१ थेसलोनिकी 2:4 - नेवाः बाइबल

⁴ परमेश्‍वरं हे जिमित विश्‍वास यानाः भिंगु खँ न्‍यंकेगु ज्‍या लःल्‍हानादीगु खः। जिमिसं मनूतय्‌त मखु, बरु जिमित जाँचय् यानादीम्‍ह परमेश्‍वरयात लय्‌ताय्‌केत नवानाच्‍वनागु खः।

१ थेसलोनिकी 2:4 ပူးပေါင်းရင်းမြစ်များ

१ राजा 8:39

इमिगु प्रार्थना न्‍यनादिसँ। स्‍वर्गय् थः च्‍वनादीगु थासय् छिं इमिगु प्रार्थना न्‍यनादिसँ अले इमित क्षमा यानादिसँ, इमित ग्‍वाहालि यानादिसँ। छिं जक सकलें मनूतय्‌गु बिचाः स्‍यू। उकिं वयागु ज्‍याकथं वयात लिच्‍वः बियादिसँ।

२ राजा 16:16

पुजाहारी उरियाहं जुजु आहाजं धाःथें यात।

१ इतिहास 29:17

हे जिमि परमेश्‍वर, छिं छम्‍ह छम्‍हय्‌सिगु मन स्‍वयादी धकाः जिं स्‍यू, विश्‍वास बहःम्‍ह मनूत खनाः छि लय्‌तायादी। थुपिं फुक्‍क जिं विश्‍वास बहःम्‍ह जुयाः दुनुगलंनिसें थःगु इच्‍छां बियागु दु। थन मूंपिं छि मनूत छिथाय् थःगु देछा हःबलय् लय्‌ताः, व जिं खनागु दु।

भजनसंग्रहया सफू 139:23

हे परमेश्‍वर! जितः जाँचय् यानादिसँ, अले जिगु नुगलय् छु छु दु सिइकादिसँ। जितः लनास्‍वयादिसँ, अले जिगु बिचाः सिइकादिसँ!

भजनसंग्रहया सफू 17:3

छिं चान्‍हय् जिगु बिचाःयात वालाः स्‍वयादीगु दु। अले जिगु नुगःयात दुवालादीगु दु। छिं जितः बांलाक जाँचय् यानादीगु दु। अले जिगु छुं दोष मदु धकाः सीकादीगु दु। जिगु म्‍हुतुं मखुगु व मभिंगु खँ पिहां वइ मखु धकाः जितः विश्‍वास दु।

भजनसंग्रहया सफू 44:21

परमेश्‍वरं थ्‍व खँ सि हे सी। छाय्‌धाःसा वय्‌कलं फुक्‍कसिगु नुगलय् दुने च्‍वंगु खँ स्‍यू।

भजनसंग्रहया सफू 7:9

नुगः व बुद्धि दुवालादीम्‍ह हे परमेश्‍वर, छिं न्‍ह्याबलें भिंगु यानादी। दुष्‍टतय्‌गु मभिंगु ज्‍या न्‍हंकादिसँ, अले भिंगु याइपिन्‍त बचय् यानादिसँ।

हितोपदेश 17:3

लुँ व वहः मिइ तयाः जाँचय् याइ। तर झीगु नुगः परमप्रभुं जाँचय् यानादी।

यर्मिया 17:10

“जि परमप्रभुं मनूतय्‌गु मनयात दुवालाः स्‍वये, इमिगु नुगःयात जाँचय् याये। छम्‍ह छम्‍हय्‌सित जिं वयागु पहःचहः व ज्‍या स्‍वयाः फल बी।”

यर्मिया 32:19

छिगु बिचाः तःधं अले छिगु ज्‍याखँय् शक्ति दु, मनूतय्‌गु फुक्‍क पहःचहः छिं खं। छम्‍ह छम्‍ह मनूयात वयागु पहःचहः व ज्‍याकथं फल बियादी।

गन्‍ती 27:16

“फुक्‍क प्राणीतय्‌त सासः बियादीम्‍ह परमप्रभु परमेश्‍वरपाखें हे थ्‍व खलःया च्‍वय् छम्‍ह नायः ल्‍ययादिसँ!

