१ थेसलोनिकी 2:15 - नेवाः बाइबल

¹⁵ व हे यहूदीतय्‌सं प्रभु येशू व न्‍हापायापिं अगमवक्तातय्‌त स्‍यानाबिल। अले जिमित नं ख्‍यानाः हल। परमेश्‍वरयात मयःगु ज्‍या यानाः इपिं न्‍ह्याम्‍हय्‌सियां विरोधी जुयाच्‍वन।

१ थेसलोनिकी 2:15 ပူးပေါင်းရင်းမြစ်များ

एस्‍तर 3:8

अले हामानं अहासूरस जुजुयात धाल, “छसपोलया राज्‍य दुने छगू जाति देय्‌या फुक्‍क प्रान्‍तय् मनूतय् दथुइ च्‍वनाच्‍वंगु दु। इपिं ब्‍यागल च्‍वना वयाच्‍वंगु दु। इमिगु रितिथिति मेगु फुक्‍क जातितय्‌गु स्‍वयाः पा। इमिसं छसपोलया नियम कानून नं मानय् मयाः। छिसं इमित सह यानाच्‍वनेगु बांलाः मजू।

भजनसंग्रहया सफू 109:20

जितः पाःयाइपिं व जिगु बारे मभिंगु खँ ल्‍हाइपिन्‍त परमप्रभुं थज्‍याःगु हे सिरपाः बियादीमा।

यर्मिया 2:30

“छिमि मनूतय्‌त मफतय् जिं सजाँय बिया, भिंकेगु जिगु शिक्षायात इमिसं नाला मका। क्‍वाप्‍प नइम्‍ह सिंहं थें छिमि अगमवक्तातय्‌त छिमिसं स्‍याःगु दु।

आमोस 7:12

अले अमस्‍याहं आमोसयात धाल, “अय् अगमवक्ता, थनं वनाछ्व यहूदाय् हुँ, अन नयेगु नसा कायेगु या, अले अगमवाणी धा।

मत्ती 23:37

“हे यरूशलेमय् च्‍वंपिं मनूत, छिमिसं अगमवक्तातय्‌त स्‍याना छ्वल, अले परमेश्‍वरं छ्वयाहयादीपिं दूततय्‌त ल्‍वहँतं कय्‌का छ्वल। जिं छिमित माखां थः खाचातय्‌त त्‍वपुया तः थें गुलि बचय् यायेत स्‍वये धुन। अय्‌नं छिपिं मानय् मजू।

मत्ती 27:25

अले मनूतय्‌सं थथे धयाहल – “ज्‍यू, वयात स्‍याःगु पाप जिमित व जिमि सन्‍तानयात हे लायेमा।”

मत्ती 5:12

छिपिं स्‍वयाः न्‍हापायापिं अगमवक्तातय्‌त नं थथे हे दुःखकष्‍ट ब्‍यूगु खः। उकिं लय्‌ताया जु, छाय्‌धाःसा स्‍वर्गय् छिमित बीत तःधंगु सिरपाः तयातःगु दु।

लूका 24:20

जिमि तःधंपिं पुजाहारीत व शासकतय्‌सं वय्‌कःयात स्‍याना छ्वयेगु फैसला यानाः क्रूसय् यख्‍खानाबिल।

प्रेरित 12:3

थुकिं यानाः यहूदीतय् नायःत लय्‌ताःगुलिं झन पत्रुसयातनापं ज्‍वनेत न्‍ह्यचिल। वयात ज्‍वंगु सोडा मतःगु मरि नयेगु नखःबलय् खः।

प्रेरित 2:23

परमेश्‍वरं थःगु ग्‍वसाः व ज्ञानकथं येशूयात छिकपिनि ल्‍हातय् बियादिल। अले छिकपिन्‍सं वय्‌कःयात अधर्मीतय्‌गु ल्‍हातय् क्रूसय् स्‍याकेत लःल्‍हाना बिल।

प्रेरित 3:15

छिकपिन्‍सं जीवन बीम्‍हय्‌सित स्‍याना छ्वःसां परमेश्‍वरं वय्‌कःयात हानं म्‍वाकादिल। जिपिं थ्‍वया साक्षी खः।

प्रेरित 4:10

का सा, छिकपिं व इस्राएली मनूत फुक्‍कसिनं बांलाक न्‍यनादिसँ – नासरतयाम्‍ह येशू ख्रीष्‍टयात छिकपिन्‍सं क्रूसय् यख्‍खानाः स्‍यात, अय्‌नं परमेश्‍वरं सीम्‍हय्‌सित हानं म्‍वाकादिल। थ्‍व हे येशू ख्रीष्‍टयागु नामं थ्‍व मनू छिकपिनिगु न्‍ह्यःने थथे लनाः दनाच्‍वने फुगु खः।

प्रेरित 5:30

छिकपिन्‍सं क्रूसय् यख्‍खानाः स्‍याःम्‍ह येशूयात झी तापाःबाज्‍यापिनि परमेश्‍वरं म्‍वाकादिल।

प्रेरित 7:52

छिकपिनि तापाःबाज्‍यापिन्‍सं अगमवक्ता सुयात जक दुःख मब्‍यूगु दु? धर्मीम्‍ह मनू झायादी तिनि धकाः धाःपिन्‍त नं इमिसं स्‍याना छ्वल। आः व हे धर्मीम्‍ह मनूयात नं छिकपिन्‍सं दुःख जक बियाः मगानाः धोखा बियाः स्‍यानाबिल।

१ कोरिन्‍थी 10:5

अथेसां इपिं मध्‍ये यक्‍व हे मनूत नाप परमेश्‍वर तंम्‍वयादिल। अय्‌जूगुलिं इपिं मरुभूमिइ तुं सिनावनेमाल।

२ कोरिन्‍थी 11:26

न्‍ह्याबलें थाय् थासय् वनेमाल, तःकः मछि हे जि खुसिबाः वःथाय् लात, दाखुँतय्‌गु ल्‍हातय् लात, थः हे यहूदीतय्‌सं व यहूदीमखुपिन्‍सं जितः स्‍यायेत स्‍वल। शहरय् नं जितः उतिकं हे स्‍यायेत स्‍वल, जंगलं जंगलं नं जुइ माल। समुद्रय् नं जुइ माल। अले हानं फताहा दाजुकिजापिनिपाखें बचय् जुया जुइ माल।