१ थेसलोनिकी 2:2 - नेवाः बाइबल

² आम्‍कन वये न्‍ह्यः फिलिप्‍पी च्‍वंपिन्‍सं जिमित दुःख बियाः नं जिमिगु इज्‍जत तकं काल धकाः ला छिमिसं सि हे स्‍यू। अय्‌नं परमेश्‍वरं जिमित साहस बियादीगुलिं जिमिसं न्‍ह्याक्‍व हे विरोधीत दःसां छिमित भिंगु खँ न्‍यंकेगु मत्‍वःता।

१ थेसलोनिकी 2:2 ပူးပေါင်းရင်းမြစ်များ

प्रेरित 14:3

अय्‌नं इपिं मग्‍यासे प्रभुयागु वचन स्‍यँस्‍यं तःन्‍हु तक अन च्‍वनाच्‍वन। इमिसं नवाःगु प्रभुयागु वचन खः धकाः दसि बीत इमिसं यक्‍व अजू चायापुगु चिं व ज्‍या यानाक्‍यन।

प्रेरित 14:5

हाकिमत नाप मिलय् जुयाः यहूदीत व यहूदीमखुपिन्‍सं इमित ल्‍वहँतं कय्‌काः स्‍यायेत

प्रेरित 16:12

अनं जिपिं न्‍यासि वनाः फिलिप्‍पीइ थ्‍यंकः वया। थ्‍व फिलिप्‍पी शहर माकेडोनिया जिल्‍लाया मू शहर खः। थ्‍व शहरयात रोमीतय्‌सं थःगु ल्‍हातय् कयातःगु खः। थन जिपिं छुं न्‍हि तक हे च्‍वना।

प्रेरित 16:19

व दासीया मालिकतय्‌सं थथे थःपिनिगु धिबा कमय् यायेगु लँ मदय्‌का ब्‍यूगुलिं पावल व सिलासयात ज्‍वनाः लुत्तु लुयाः हाकिमतय्‌थाय् यंकल।

प्रेरित 16:37

थ्‍व न्‍यनाः पावलं धाल – “इमिसं जिमित छुं दोष मक्‍यंकं फुक्‍कसिया न्‍ह्यःने न्‍यनेनिने हे मयासें दाल। जिपिं रोमीत खः। अज्‍ज ला इमिसं जिमित झ्‍यालखानाय् कुन। आः धाःसा सुतुक्‍क त्‍वःता छ्वयेत्‍यन ला? जिपिं वने मखु। इमिसं हे वयाः जिमित त्‍वःतेमाः।”

प्रेरित 17:1

अनं इपिं अम्‍फिपोलिस व अपोल्‍लोनिया जुयाः थेसलोनिके शहरय् वन। अन धर्मशास्‍त्र स्‍यनीगु छेँ छखा दु।

प्रेरित 17:17

अय्‌जूगुलिं धर्मशास्‍त्र स्‍यनीगु छेँय् वनाः यहूदीत नाप व परमेश्‍वरयात मानय् याइपिं मनूत नाप खँ ल्‍हाः जुल। अले बजारय् नापलाक्‍व मनूत नाप नं न्‍हिं न्‍हिं खँल्‍हाबल्‍हा याना जुल।

प्रेरित 19:8

अले पावलं स्‍वला तक धर्मशास्‍त्र स्‍यनीगु छेँय् वनाः इपिं दक्‍वसिया न्‍ह्यःने मनूतय्‌त मग्‍यासे परमेश्‍वरया राज्‍ययागु खँ कनाः विश्‍वास याकेगु कुतः यात।

प्रेरित 4:13

पत्रुस व यूहन्‍नां आखः मसःसां थथे मग्‍यासे लिसः ब्‍यूगु न्‍यनाः फुक्‍कं छक्‍क जुल। अले इपिं येशू नाप जूपिं खः धकाः नं इमिसं सिल।

प्रेरित 4:20

जिमिसं थःपिन्‍सं खंगु व ताःगु खँ मधासे च्‍वने मफु।”

प्रेरित 4:31

प्रार्थना याये सिधये धुंकाः इपिं मुनाच्‍वंगु थाय् सन। अले इपिं फुक्‍कं पवित्र आत्‍मां जाल। अले इमिसं परमेश्‍वरयागु वचन मग्‍यासे नवाना जुल।

प्रेरित 5:41

थथे येशू ख्रीष्‍टयागु नामय् दाय्‌काः दुःख सी बहःपिं जूगुलिं प्रेरितत तसकं लय्‌लय्‌तायाः सभां पिहां वन।

रोमी 1:1

येशू ख्रीष्‍टया दास जि पावलयात परमेश्‍वरयागु भिंगु खँ न्‍यंकेत वय्‌कलं हे प्रेरित दय्‌कादिल।

२ कोरिन्‍थी 3:12

थ्‍व खँय् आशा यानाः हे जिमिसं मग्‍यासे थथे नवाये फुगु खः।

कलस्‍सी 2:1

अय्‌जूगुलिं छिमिगु निंतिं, लाउडिकियाय् च्‍वंपिनिगु निंतिं व जिगु ख्‍वाः तकं मखंनिपिनिगु निंतिं जिं गुलि दुःखकष्‍ट सियाः ज्‍या यानाच्‍वनागु दु धकाः छिमित कने।

१ थेसलोनिकी 1:5

छाय्‌धाःसा जिमिसं छिमित न्‍यंकागु वचन म्‍हुतुं जक न्‍यंकागु मखु, बरु शक्ति व पवित्र आत्‍मापाखें व दुनुगलंनिसें हे न्‍यंकागु खः। छिपिंनाप च्‍वनाबलय् जिपिं गज्‍याःपिं खः धकाः ला छिमिसं सि हे सिल।

२ तिमोथी 1:12

थ्‍व हे ज्‍यायागु निंतिं जिं थथे दुःखसिया च्‍वनागु खः। थ्‍व ज्‍या यानाः जि लज्‍यामचाया छाय्‌धाःसा जिं सुयात विश्‍वास यानाच्‍वनागु दु व बांलाक स्‍यू। अले प्रभुयात जिं लःल्‍हाना बियागु फुक्‍क वय्‌कलं हानं लिहां झाया मदितले बांलाक बचय् यानातयादी।

यहूदा 1:3

यःपिं दाजुकिजापिं, जिं छिमित परमेश्‍वरं झी सकसितं इना बियादीगु मुक्तियागु खँ च्‍वयेगु मतिइ तयागु खः। अय्‌नं आः छिमित परमेश्‍वरं बियादीगु सत्‍य खँय् हे छिपिं क्‍वात्तुक च्‍वनाच्‍वँ धकाः न्‍वायेगु हे जितः तसकं बांलाः ताल।