लूका 12:42

अले वय्‌कलं धयादिल – “भिंम्‍ह व विश्‍वास याये बहःम्‍ह च्‍यः सु जुइ? गुम्‍हय्‌सित वया मालिकं मेपिं च्‍यःतय्‌त ठीक ठीक इलय् नके त्‍वंकेगु ज्‍या बियाः इमि नायः याना तइ, व हे जुइ।

लूका 16:11

संसारयागु धिबाया ज्‍याखँय् हे ला विश्‍वास यायेबहः मजूम्‍ह मनूयात स्‍वर्गयागु धन सुनां लःल्‍हानाबी।

यूहन्‍ना 21:17

वय्‌कलं हानं स्‍वक्‍वः खुसि धयादिल – “यूहन्‍नाया काय् सिमोन, छं जितः माया याना ला?” “छं जितः माया याना ला” धकाः वय्‌कलं स्‍वकः तक न्‍यनादीगुलिं पत्रुसं नुगः मछिंकाः थथे धाल – “प्रभु, छिं फुक्‍कं स्‍यू, जिं छितः माया याः धकाः नं छिं स्‍यू।” अले वय्‌कलं धयादिल – “जिमि फैचातय्‌त ज्व।

रोमी 8:27

मनूतय्‌गु मन सीके फुम्‍ह परमेश्‍वरं पवित्र आत्‍मायागु खँ नं स्‍यू। वय्‌कःयात गथे यइ अथे आत्‍मां नं विश्‍वासीतय्‌गु निंतिं परमेश्‍वरयात बिन्‍ति यानादी।

१ कोरिन्‍थी 7:25

ब्‍याहा मजुनिपिनिगु लागि प्रभुं जितः छुं धयादीगु मदु। बरु प्रभुयागु दया मायां विश्‍वास याये बहःम्‍ह जुयाः जिं छिमित धयाच्‍वना –

१ कोरिन्‍थी 9:17

जिं थःम्‍हं हे थ्‍व ज्‍या यानागु जूसा जितः ज्‍याला दइ। अथे मखुसे थ्‍व ज्‍या परमेश्‍वरं जितः लः ल्‍हानादीगुलिं जिं थथे याये हे माः।

२ कोरिन्‍थी 2:17

व्‍यापार याये थें जिमिसं परमेश्‍वरयागु भिंगु खँ न्‍यंकाच्‍वनागु मखु। जिमित परमेश्‍वरं हे छ्वया हयादीगुलिं ख्रीष्‍टया च्‍यःतय्‌सं थें जिमिसं खःगु खँ जक नवानाजुयागु दु।

२ कोरिन्‍थी 4:2

जिमिसं मछालापुसे च्‍वंगु ज्‍या मयाना। जिमिसं सुयातं झंगः लानाः मनया। परमेश्‍वरयागु वचनयात जिमिसं बांमलाका मजुया। जिपिं सत्‍यया जलय् परमेश्‍वरया न्‍ह्यःने म्‍वानाच्‍वना। अले सकसिनं खंक मनूतय्‌गु मिखा न्‍ह्यःने थःपिन्‍त न्‍ह्यब्‍वयाच्‍वना।

२ कोरिन्‍थी 5:11

अय्‌जूगुलिं प्रभुया भय कायेगु छु खः व जिमिसं बांलाक थूगुलिं मेपिं मनूतय्‌त नं प्रभुयात मानय् याकेत कुतः यानाच्‍वनागु खः। परमेश्‍वरं जिमित बांलाक म्‍हस्‍यू, छिमिसं नं जितः बांलाक म्‍हसी धयागु आशा यानागु दु।

२ कोरिन्‍थी 5:16

अय्‌जूगुलिं आवंलि जिमिसं सुयातं ख्‍वाः स्‍वयाः लने मखुत। खः ला, छकः ख्रीष्‍टयात हे जिमिसं अथे ख्‍वाः स्‍वयाः लनेधुन। आः वय्‌कःयात जिमिसं अथे लनेगु त्‍वःतेधुन।

