१ थेसलोनिकी 3:3 - नेवाः बाइबल

³ थज्‍याःगु दुःखकष्‍ट खनाः ग्‍यानाः छिपिं सुं नं लिचिले मते। थज्‍याःगु दुःखकष्‍ट ला झीत व हे वइ धकाः छिमिसं सि हे स्‍यू।

१ थेसलोनिकी 3:3 ပူးပေါင်းရင်းမြစ်များ

अय्‍यूब 23:14

वय्‌कलं थःगु योजना जिगु विरोधय् पूरा यानादी। थज्‍याःगु यक्‍व योजना वय्‌कःयाके दु।

भजनसंग्रहया सफू 112:6

धर्मी मनू गुबलें लिचिले माली मखु, वयागु लुमन्‍ति न्‍ह्याबलें दयाच्‍वनी।

लूका 21:12

“थथे जुइ न्‍ह्यः जिगु नांयागु निंतिं छिमित ज्‍वनाः कसाः याइ, धर्मशास्‍त्र स्‍यनीगु छेँया थकालिपिन्‍त लःल्‍हानाबी, झ्‍यालखानाय् कुनी, अले जुजुपिन्‍थाय् व हाकिमतय्‌थाय् यंकी।

यूहन्‍ना 16:2

इमिसं छिमित धर्मशास्‍त्र स्‍यनीगु छेँनं पितिनाहइ। अले मनूतय्‌सं छिमित स्‍यानाः परमेश्‍वरयागु सेवा याना धकाः मतिइ तया जुइगु ई नं वइतिनि।

यूहन्‍ना 16:33

जिगुपाखें छिमित शान्‍ति दयेमा धकाः जिं थथे धयाच्‍वनागु खः। थ्‍व संसारय् छिमित दुःख जुइ, अय्‌नं साहस या, जिं संसारयात त्‍याके धुन।”

प्रेरित 14:22

इमिसं विश्‍वासीतय्‌त विश्‍वासय् बल्‍लाना च्‍वनेत साहस बिल। अले थथे धकाः नं स्‍यन – “परमेश्‍वरया राज्‍यय् दुहां वनेत झीसं थज्‍याःगु दुःखकष्‍ट सह यायेमाः।”

प्रेरित 2:25

थथे जुइतिनि धकाः दाऊदं न्‍हापा हे थथे च्‍वयातःगु दु – “‘परमप्रभु न्‍ह्याबलें जि नाप दी धकाः जिं स्‍यू। जि मग्‍यायेमा धकाः वय्‌कः जिगु जवय् दी।

प्रेरित 21:11

वं पावलयागु जनी कयाः थःगु ल्‍हाःतुति चिनाः थथे धाल – “पवित्र आत्‍मां थथे धयादीगु दु – ‘थ्‍व जनीया थुवाःयात यरूशलेमय् वन धाःसा यहूदीतय् नायःतय्‌सं थथे हे यानाः चिनाबी, अले यहूदीमखुपिन्‍त लःल्‍हानाबी।’”

प्रेरित 21:13

पावलं धाःसा थथे लिसः बिल – “छिकपिन्‍सं थथे ख्‍वयाः हालाः जिगु मन क्‍वतुंकेत स्‍वयां छु याये? प्रभु येशूयागु नामय् ज्‍वनाः चिकेत जक छु सीत तकं लिचिले मखु।”

प्रेरित 9:16

अले हानं जिं वयात जिगु नांया निंतिं गुलि तक वं दुःखकष्‍ट सी मालीतिनि धकाः क्‍यनेतिनि।”

रोमी 5:3

थुलि जक मखु, दुःखकष्‍ट जुयाच्‍वंबलय् नं झीपिं लय्‌ताः, छाय्‌धाःसा दुःखकष्‍टं धैर्य व सह यायेगु शक्ति दय्‌काबी।

१ कोरिन्‍थी 15:58

अय्‌जूगुलिं यःपिं दाजुकिजापिं, क्‍वात्तुक विश्‍वास या, अले मन थातय् लाकाः च्‍वँ। प्रभुयागु ज्‍या याना हे च्‍वँ। थथे छिमिसं याःगु ज्‍या सितिं वनी मखु धकाः ला छिमिसं सि हे स्‍यू।

