१ थेसलोनिकी 2:6 - नेवाः बाइबल

⁶ छिमिसं व मेपिन्‍सं नं जिमित तःधंकेमाः धकाः जिमिसं धयागु मदु।

१ थेसलोनिकी 2:6 ပူးပေါင်းရင်းမြစ်များ

एस्‍तर 1:4

सछि व चयन्‍हु तक जुजुं थःगु राज्‍ययागु झःझः धाःगु तःजिगु सम्‍पत्ति व वैभव क्‍यन।

एस्‍तर 5:11

अले हामानं इमित थःके धन-सम्‍पत्ति व काय्‌पिं यक्‍व दु धकाः धक्‍कु त्‍वःतल। जुजुं थःत तःधंगु पद ब्‍यूगु व मेपिं भारदारत व हाकिमत स्‍वयाः गुलि तःधं धकाः इमित धक्‍कु त्‍वःतल।

हितोपदेश 25:27

कस्‍ति अप्‍वः नयेगु बांमलाः। अथे हे थःत अप्‍वः तःधंकेगु नं बांमलाः।

दानिएल 4:30

वं धाल, “छु थ्‍व जिं थःगु नां व महिमाया लागि जिगु बलं राजधानी दय्‌काःगु तःधंगु बेबिलोन मखु ला?”

यूहन्‍ना 12:43

छाय्‌धाःसा इमित परमेश्‍वरं स्‍वयाः मनूतय्‌सं च्‍वछाइगु यः।

यूहन्‍ना 5:41

“मनूतय्‌सं तःधंकूगु जितः मयः।

यूहन्‍ना 5:44

छिमिसं थःथवय् तःधंका च्‍वन, तर परमेश्‍वरं तःधंकीगुलिइ छिमिसं वास्‍ता मया। छिमिसं गथे यानाः विश्‍वास याये फइ?

यूहन्‍ना 7:18

थःगु हे जक खँ ल्‍हाइम्‍ह मनू थः हे जक तःधं जुइत स्‍वइ। बरु थःत छ्वया हःम्‍हय्‌सित तःधंकेत स्‍वइम्‍ह मनू हे सत्‍यम्‍ह खः। अले वयाके मभिंगु छुं हे दइ मखु।

१ कोरिन्‍थी 11:9

मिसाया निंतिं मिजं दय्‌कातःगु मखु, बरु मिजंया निंतिं मिसा दय्‌कातःगु खः।

२ कोरिन्‍थी 13:10

अय्‌जूगुलिं हे आम्‍कन वये न्‍ह्यः जिं छिमित थुकथं च्‍वयाच्‍वनागु खः। अले जक आम्‍कन वयाः जिं छिमित ब्‍वःबी नं माली मखु, सजाँय बी नं माली मखु, थथे यायेगु अधिकार प्रभुं जितः बियादीगु दु धकाः छिमित क्‍यनाबी माली मखु। प्रभुं जितः थथे यायेगु अधिकार बियादीगु छिमित स्‍यंकेत मखु बरु भिंकेत खः।

२ कोरिन्‍थी 4:5

थथे जिमिसं “जिपिं तःधं” धकाः न्‍यंकागु मखु, बरु येशू ख्रीष्‍ट “प्रभु खः” धकाः न्‍यंकागु खः। अय्‌जूगुलिं येशूयागु निंतिं जिपिं छिमि दासत थें जुयाच्‍वनागु दु।

गलाती 1:10

जिं थथे धयाच्‍वनागु छु मनूतय्‌त लय्‌ताय्‌केत खः ला? मखु! जिं ला परमेश्‍वरयात हे लय्‌ताय्‌केत थथे यानाच्‍वनागु खः। जिं मनूतय्‌त लय्‌ताय्‌केत यानागु जूसा जि येशू ख्रीष्‍टया सेवा याइम्‍ह दास हे जुइ फइ मखु।

गलाती 5:26

झीसं थःथवय् घमण्‍ड यानाजुइगु, तंम्‍वया जुइगु व नुगः मुइका जुइगु याये मज्‍यू।

गलाती 6:13

म्‍हय् चिं तयातःपिं मनूतय्‌सं हे नं व्‍यवस्‍थाय् च्‍वया तः थें याये मफु। छिमित म्‍हय् चिं तय्‌के धुन धकाः तःधंछुइत इमिसं छिमित म्‍हय् चिं तय्‌केत स्‍वयाच्‍वंगु खः।

१ थेसलोनिकी 2:9

दाजुकिजापिं, जिमिसं यक्‍व दुःखकष्‍ट सियाः ज्‍या यानागु ला छिमि लुमं हे जुइ। भिंगु खँ न्‍यंकः वयाबलय् जिमिसं छिपिं सुयातं थाकु मजुइमा धकाः चान्‍हि मद्यंसे ज्‍या याना।

१ तिमोथी 5:17

बांलाक ज्‍या याःपिं थकालिपिन्‍त अप्‍वः हनाबना तयेमाः। अज्‍ज ला वचन न्‍यंकीपिं व स्‍यनिपिन्‍त अप्‍वः हनाबना तयेमाः।