गलाती 1:10

जिं थथे धयाच्‍वनागु छु मनूतय्‌त लय्‌ताय्‌केत खः ला? मखु! जिं ला परमेश्‍वरयात हे लय्‌ताय्‌केत थथे यानाच्‍वनागु खः। जिं मनूतय्‌त लय्‌ताय्‌केत यानागु जूसा जि येशू ख्रीष्‍टया सेवा याइम्‍ह दास हे जुइ फइ मखु।

गलाती 2:7

गथे परमेश्‍वरं पत्रुसयात यहूदीतय्‌त भिंगु खँ न्‍यंकेगु ज्‍या बियादिल, अथे हे जितः नं यहूदीमखुपिन्‍त भिंगु खँ न्‍यंकेगु ज्‍या बियादिल धकाः इमिसं सीकल।

एफिसी 3:8

परमेश्‍वरया चिधंम्‍ह स्‍वयाः नं अज्‍ज चिधंम्‍ह मनू जितः हे ख्रीष्‍टयागु तःजिगु भिंगु खँ यहूदीमखुपिन्‍त न्‍यंकः वनेगु ज्‍या परमेश्‍वरं लःल्‍हानादिल।

एफिसी 6:6

मालिकतय्‌त लय्‌ताय्‌केत इमिगु न्‍ह्यःने जक ज्‍या याना क्‍यनेगु याये मते, बरु परमेश्‍वरया इच्‍छा कथं ख्रीष्‍टया हे दास थें जुयाः दुनुगलंनिसें ज्‍या यायेगु या।

कलस्‍सी 3:22

दासं थः मालिकं धाःगु खँ न्‍यनेमाः। मालिकयात लय्‌ताय्‌केत न्‍ह्यःने जक ज्‍या याना क्‍यनेगु मखु, बरु परमेश्‍वरयात लय्‌ताय्‌केत दुनुगलंनिसें ज्‍या यायेमाः।

१ तिमोथी 6:20

तिमोथी, छु छन्‍त लःल्‍हाना बियातःगु खः व बांलाक बिचाः याना ति। संसारयागु म्‍वाःमदुगु खँपाखें व गुलिखय् मनूतय्‌सं “ज्ञान” धकाः धयातःगु मखुगु खँपाखें तापाक हे च्‍वँ।

२ तिमोथी 1:14

झीगु दुने च्‍वनादीम्‍ह पवित्र आत्‍मायागु ग्‍वाहालिं छन्‍त लःल्‍हाना बियातःगु सत्‍य खँयात बांलाक नुगलय् तयाति।

२ तिमोथी 2:2

यक्‍व मनूतय्‌गु न्‍ह्यःने जिं नवानागु खँ छं नं मेपिं स्‍यनेकने यायेफुपिं विश्‍वास याये बहःपिन्‍त स्‍यना ब्‍यु।

तीतस 1:3

झीत मुक्ति बियादीम्‍ह परमेश्‍वरं हे जितः न्‍यंके बियाः पाय्‌छि इलय् फुक्‍कसितं वय्‌कःयागु भिंगु खँ सीके बियादिल।

हिब्रू 4:13

परमेश्‍वरं मखंगु छुं हे मदु। सृष्‍टियागु फुक्‍क खँ वय्‌कलं खं। थ्‍व हे परमेश्‍वरयात झीसं थथःगु ल्‍याःचाः बीमाः।

१ पत्रुस 4:11

नवाइम्‍हय्‌सिनं परमेश्‍वरयागु खँ जक नवाना जुइमाः। कर्पिन्‍त ग्‍वाहालि यानाजुइपिन्‍सं परमेश्‍वरं बियादीगु बलं फक्‍व ग्‍वाहालि याना जुइमाः। येशू ख्रीष्‍टयापाखें छिमिसं फुक्‍क ज्‍यां परमेश्‍वरयात तःधंका जुइमाः। परमेश्‍वर न्‍ह्याबलें तःधना च्‍वनेमा। आमेन।

प्रकाश 2:23

वया मस्‍तय्‌त जिं स्‍यानाबी। मनूतय्‌गु मन व नुगः वातुवालाः स्‍वइम्‍ह जि हे खः धकाः अले जक फुक्‍क मण्‍डलीं सीका काइ। छिमिसं याना जूगु ज्‍या स्‍वयाः जिं नं छिमित माःगु याये।