१ थेसलोनिकी 3:13 - नेवाः बाइबल

¹³ प्रभु येशू थः मनूत नाप झायादीबलय् परमेश्‍वर बाःया न्‍ह्यःने दोष मदुपिं व पवित्र जुया च्‍वनेत वय्‌कलं छिमित बल्‍लाकादीमा।

१ थेसलोनिकी 3:13 ပူးပေါင်းရင်းမြစ်များ

जकरिया 14:5

छिपिं जिगु पहाडया गाः जुयाः बिस्‍युं वनी छाय्‌धाःसा व गाः आसेल तक थ्‍यनी। यहूदायाम्‍ह जुजु उज्‍जियाहया पालय् भुखाय् ब्‍वःबलय् मनूत बिस्‍युं वं थें छिपिं बिस्‍युं वनी। अबलय् परमप्रभु जिमि परमेश्‍वर थः पवित्रम्‍हनापं झाइ।

मत्ती 25:31

“मनूया काय् स्‍वर्गदूतत नाप जुजु जुयाः वइ अले थःगु सिंहासनय् च्‍वनी।

मर्कूस 8:38

थ्‍व पापी व मभिंगु संसारय् सुनां जि व जिगु खँ न्‍यनाः ख्‍वाः फस्‍वय्‌की मनूया काय्‌नं स्‍वर्गदूतत नाप झःझः धाय्‌क परमेश्‍वर बाःनं छ्वया हइबलय् व खनाः लज्‍या चाइ।”

लूका 1:6

इपिं निम्‍हं परमेश्‍वरया न्‍ह्यःने धर्मीपिं खः। इपिं व्‍यवस्‍था फुक्‍कं मानय् याइपिं खः। उकिं इमित छुं धायेथाय् मदु।

रोमी 14:4

मेपिनि च्‍यःयात न्‍याय याइम्‍ह छ सु खः? वं याःगु ज्‍या बांलाः बांमलाः धकाः वया मालिकं हे न्‍याय याइ। वं बांलाःगु ज्‍या याये फइ, छाय्‌धाःसा वया मालिकं वयात लिधंसा बी फु।

रोमी 16:25

परमेश्‍वरयात तःधंकि, छाय्‌धाःसा छिमिगु विश्‍वास बल्‍लाकादी फुम्‍ह परमेश्‍वर हे खः। न्‍हापांनिसें गुप्‍त तयातःगु येशू ख्रीष्‍टयागु भिंगु खँ आः सकसितं सीके बियादीगु दु।

१ कोरिन्‍थी 15:23

तर फुक्‍क पालंपाः जुइ। दकलय् न्‍हापा ख्रीष्‍ट म्‍वात, अले ख्रीष्‍ट हानं थन झायादीबलय् वय्‌कःयापिं मनूत म्‍वाइ।

गलाती 1:4

थ्‍व मभिंगु इलं बचय् यायेत झीगु पापयागु निंतिं झी परमेश्‍वर बाःनं धयादी थें येशू थः हे सिनादिल।

एफिसी 5:27

थःगु हे निंतिं धकाः वय्‌कलं थज्‍याःगु पवित्रगु, छुं हे दोष मदुगु, खू मदुगु, स्‍यमकूंगु व बांलाःगु मण्‍डली दय्‌कादिल।

व्‍यवस्‍था 33:2

वं धाल, “परमप्रभु सीनैनं झाल अले सेइरं इमिगु लागि खनेदय्‌कः झाल। वय्‌कः पारान पर्वतं थित, वय्‌कः अल्‍याख पवित्रपिंलिसें थःगु पर्वतया पाःचापाखें दच्‍छिनं झाल। वय्‌कःया जव ल्‍हातय् च्‍यानाच्‍वंगु मि दु।

फिलिप्‍पी 1:10

थथे जूसा जक छिमिसं भिंगु भिंगु खँयात ल्‍यया काये फइ। अले ख्रीष्‍ट झाइबलय् छिपिं शुद्धपिं व दोष मदुपिं जुइ फइ।

कलस्‍सी 1:22

तर आः वय्‌कःया काय्‌नं थः हे सिनाः छिमित हाकनं वय्‌कः नाप मिलय् यानादीगु दु। वय्‌कः छिमित थःगु न्‍ह्यःने पवित्र, शुद्ध व दोष मदुपिं यायेत हे थथे सिनादीगु खः।

१ थेसलोनिकी 2:19

जिमिगु आशा धाःसां, जिमिगु लय्‌ताः धाःसां, अले झी प्रभु येशू ख्रीष्‍ट झाइबलय् जिमि छ्यं धस्‍वाकेगु श्रीपेच धाःसां छिपिं हे, मखु ला?

