१ थेसलोनिकी 2:17 - नेवाः बाइबल

¹⁷ यःपिं दाजुकिजापिं, छिपिंलिसे बायाः पलख ख्‍वाः स्‍वये मखंसां नुगलं ला बायाच्‍वनागु मदु। छिमिथाय् हाकनं वयेत जिमिसं तसकं कुतः यानाच्‍वनागु दु।

१ थेसलोनिकी 2:17 ပူးပေါင်းရင်းမြစ်များ

उत्‍पत्ति 31:30

जिं स्‍यू छ थः बौया छेँय् वनेत आय्‌बूगुलिं थथे पिहां वःगु खःसां छं छाय् जिगु छेँया मूर्तित खुयाहयागु?”

उत्‍पत्ति 45:28

अले वं धाल, “आः जि छिमिसं धाःगु खँय् पत्‍याः जुल, जिमि काय् योसेफ मसीनि। जिं वनाः वयात नाप लाये, अले सी न्‍ह्यः वयागु ख्‍वाः स्‍वये।”

उत्‍पत्ति 48:11

इस्राएलं योसेफयात धाल, “तःदँ तक ला जिं छ सी धुंकल धयाच्‍वनागु। अले छंगु ख्‍वाः स्‍वये खनी मखुत धयाच्‍वनागु। परमेश्‍वरं थौं जितः छिमि काय्‌पिन्‍त नापं स्‍वये दय्‌काबिल।”

२ शमूएल 13:39

अले अमनोन सीगुया बारे दाऊदया मनय् शान्‍ति दयेवं व हाकनं अब्‍शालोमयाथाय् वनेगु मति तल।

२ राजा 5:26

तर एलीशां धाल, “व मनू रथं क्‍वहां वयाः छन्‍त नापलाः वःबलय् जिगु आत्‍मा छनापं मदु धकाः ला? थ्‍व धिबा, वसः, जैतून व दाखक्‍यब, दास दासी, फइ व सा द्वहं कायेगु ई मखु।

भजनसंग्रहया सफू 63:1

हे परमेश्‍वर, छि जिम्‍ह परमेश्‍वर खः। जिं छितः दुनुगलंनिसें मालाजुया। गंगु, झिजांमिझां दंगु व लः मदुगु बँ थें जिगु नुगः छि मदयाः प्‍याःचाः।

लूका 12:58

सुनानं छिमित मुद्दा तल धाःसा अदालतय् थ्‍यने न्‍ह्यः हे वलिसे मिलय् जुइगु स्‍व। मखुसा वं छिमित न्‍यायाधीशया न्‍ह्यःने यंकी। न्‍यायाधीशं छिमित सिपाइँतय्‌गु ल्‍हातय् लःल्‍हानाबी। अले इमिसं छिमित कुनी।

लूका 22:15

वय्‌कलं धयादिल – “दुःख सी न्‍ह्यः जि छिपिंनाप च्‍वनाः छुत्‍काराया नखःया भ्‍वय् नयेगु तसकं इच्‍छा जुयाच्‍वंगु खः।

प्रेरित 17:10

अय्‌जूगुलिं दाजुकिजापिन्‍सं चान्‍हय् जुइवं पावल व सिलासयात बेरियाय् छ्वयाबिल। बेरियाय् थ्‍यंकाः इपिं धर्मशास्‍त्र स्‍यनीगु छेँय् वन।

रोमी 1:13

यःपिं दाजुकिजापिं, जि छिमिथाय् वयेत तःकः मछि हे कुतः याये धुन। छुं खं यानाः वये मफया च्‍वन। जि वयाः मेथाय् च्‍वंपिं यहूदीमखुपिन्‍त थें छिमिथाय् नं परमेश्‍वरयात म्‍हमस्‍यूपिं मनूतय्‌त वय्‌कःयात म्‍हसीका बी।

रोमी 15:23

आः थन फुक्‍कभनं ज्‍या याये धुंगूलिं, अले यक्‍व दँ न्‍ह्यवंनिसें जि छिमिथाय् वये मास्‍ति वय्‌का च्‍वनागुलिं

१ कोरिन्‍थी 5:3

म्‍हं तापाःसां जिगु आत्‍मा छिपिंनाप दु। जिं झी प्रभु येशूया नामं थथे पाप याना च्‍वंम्‍हय्‌सिगु न्‍याय याये धुन।

कलस्‍सी 2:5

म्‍ह तापाःसां जिगु नुगः ला छिमिथाय् हे दु। छिमिसं ख्रीष्‍टयात दुनुगलंनिसें क्‍वात्तुक विश्‍वास यानाच्‍वंगुलिं जि तसकं लय्‌ताः।

१ थेसलोनिकी 3:6

आः नकतिनि हे जक तिमोथी छिमिथासं थन थ्‍यंकः वल। छिमिगु विश्‍वास व माया अज्‍ज नं बल्‍लानाच्‍वंगु दु धकाः लय्‌ताय् बहःगु खँ कन। जिमिसं थें छिमिसं नं जिमित लुमंकाच्‍वंगु दु, अले जिमिगु ख्‍वाः स्‍वये आपुलु जुयाच्‍वंगु दु धकाः नं वं कन।