१ थेसलोनिकी 2:5 - नेवाः बाइबल

⁵ छिमिसं सि हे स्‍यू, जिमिसं छिमिके ह्यय्‌का कायेत स्‍वयागु नं मदु, अले न छुं काये दइ धकाः हे जिमिसं लोभ यानागु दु। परमेश्‍वर साक्षी दु।

१ थेसलोनिकी 2:5 ပူးပေါင်းရင်းမြစ်များ

अय्‍यूब 16:19

आः नं स्‍वर्गय् जिगु साक्षी दी। जिगु निंतिं लिसः बीत च्‍वय् छम्‍ह वकील तयार दु।

अय्‍यूब 17:5

सिरपाःया निंतिं गुम्‍ह मनुखं थः पासापिन्‍त बदनाम याइ, वया काय्‌पिनिगु मिखा बुलुसे च्‍वनी।

हितोपदेश 20:19

अप्‍वः खँ ल्‍हाना जुइपिन्‍सं खँ कथुइ थाकातये फइ मखु। उकिं, अप्‍वः खँ ल्‍हानाजुइपिंलिसे तापाक हे च्‍वँ।

हितोपदेश 26:28

मखुगु खँ ल्‍हाइगु म्‍हुतु वया थः हे शत्रु जुइ। पिचुगु म्‍हुतुं सर्वनाश हइ।

हितोपदेश 28:23

पिचुगु म्‍हुतुयात स्‍वयाः न्‍वाइगु म्‍हुतुयात हे लिपा सकसिनं च्‍वछाइ।

यशैया 30:10

दर्शन खनीपिन्‍त इमिसं धाइ, “आः थनिंनिसें दर्शन मखनेमा!” इमिसं अगमवक्तातय्‌त धाइ, “जिमित खःगु खँया दर्शन कने मते!” “जिमित यःगु खँ जक धा, मखुगु अगमवाणी कँ!

यशैया 56:11

इपिं नये पित्‍याःपिं खिचात थें खः। इपिं गुबलें नये लुमधंपिं खः। इपिं मथूपिं जवाःत खः। इपिं फुक्‍क थथःगु हे लँपुइ जुयाच्‍वंगु दु। इमिसं थःत जक भिं यायेत स्‍वयाच्‍वनी।

यर्मिया 6:13

“दक्‍कलय् चिधंम्‍हंनिसें दक्‍कलय् तःधंम्‍ह तक फुक्‍कं लोभी जूगु दु। अगमवक्तात व पुजाहारीत सकसिनं ध्‍वंलायेगु ज्‍या याइगु।

यर्मिया 8:10

छाय्‌धाःसा जिं इमि कलाःपिं मेपिं मनूतय्‌त व इमिगु बुँ न्‍हूपिं मालिकतय्‌त बी। दक्‍कलय् चिधंम्‍हंनिसें दक्‍कलय् तःधंम्‍ह तक फुक्‍कं लोभी जूगु दु। अगमवक्तात व पुजाहारीत सकसिनं ध्‍वंलायेगु ज्‍या याइगु।

मीका 3:5

परमप्रभुं थथे धयादी, “जिमि प्रजायात मभिंगु लँपुइ यंकीपिं अगमवक्तातय्‌त सुनानं नयेत ब्‍यूसा इमिसं ‘शान्‍ति शान्‍ति’ धकाः हाला हइ। वं नयेत मबिल धाःसा वयागु विरोधय् ल्‍वाःवनेत इपिं तयार जुइ।

मलाकी 1:10

हाकनं दक्‍व शक्ति दुम्‍ह परमप्रभुं धयादी, “हे पुजाहारीत! छिमिसं जिगु वेदीइ ज्‍याख्‍यलय् मदुगु मि मच्‍याकेत छिपिं मध्‍ये छम्‍हय्‌सिनं देगःयागु लुखा तिना ब्‍यूसा ज्‍यूनि। जि छिपिं खना लय्‌मताः छिमिगु ल्‍हाःया देछा काये नं मखु।”

मत्ती 22:16

इमिसं थः चेलातय्‌त हेरोदया मनूत नाप वय्‌कःयाथाय् छ्वल। इमिसं वनाः वय्‌कःयात थथे धाल – “गुरु, छि धात्‍थें भिंम्‍ह मनू खः। छिं मनूतय्‌त परमेश्‍वरयागु भिंगु लँपु जक क्‍यनादी। मनूतय्‌सं धाइ ल्‍हाइगु खँय् छिं च्‍यूताः तयामदी, छाय्‌धाःसा छिं ख्‍वाः स्‍वयाः खँ ल्‍हानामदी।

मत्ती 23:13

“शास्‍त्रीत व फरिसीत, छिमित धिक्‍कार दु। छिपिं निपाः ख्‍वाःपाः दुपिं खः, छाय्‌धाःसा छिमिसं मनूतय्‌त दुहां वने हे मफय्‌क स्‍वर्गया राज्‍ययागु लुखा तिनाब्‍यूगु दु। छिपिं न थःपिं हे दुहां वनी, न दुहां वनीपिन्‍त हे दुछ्वइ।

प्रेरित 20:33

“स्‍वयादिसँ, जिं सुयाकें धिबा व वसः फ्‍वनागु मदु।

रोमी 1:9

जिं प्रार्थना यायेबलय् छिमित गुबलें हे नं ल्‍वःमंकागु मदु धकाः जिं मानय् यानाच्‍वनाम्‍ह परमेश्‍वरं स्‍यू। वय्‌कःया काय्‌यागु भिंगु खँ न्‍यंकाः जिं दुनुगलंनिसें वय्‌कःया सेवा यानाच्‍वनागु दु।