१ थेसलोनिकी 3:11

झी परमेश्‍वर बाः व प्रभु येशूं हे जिमित आम्‍कन वयेत लँ चाय्‌का बियादीमा।

१ थेसलोनिकी 3:2

छिमित साहस बीत व विश्‍वासय् बल्‍लाकेत जिपिं नाप भिंगु खँ न्‍यंका च्‍वंम्‍ह परमेश्‍वरया सेवा याइम्‍ह किजा तिमोथीयात छिमिथाय् छ्वयाहयागु खः।

१ थेसलोनिकी 4:15

प्रभुं धयादी थें जिमिसं स्‍यनाच्‍वनागु खः। प्रभु झायादीबलय् झीपिं म्‍वानाच्‍वंपिन्‍सं सी धुंकूपिन्‍त गुगुं कथं नं लिलाके फइ मखु।

१ थेसलोनिकी 4:17

थ्‍व हे इलय् तक म्‍वानाच्‍वंपिं नं इपिं नाप तुं प्रभुयात आकाशय् नापलायेत सुपाँचय् थाहां वनी। थुकथं झीपिं सदां प्रभु नाप च्‍वने खनी।

१ थेसलोनिकी 5:23

झीत शान्‍ति बियादीम्‍ह परमेश्‍वरं हे छिमित पवित्र यानाः प्रभु येशू ख्रीष्‍ट झाया मदितले छिमिगु आत्‍मा, प्राण व म्‍हयात दोष मदय्‌क तयादीमा।

२ थेसलोनिकी 1:10

उबलय् वय्‌कः थः मनूतय्‌पाखें महिमा कायेत व विश्‍वास याइपिं सकसितं अजू चाय्‌केत झाइ छाय्‌धाःसा छिमिसं जिमिगु साक्षीयात विश्‍वास यात।

२ थेसलोनिकी 1:7

दुःखकष्‍ट सियाच्‍वंपिं छिमित व जिमित नं वय्‌कलं दुःखकष्‍ट मदय्‌काबी। प्रभु येशू ख्रीष्‍ट वय्‌कःया तसकं बल्‍लाःपिं स्‍वर्गदूतत नाप स्‍वर्गं झायादीबलय् वय्‌कलं थथे यानादी।

२ थेसलोनिकी 2:1

दाजुकिजापिं, झी प्रभु येशू ख्रीष्‍ट झाइबलय् झीपिं फुक्‍कसितं वय्‌कः नाप छथाय् मुंकीतिनि धयागु खँ थुइकि।

याकूब 5:8

छिमिसं नं अथे हे मन तया च्‍वँ, थःगु नुगःयात बल्‍लाका च्‍वँ छाय्‌धाःसा प्रभु याकनं हे झायादी।

१ पत्रुस 5:10

थथे दुःखकष्‍ट सीधुंकाः झी परमेश्‍वरं छिमित सःताः भिंका व बल्‍लाकादी। थ्‍व हे भिंम्‍ह दया माया दुम्‍ह परमेश्‍वरं येशू ख्रीष्‍टयात झीथाय् छ्वयाहयाः वय्‌कः नाप स्‍वर्गय् च्‍वनेत झीत सःतादीगु खः।

यहूदा 1:14

आदमया न्‍हय्‌गू पुस्‍ता लिपायाम्‍ह हनोकं नं लिपा जुइगु थ्‍व हे खँ धयावंगु खः – “सीकाति, द्वलंद्वः पवित्रपिं स्‍वर्गदूततय्‌त ब्‍वनाः प्रभु झायादी।”

यहूदा 1:24

छिमित दोष मदय्‌काः परमेश्‍वरया न्‍ह्यःने हयादीम्‍ह झी प्रभुयागु नां सदां तःधना च्‍वनेमा। थ्‍व हे प्रभुं छिमित पाप याकेबी मखु। थ्‍व हे प्रभुं छिमित आनन्‍दं तयादी।