१ थेसलोनिकी 3:10 - नेवाः बाइबल

¹⁰ चान्‍हिं जिमिसं दुनुगलंनिसें आम्‍कन वये दयेमा धकाः परमेश्‍वरयाके फ्‍वनाच्‍वनागु दु। थुकथं छिमिगु विश्‍वासय् मगाः मचाःगु नं तना बीदइगु खः।

१ थेसलोनिकी 3:10 ပူးပေါင်းရင်းမြစ်များ

लूका 2:37

व चयप्‍यदँ दुबलय् तक भाःत मदय्‌कः हे च्‍वन। वं यक्‍व हे अपसं च्‍वनाः प्रार्थना यानाः परमेश्‍वरया सेवा यानाच्‍वंगु दु।

प्रेरित 26:7

थ्‍व हे खँ झी झिंनिगू कुलं नं जुइतिनि धकाः आशा यानाः दुनुगलंनिसें चां न्‍हिं परमेश्‍वरयागु आराधना याना जुल। थ्‍व हे आशां यानाः जितः थौं ज्‍वना हल, महाराज।

२ कोरिन्‍थी 1:15

थ्‍व हे खं यानाः जि नं छिमिथाय् वयेत कुतः यानाच्‍वनागु खः। थुकिं यानाः छिमित निदुगं आशिष दइ।

२ कोरिन्‍थी 1:24

छिमिगु विश्‍वासयात जिमिसं थःगु ल्‍हातय् कायेत स्‍वयागु मखु। छिमिसं क्‍वात्तुक विश्‍वास यानाच्‍वंगु दु। छिमित लय्‌ताय्‌केत हे जिपिं छिपिंनाप ज्‍या यानाच्‍वनागु खः।

२ कोरिन्‍थी 13:11

यःपिं दाजुकिजापिं, लय्‌ताया च्‍वँ। मभिंगु लँपु त्‍वःताः भिंगु लँपु ज्‍वनाच्‍वँ। जिं धयागु खँ नुगलय् तयाति। छिपिं सकलें मिलय् जुयाच्‍वँ। अले माया यानादीम्‍ह व शान्‍ति बियादीम्‍ह परमेश्‍वर छिपिंनाप च्‍वनादी।

२ कोरिन्‍थी 13:9

जिपिं बमलाःसां छिपिं जक बल्‍लाक विश्‍वास यानाः भिना वयेमा धकाः जिमिसं लय्‌तातां प्रार्थना यानाच्‍वनागु दु।

फिलिप्‍पी 1:25

छिपिंनाप च्‍वने दइतिनि धकाः जितः विश्‍वास दु। अले छिमित विश्‍वासय् बल्‍लाकेत व अज्‍ज लय्‌ताय्‌केत जि छिपिंनाप च्‍वने दइतिनि धकाः नं जिं स्‍यू।

कलस्‍सी 1:28

उकिं जिमिसं फुक्‍कसितं ख्रीष्‍टयागु खँ न्‍यंका जुयागु खः। फुक्‍कसितं ख्रीष्‍टयात क्‍वात्तुक विश्‍वास याकाः परमेश्‍वरया न्‍ह्यःने यंकेत जिमिसं ख्‍याच्‍वः बिया अले स्‍यनेकने यानाः वयाच्‍वनागु दु।

कलस्‍सी 4:12

छिमिथाय् हे च्‍वंम्‍ह ख्रीष्‍ट येशूया मेम्‍ह दास इपाफ्रासं नं छिमित ज्‍वजलपा धयाहःगु दु। छिमिसं क्‍वात्तुक विश्‍वास यानाः परमेश्‍वरयात यःकथं जक यानाच्‍वने फयेमा धकाः वं छिमिगु निंतिं न्‍ह्याबलें प्रार्थना यानाच्‍वंगु दु।

१ थेसलोनिकी 3:11

झी परमेश्‍वर बाः व प्रभु येशूं हे जिमित आम्‍कन वयेत लँ चाय्‌का बियादीमा।

२ थेसलोनिकी 1:11

अय्‌जूगुलिं हे छिपिं झी परमेश्‍वरं सःतादी थें जुयाच्‍वने फयेमा, वय्‌कःयागु शक्तिं छिमिसं मतिइ तक्‍व भिंगु खँ व विश्‍वासयागु ज्‍या पूवंके फयेमा धकाः जिमिसं प्रार्थना यानाच्‍वनागु दु।

२ तिमोथी 1:3

जिं जिमि तापाःबाज्‍यापिन्‍सं थें दुनुगलंनिसें परमेश्‍वरयागु ज्‍या यानाच्‍वनागु दु। प्रार्थना यायेबलय् जिं छन्‍त लुमंकाः चान्‍हिं परमेश्‍वरयात सुभाय् बियाच्‍वनागु दु।

फिलेमोन 1:22

मेगु छता खँ नं धाये – छिमिसं प्रार्थना यानाच्‍वंगुलिं जि हानं छिमिथाय् वये दइ ला धकाः आशा यानाच्‍वनागु दु। अय्‌जूगुलिं जितः क्‍वथा छकू स्‍वयाः तयाति।

प्रकाश 4:8

थ्‍व प्‍यम्‍ह जीवात्‍मातय्‌के खुपा खुपा पपू दु, अले दुनेपिने फुक्‍कभनं मिखाया मिखा दु। थुमिसं चच्‍छि न्‍हिच्‍छिं मदिक्‍क थथे म्‍ये हालाच्‍वनी। “पवित्र, पवित्र, पवित्रम्‍ह दक्‍वसिबय् तःधंम्‍ह व शक्ति दुम्‍ह परमप्रभु परमेश्‍वर। वय्‌कः न्‍हापांनिसें दीम्‍ह, आः नं दीम्‍ह, अले लिपा नं दीम्‍ह खः।”

प्रकाश 7:15

“उकिं हे ला खः नि, आः परमेश्‍वरया सिंहासनया न्‍ह्यःने च्‍वनाः चच्‍छि न्‍हिच्‍छिं देगलय् हे च्‍वनाः वय्‌कःया सेवा यानाच्‍वनी। सिंहासनय् दीम्‍हय्‌सिनं हे इमिगु दथुइ च्‍वनाः रक्षा यानादी।

१ शमूएल 12:23

जिगु लागि धाःसा, छिमिगु निंतिं प्रार्थना यायेगु त्‍वःताः परमप्रभुया न्‍ह्यःने पाप यायेगु न्‍हि जिपाखें तापाक हे जुइमा। छु यायेगु पाय्‌छि जू अले छु यायेगु भिं व जिं छिमित स्‍यनेकने याये।