१ थेसलोनिकी 2:9 - नेवाः बाइबल

⁹ दाजुकिजापिं, जिमिसं यक्‍व दुःखकष्‍ट सियाः ज्‍या यानागु ला छिमि लुमं हे जुइ। भिंगु खँ न्‍यंकः वयाबलय् जिमिसं छिपिं सुयातं थाकु मजुइमा धकाः चान्‍हि मद्यंसे ज्‍या याना।

१ थेसलोनिकी 2:9 ပူးပေါင်းရင်းမြစ်များ

२ राजा 6:2

जिपिं यर्दन खुसिइ सिँ काःवने ला? जिमिसं च्‍वनेत छखा छेँय् दय्‌के।” एलीशां लिसः बिल, “ज्‍यू, हुँ।”

नहेम्‍याह 5:15

अय्‌नं जि स्‍वयाः न्‍हापायापिं राज्‍यपालतय्‌सं मनूतय्‌त क्‍वत्‍यलातःगु खः। अले इमिके मरि, दाखमद्य, अले थुपिंनापं पिइगू शेकेल वहः काइगु। इमि च्‍यःतय्‌सं नं मनूतय्‌त अत्‍याचार याःगु खः। अय्‌नं जिं थथे मयाना, छाय्‌धाःसा जि परमेश्‍वर खनाः ग्‍याः।

नहेम्‍याह 5:18

न्‍हियान्‍हिथं नयेत छम्‍ह द्वहं, खुम्‍ह बांलापिं फै, यक्‍व झंगःपन्छितय्‌त ज्‍वरय् याइगु। झिन्‍हुइ छक्‍वः माक्‍व फुक्‍क कथंयागु दाखमद्य बीगु। अय्‌नं जिं मनूतय्‌सं गुलिमछि कु क्‍वबीमाः धकाः स्‍यू। उकिं जिं राज्‍यपालयात दयेमाःगु नसा गुबलें मफ्‍वना।

भजनसंग्रहया सफू 32:4

चच्‍छि न्‍हिच्‍छि छिगु ल्‍हाः जिगु म्‍हय् झ्‍यातुक्‍क लानाच्‍वन। जिगु बल फुक्‍कं निभालय् लः सू थें सुनावन। सेला

भजनसंग्रहया सफू 88:1

हे परमप्रभु, जितः मुक्ति बियादीम्‍ह परमेश्‍वर! जिं चान्‍हि छितः ततःसलं बिन्‍ति यानाच्‍वनागु दु।

हितोपदेश 31:18

वं थःगु ज्‍याया मू बांलाक थू, अले चान्‍हय् तक नं वं ज्‍या यानाच्‍वनी।

यर्मिया 9:1

जिगु छ्यं बुँगाःचा व जिगु मिखा ख्‍वबिया मुहान जूगु जूसा, स्‍याःपिं जिमि मनूतय्‌गु निंतिं जि चान्‍हि ख्‍वयाच्‍वनेगु।

लूका 18:7

अले छु, परमेश्‍वरं जक चान्‍हि थःके ग्‍वाहालि फ्‍वनाच्‍वंपिं थःम्‍हं हे ल्‍ययातःपिं मनूतय्‌त स्‍वयामदी ला? छु वय्‌कलं थः मनूतय्‌त ग्‍वाहालि यायेत लिबाकादी ला?

लूका 2:37

व चयप्‍यदँ दुबलय् तक भाःत मदय्‌कः हे च्‍वन। वं यक्‍व हे अपसं च्‍वनाः प्रार्थना यानाः परमेश्‍वरया सेवा यानाच्‍वंगु दु।

प्रेरित 18:3

व नं इपिं नाप हे च्‍वन, छाय्‌धाःसा व नं इपिं थें पाल दय्‌कीगु ज्‍या याइम्‍ह खः।

प्रेरित 20:24

न्‍ह्याथे हे जूसां जिं जिगु च्‍यूताः तये मखु, अले परमेश्‍वरं यानादीगु दया मायायागु भिंगु खँ न्‍यंका जुयाः प्रभु येशूं बियादीगु ज्‍या जक पूवंके दःसा गाः।”

प्रेरित 20:31

अय्‌जूगुलिं होश यानादिसँ, स्‍वदँ स्‍वदँ तक जिं छिकपिन्‍त चच्‍छि न्‍हिच्‍छि ख्‍वबि हाय्‌काः स्‍यनागु खँ ल्‍वःमंकादी मते।”

रोमी 1:1

येशू ख्रीष्‍टया दास जि पावलयात परमेश्‍वरयागु भिंगु खँ न्‍यंकेत वय्‌कलं हे प्रेरित दय्‌कादिल।

रोमी 15:16

जितः यहूदीमखुपिन्‍त परमेश्‍वरयागु भिंगु खँ कनेत ख्रीष्‍ट येशूयाम्‍ह च्‍यः यानादीगुलिं पुजाहारीं छाःथें जिं नं परमेश्‍वरयात यःगु पवित्र आत्‍मां शुद्ध यानातःपिं यहूदीमखुपिन्‍त छाये हयागु दु।

रोमी 15:19

जिं अजू चायापुगु चिं व ज्‍या नं याना, पवित्र आत्‍मायागु शक्तिं यरूशलेमंनिसें इल्‍लुरिकन तक फुक्‍कभनं ख्रीष्‍टयागु भिंगु खँ न्‍यंकागु दु।