१ कोरिन्‍थी 4:9

मनूतय्‌त स्‍याये यंकीबलय् तमासा क्‍यने थें जिमित नं परमेश्‍वरं प्रेरितत दय्‌कादिल। उकिं हे ला खः नि मनूतय्‌गु न्‍ह्यःने व स्‍वर्गदूततय्‌गु न्‍ह्यःने नं थ्‍व संसारय् जिपिं तमासा जुयाच्‍वंगु।

एफिसी 3:13

अय्‌जूगुलिं जिं थथे दुःखकष्‍ट सियाच्‍वनागु खनाः छिमिसं आशा त्‍वःते मते धकाः जिं इनाप यानाच्‍वना। थुकिं छिमित हे भिं जुइ।

फिलिप्‍पी 1:28

दुःख बीपिं खनाः छिपिं ग्‍याये मते। थुकिं इपिं नाश जुयावनी, अले छिमित मुक्ति दइ धकाः बांलाक सी दु, छाय्‌धाःसा थ्‍व परमेश्‍वरं हे यानादीगु खः।

कलस्‍सी 1:23

उकिं छिमिसं भिंगु खँयागु आशा मत्‍वःतुसे दुनुगलंनिसें क्‍वात्तुक विश्‍वास याना च्‍वँ। थ्‍व हे भिंगु खँ संसारय् च्‍वंपिं फुक्‍कसितं न्‍यंकूगु दु। थ्‍व ज्‍याय् प्रभुं जि पावलयात च्‍यः यानादीगु खः।

१ थेसलोनिकी 5:9

परमेश्‍वरं झीत सजाँय बीत सःतादीगु मखु, बरु झी प्रभु येशू ख्रीष्‍टपाखें मुक्ति बीत सःतादीगु खः।

२ थेसलोनिकी 1:4

छिमिसं उलिमछि दुःखकष्‍ट सिया च्‍वनेमालं नं क्‍वात्तुक विश्‍वास यानाः सह यानाच्‍वंगु खँ जिमिसं थाय् थासय् परमेश्‍वरयागु मण्‍डलीइ च्‍वंपिन्‍त छ्यं धस्‍वाकाः कनेफु।

२ तिमोथी 1:8

उकिं झी प्रभुयागु भिंगु खँ न्‍यंका जुइत लज्‍या चाये मते, अले जितः कुनातःगुलिइ नं लज्‍या चाये मते, बरु परमेश्‍वरयागु शक्तिइ भरोसा तयाः छं नं जिं थें तुं भिंगु खँयागु निंतिं दुःखसिया जु।

१ पत्रुस 2:21

थथे यायेत हे छिमित परमेश्‍वरं ल्‍ययादीगु खः। अय्‌जूगुलिं ख्रीष्‍ट थः हे नमूना जुयाः छिमिगु निंतिं दुःखकष्‍ट फयादिल। उकिं छिमिसं नं वय्‌कलं थें याये माल।

प्रकाश 2:10

दुःख वइन धकाः छिपिं ग्‍याये मते। का स्‍व, शैतानं छिपिं मध्‍ये सुयातं झ्‍यालखानाय् कुंका बीत्‍यंगु दु। थुकथं छिपिं विश्‍वासय् गुलि बल्‍लाःपिं खः धकाः स्‍वयेत्‍यंगु दु। झिन्‍हु हे जक छिमित दुःखकष्‍ट जुइ। सी हे माला वंसां छिमिसं जितः विश्‍वास यायेगु त्‍वःते मते, अले छिमित जीवनयागु श्रीपेच बी।

प्रकाश 2:13

“शैतानयागु सिंहासन दुथाय् छिपिं च्‍वनाच्‍वंगु दु धकाः जिं स्‍यू। छिमिसं शैतान दुगु थासय् नं जितः क्‍वात्तुक भक्ति व विश्‍वास यानाच्‍वंगु दु धकाः, अले जिगु साक्षी बिया जूम्‍ह एन्‍टिपासयात स्‍याःबलय् नं छिमिसं जितः विश्‍वास यायेगु मत्‍वःतू।