रोमी 16:18

थज्‍याःपिं मनूतय्‌सं झी प्रभु येशू ख्रीष्‍टयागु सेवा याइ मखु, बरु थथःगु प्‍वाःया निंतिं सेवा याना जुइ। म्‍हुतुं घ्‍यः थें नाइसे च्‍वंक खँ ल्‍हानाः स्‍वजासिजापिन्‍त ध्‍वं लाइ।

रोमी 9:1

जि ख्रीष्‍टयाम्‍ह मनू जूगुलिं जिं सत्‍य खँ ल्‍हाना च्‍वना। जिं मखुगु खँ धयाच्‍वनागु मखु। जिके पवित्र आत्‍मा दीगुलिं जिगु विवेकं थ्‍व खँ धात्‍थें खः धकाः साक्षी बी।

२ कोरिन्‍थी 12:17

जिं छिमित गुकथं झंगः लात? छिमिथाय् जिं मनूत छ्वयाहयाः छुं काय्‌के हयागु दु ला?

२ कोरिन्‍थी 2:17

व्‍यापार याये थें जिमिसं परमेश्‍वरयागु भिंगु खँ न्‍यंकाच्‍वनागु मखु। जिमित परमेश्‍वरं हे छ्वया हयादीगुलिं ख्रीष्‍टया च्‍यःतय्‌सं थें जिमिसं खःगु खँ जक नवानाजुयागु दु।

२ कोरिन्‍थी 4:2

जिमिसं मछालापुसे च्‍वंगु ज्‍या मयाना। जिमिसं सुयातं झंगः लानाः मनया। परमेश्‍वरयागु वचनयात जिमिसं बांमलाका मजुया। जिपिं सत्‍यया जलय् परमेश्‍वरया न्‍ह्यःने म्‍वानाच्‍वना। अले सकसिनं खंक मनूतय्‌गु मिखा न्‍ह्यःने थःपिन्‍त न्‍ह्यब्‍वयाच्‍वना।

२ कोरिन्‍थी 7:2

जिमित छिमिगु नुगलय् तयाति। जिमिसं सुयातं अन्‍याय यानागु मदु, सुयातं स्‍यंकागु मदु, अले सुयाकें थगय् यानाकयागु मदु।

गलाती 1:20

जिं धयाच्‍वनागु थ्‍व खँ धात्‍थें खः। परमेश्‍वरया न्‍ह्यःने जिं मखुगु खँ ल्‍हाये मखु।

१ थेसलोनिकी 2:10

छिपिं साक्षी हे दु, विश्‍वासीतय्‌गु न्‍ह्यःने जिमिसं पवित्रकथं, धार्मिकताकथं व छुं दोष मदय्‌क गुलि बांलाक व्‍यवहार यानाः छिमिसं सि हे स्‍यू, अले परमेश्‍वरं नं स्‍यू।

१ तिमोथी 3:3

अय्‌लाखं काय्‌का मजुइम्‍ह, ल्‍वाना मजुइम्‍ह, भिंम्‍ह, हाला जुइ मखुम्‍ह, धिबायागु लोभ मदुम्‍ह,

१ तिमोथी 3:8

ग्‍वाहालि याइपिं नं अथे हे भिंपिं व दुग्‍यंपिं जुइमाः। इपिं निता खँ मल्‍हाइपिं, अय्‌लाखं काय्‌का जुइ मखुपिं, अले धिबायागु लोभ मयाइपिं जुइमाः।

तीतस 1:7

थकालि परमेश्‍वरया ज्‍या याइम्‍ह मनू खः। उकिं थकालि छुं हे दोष मदुम्‍ह जुइमाः। अले हानं थः यःथें यानाजुइम्‍ह, याकनं तंम्‍वइम्‍ह, अय्‌लाः थ्‍वँ त्‍वना जुइम्‍ह, ल्‍वाना जुइम्‍ह, लोभीम्‍ह नं जुइ मज्‍यू।

१ पत्रुस 5:2

अथे जूगुलिं परमेश्‍वरया फैचातय्‌त छिमिसं बांलाक हेरबिचार याना च्‍वँ। करं क्‍यनाः जक थ्‍व ज्‍या याये मते, छाय्‌धाःसा छिमिसं करं ज्‍या याःगु परमेश्‍वरयात मयः। अले हानं धिबायागु निंतिं जक नं थ्‍व ज्‍या याये मते। दुनुगलंनिसें हे प्रभुयात सेवा यायेगु मतिइ दुसा जक या।

२ पत्रुस 2:18

इमिसं तःधंछुयाः फुइँफाँय् याना जुइ। अले नकतिनि हे जक पापं लिचिलाः धर्मी जुइत कुतः यानाच्‍वंपिं मनूतय्‌त नं लोभ क्‍यनाः मोजमज्‍जा यायेगुलिइ साला हइ।

२ पत्रुस 2:3

अज्‍याःपिं मनूतय्‌सं लोभलालचय् लानाः छिमिके हेय्‌का कायेत मखुगु खँ दय्‌काः स्‍यनी। न्‍हापांनिसें हे अज्‍याःपिं मनूत दोषी खः धकाः परमेश्‍वरं धयादीगु दु। अय्‌जूगुलिं अज्‍याःपिं मनूत याकनं हे हासनास जुयावनी।

यहूदा 1:11

इमित धिक्‍कार दु। इपिं कयिनयागु लँय् जुल। धिबायागु निंतिं इमिसं बालामं थें मभिंगु ज्‍या याना जुल, अले कोरह थें परमेश्‍वरयात मभिंकाः इपिं नाश जुयाः वन।