19

जिमिगु आशा धाःसां, जिमिगु लय्‌ताः धाःसां, अले झी प्रभु येशू ख्रीष्‍ट झाइबलय् जिमि छ्यं धस्‍वाकेगु श्रीपेच धाःसां छिपिं हे, मखु ला?