१ थेसलोनिकी 2:3 - नेवाः बाइबल

³ जिमिसं छिमित न मखुगु खँ हे स्‍यनागु खः, न मभिंगु मतिइ तयाः हे स्‍यनागु खः, न सुयातं झंगःलाय्‌त हे स्‍यनागु खः।

१ थेसलोनिकी 2:3 ပူးပေါင်းရင်းမြစ်များ

गन्‍ती 16:15

अले मोशां तसक्‍कं तंचायाः परमप्रभुयात धाल, “इमिगु देछा नाला कयादी मते! जिं इमिके छम्‍ह गधा तक नं कयागु मदु, न जिं इमिगु छुं स्‍यंकागु दु।”

प्रेरित 13:15

व्‍यवस्‍थायागु सफू व अगमवक्तातय्‌गु सफू ब्‍वने धुंकाः थकालिपिन्‍सं इमित सःताः थथे धाल – “किजापिं, थ्‍व मनूतय्‌त छुं भिंगु खँ न्‍यंके मास्‍ति वःसा, धयादिसँ।”

प्रेरित 4:36

थथे हे योसेफं नं थःगु जग्‍गा मियाः वःगु धिबा प्रेरिततय्‌त बिल। व साइप्रस धाःथाय् बूम्‍ह छम्‍ह लेवी खः। वयात प्रेरिततय्‌सं बारनाबास धकाः नां तःगु खः। थुकिया अर्थ “सकसितं साहस बी फुम्‍ह” खः।

२ कोरिन्‍थी 11:13

प्रेरितत धयाजूपिं थुपिं परमेश्‍वरया प्रेरितत मखु, फताहा प्रेरितत खः। ख्रीष्‍टयापिं प्रेरितत थें जुइत थुमिसं मखुगु खँ ल्‍हाना जुइ।

२ कोरिन्‍थी 2:17

व्‍यापार याये थें जिमिसं परमेश्‍वरयागु भिंगु खँ न्‍यंकाच्‍वनागु मखु। जिमित परमेश्‍वरं हे छ्वया हयादीगुलिं ख्रीष्‍टया च्‍यःतय्‌सं थें जिमिसं खःगु खँ जक नवानाजुयागु दु।

२ कोरिन्‍थी 4:2

जिमिसं मछालापुसे च्‍वंगु ज्‍या मयाना। जिमिसं सुयातं झंगः लानाः मनया। परमेश्‍वरयागु वचनयात जिमिसं बांमलाका मजुया। जिपिं सत्‍यया जलय् परमेश्‍वरया न्‍ह्यःने म्‍वानाच्‍वना। अले सकसिनं खंक मनूतय्‌गु मिखा न्‍ह्यःने थःपिन्‍त न्‍ह्यब्‍वयाच्‍वना।

२ कोरिन्‍थी 4:5

थथे जिमिसं “जिपिं तःधं” धकाः न्‍यंकागु मखु, बरु येशू ख्रीष्‍ट “प्रभु खः” धकाः न्‍यंकागु खः। अय्‌जूगुलिं येशूयागु निंतिं जिपिं छिमि दासत थें जुयाच्‍वनागु दु।

२ कोरिन्‍थी 6:8

जिमित तःधंकूसां, क्‍वह्यंकूसां, भिंकूसां, मभिंकूसां जिमिसं परमेश्‍वरयागु सेवा याना। सत्‍य खँ ल्‍हाना जूसां जिपिं फताहा थें जुइ माल।

२ कोरिन्‍थी 7:2

जिमित छिमिगु नुगलय् तयाति। जिमिसं सुयातं अन्‍याय यानागु मदु, सुयातं स्‍यंकागु मदु, अले सुयाकें थगय् यानाकयागु मदु।

१ थेसलोनिकी 2:11

बौनं थः मस्‍तय्‌त गथे याना तइ, अथे हे जिमिसं नं छिमित याना तया।

१ थेसलोनिकी 4:7

परमेश्‍वरं झीत अशुद्ध जुइत मखु, बरु पवित्र जुइत सःतादीगु खः।

२ थेसलोनिकी 2:11

अय्‌जूगुलिं इमिसं मखुगु खँय् जक विश्‍वास यानाच्‍वनेमा धकाः परमेश्‍वरयागु शक्तिं इमित मखुगु खँ जक पत्‍याः याका तइ।

२ पत्रुस 1:16

जिमिसं येशू ख्रीष्‍टयागु तःधंगु शक्ति व वय्‌कः हानं झायादी तिनि धकाः छिमित धयागु खँ मनूतय्‌सं कंगु बाखं मखु। वय्‌कः गुलि तःधं धकाः जिमिगु मिखां हे खनागु दु।

१ शमूएल 12:3

जि थन हे दु। छिमि सुयां जिगु विरोधय् छुं धाये मास्‍ति वःसा थन परमप्रभु व वय्‌कलं ल्‍ययादीम्‍ह जुजुया न्‍ह्यःने हे धा। जिं सुयागुं द्वहं कयागु दु ला? जिं सुयागुं गधा कयागु दु ला? जिं सुयातं ध्‍वंलानागु दु ला? जिं सुयागुं दोष सुचुका घुस नयागु दु ला? जितः धा, जिं वयात पलेसा पुलाबी।”