१ कोरिन्‍थी 4:12

थःम्‍हं चःति हाय्‌काः जिमिसं ज्‍या यानाः नयाच्‍वना। सराः ब्‍यूपिन्‍त जिमिसं आशिष बियाच्‍वना। सास्‍ती ब्‍यूसां जिमिसं सह यानाच्‍वना।

१ कोरिन्‍थी 9:15

अय्‌सां जिं थथे काये ज्‍यूगु, काये दुगु छुं हे कयागु मदु। अले हानं अथे कायेत नं जिं थ्‍व खँ च्‍वयाच्‍वनागु मखु। थथे याये सिबें ला सिनावनेगु हे भिं जू। सुनानं जिगु थ्‍व घमण्‍डयात फुस्‍कुलुगु धकाः धाये फइ मखु।

१ कोरिन्‍थी 9:18

अय्‌सा जिगु ज्‍याला छु लय्? छुं हे मकासे भिंगु खँ न्‍यंकेगु हे जिगु ज्‍याला खः। अथे ला जिं जिगु ज्‍याला काःसां ज्‍यूगु खः।

१ कोरिन्‍थी 9:4

थथे ज्‍या याना च्‍वँसेंलि जिं जक नयेत्‍वने मथ्‍याः ला?

२ कोरिन्‍थी 11:27

द्यँ हे मद्यंसे नं जिं चच्‍छि चच्‍छिं ज्‍या याये धुन। तःकः मछि नयेत्‍वने मखन। अप्‍वः यानाः गाक्‍क नये मखं, द्यनेत थाय्, अले पुनेत वसः मदय्‌का जुइ धुन।

२ कोरिन्‍थी 11:9

जि छिपिंलिसे च्‍वना च्‍वनाबलय् धिबा मालं नं जिं छिमिके मफ्‍वना। अबलय् माकेडोनियां वःपिं दाजुकिजापिन्‍सं जितः माक्‍व हयाबिल। न्‍हापा नं जिं छिमिके छुं कयागु मदु, अथे हे लिपा नं जिं छिमिके छुं काये मखु।

२ कोरिन्‍थी 6:5

दालं नं, झ्‍यालखानाय् कुनं नं, मनूतय्‌सं हय्‌क्‍कावःसां, सिक्‍क ज्‍या यायेमाःसां, नये मखंसां, द्यने मखंसां।

फिलिप्‍पी 4:16

थेसलोनिकेय् दुबलय् नं छिमिसं जितः तःकः मछि ग्‍वाहालि छ्वयाहल।

१ थेसलोनिकी 1:3

परमेश्‍वर बाःया न्‍ह्यःने छिमिसं विश्‍वास याःथें ज्‍या यानाच्‍वंगु, थःथवय् माया यानाः अज्‍ज अप्‍वः मन तयाः प्रभुया ज्‍या यानाच्‍वंगु व आशा मत्‍वःतुसे प्रभु येशू ख्रीष्‍टयात क्‍वात्तुक विश्‍वास यानाच्‍वंगु खँ जिमिसं लुमंकाच्‍वनागु दु।

१ थेसलोनिकी 2:2

आम्‍कन वये न्‍ह्यः फिलिप्‍पी च्‍वंपिन्‍सं जिमित दुःख बियाः नं जिमिगु इज्‍जत तकं काल धकाः ला छिमिसं सि हे स्‍यू। अय्‌नं परमेश्‍वरं जिमित साहस बियादीगुलिं जिमिसं न्‍ह्याक्‍व हे विरोधीत दःसां छिमित भिंगु खँ न्‍यंकेगु मत्‍वःता।

१ थेसलोनिकी 2:6

छिमिसं व मेपिन्‍सं नं जिमित तःधंकेमाः धकाः जिमिसं धयागु मदु।

१ थेसलोनिकी 3:10

चान्‍हिं जिमिसं दुनुगलंनिसें आम्‍कन वये दयेमा धकाः परमेश्‍वरयाके फ्‍वनाच्‍वनागु दु। थुकथं छिमिगु विश्‍वासय् मगाः मचाःगु नं तना बीदइगु खः।

१ तिमोथी 1:11

थ्‍व हे तसकं भिंगु खँ दकलय् तःधंम्‍ह परमेश्‍वरं जितः न्‍यंकेत बियादीगु खः।

१ तिमोथी 4:10

अय्‌जूगुलिं हे झीसं म्‍वाःम्‍ह परमेश्‍वरयाके आशा यानाः थथे दुःखकष्‍ट सियाः ज्‍या यानाच्‍वनागु खः। फुक्‍क मनूतय्‌त मुक्ति बीम्‍ह, अप्‍वः यानाः वय्‌कःयात विश्‍वास याःपिन्‍त मुक्ति बीम्‍ह थ्‍व हे परमेश्‍वर खः।

१ तिमोथी 5:5

हाःनाः मदुम्‍ह भाःत मदय्‌ धुंकूपिं मिसां परमेश्‍वरयाके भरोसा तयाच्‍वनी। अले चां न्‍हिं परमेश्‍वरयात प्रार्थना यानाच्‍वनी।

२ तिमोथी 1:3

जिं जिमि तापाःबाज्‍यापिन्‍सं थें दुनुगलंनिसें परमेश्‍वरयागु ज्‍या यानाच्‍वनागु दु। प्रार्थना यायेबलय् जिं छन्‍त लुमंकाः चान्‍हिं परमेश्‍वरयात सुभाय् बियाच्‍वनागु दु।