१ थेसलोनिकी 2:12 - नेवाः बाइबल

¹² छिमिसं परमेश्‍वरयात यःथें याना जुइ फयेमा धकाः जिमिसं छिमित गुलि अर्ती व साहस बिया। वय्‌कलं हे छिमित थःगु राज्‍यय् दुकायेत व तःधंकेत सःतादीगु खः।

१ थेसलोनिकी 2:12 ပူးပေါင်းရင်းမြစ်များ

उत्‍पत्ति 5:22

अनंलि व ३०० दँ तक परमेश्‍वरं धाःथें जुइम्‍ह जुयाः जुल। वया मेमेपिं नं काय्‌पिं व म्‍ह्याय्‌पिं बुल।

२ इतिहास 17:4

तर थः अबुया परमेश्‍वरयात माल, वय्‌कःया आज्ञा पालन यात। वं इस्राएलयापिं मनूतय्‌सं याःगु थें मभिंगु ज्‍या मया।

रोमी 8:28

परमेश्‍वरयात माया याइपिं, अले वय्‌कलं थःगु इच्‍छा पूवंकेत ल्‍ययातःपिन्‍त दक्‍व ज्‍या मिलय् यानाः भिं जुइकथं हे वय्‌कलं ज्‍या यानादी धकाः झीसं स्‍यू।

रोमी 8:30

वय्‌कलं न्‍हापांनिसें ल्‍ययातःपिन्‍त सःता नं दिल। थथे वय्‌कलं सःतादीपिन्‍त धर्मी ठहरय् यानादिल। थुकथं वय्‌कलं धर्मी ठहरय् याःपिन्‍त तःधं नं यानादिल।

१ कोरिन्‍थी 1:9

परमेश्‍वर विश्‍वास याये बहःम्‍ह खः। वय्‌कलं हे थःकाय्, झी प्रभु येशू ख्रीष्‍टनाप झीत मिलय् यानादीगु खः।

२ कोरिन्‍थी 4:6

“खिउँथासं जः थिनावइ” धकाः धयादीम्‍ह परमेश्‍वरं हे जिमिगु मनय् नं जः खय्‌कादिल। उकिं येशू ख्रीष्‍टया न्‍ह्यःने झीत परमेश्‍वरया महिमा व ज्ञान गुलि तःधं धकाः ध्‍वाथुइक क्‍यनेत थथे यानादीगु खः।

गलाती 5:16

पवित्र आत्‍मां धाःथें याना जूसा छिमिसं थः यःथें यानाजुइगु त्‍वःते फइ।

एफिसी 4:1

प्रभुयागु ज्‍या यानाः कुंका च्‍वनेमाःम्‍ह जिं छिमित प्रभुयात यःकथं ज्‍याखँ याना च्‍वँ धकाः दुनुगलंनिसें बिन्‍ति यानाच्‍वना।

एफिसी 5:2

ख्रीष्‍ट येशूं झीत माया यानादी थें छिमिसं नं थःथवय् माया यानाः च्‍वनेगु यायेमाः। ख्रीष्‍टं झीत माया यानाः नस्‍वाःगु देछा व बलिकथं थःत परमेश्‍वरयाथाय् छायादिल।

एफिसी 5:8

न्‍हापा ला छिपिं नं खिउँथाय् जुयाच्‍वंपिं खः। आः छिपिं प्रभुया जलय् वये धुंकल। उकिं छिमिगु ज्‍याखँ नं थुकथं हे जुइमाः।

फिलिप्‍पी 1:27

ख्रीष्‍टयागु भिंगु खँ न्‍यंकू थें छिमिगु चालचलन नं जुइमाः। छिमित नाप लाःसां, मलाःसां छिपिं फुक्‍कं छप्‍पँ व छगू हे मन जुयाः भिंगु खँय् विश्‍वास यानाच्‍वंगु दु धयागु जक न्‍यने दःसां जितः गाः।

कलस्‍सी 1:10

प्रभुयात यःकथं याना जुयाः छिमिसं वय्‌कःयात लय्‌ताय्‌केमा, भिंगु बांलाःगु ज्‍या यानाच्‍वने फयेमा, अले परमेश्‍वरयात अज्‍ज बांलाक म्‍हसीकाः वने फयेमा,

कलस्‍सी 2:6

गथे ख्रीष्‍ट येशूयात छिमिसं “प्रभु” धकाः मानय् यात, अथे हे वय्‌कलं धयादी थें याना च्‍वँ।

१ थेसलोनिकी 4:1

दाजुकिजापिं, परमेश्‍वरयात यय्‌क गथे यानाच्‍वनेमाः धयागु खँ ला छिमिसं जिमिगुपाखें स्‍यना काये धुंकूगु हे दु। छिपिं उकथं हे जुयाच्‍वंगु नं दु। छिपिं थुकथं हे अज्‍जं न्‍ह्यज्‍यानावने फयेमा धकाः जिमिसं छिमित प्रभुया नामं बिन्‍ति यानाच्‍वनागु दु।

१ थेसलोनिकी 4:12

थथे याना जूसा छिमित मेपिन्‍सं नं हनाबना तइ। अले थःत मालीबलय् सुयागु नं ख्‍वाः स्‍वयाच्‍वने माली मखु।

१ थेसलोनिकी 5:24

छिमित सःता दीम्‍हय्‌सिनं हे थ्‍व फुक्‍क यानादी, छाय्‌धाःसा वय्‌कः विश्‍वास याये बहःम्‍ह खः।

२ थेसलोनिकी 1:10

उबलय् वय्‌कः थः मनूतय्‌पाखें महिमा कायेत व विश्‍वास याइपिं सकसितं अजू चाय्‌केत झाइ छाय्‌धाःसा छिमिसं जिमिगु साक्षीयात विश्‍वास यात।

२ तिमोथी 1:9

थ्‍व हे परमेश्‍वरं झीत बचय् यानाः वय्‌कःया मनूत यायेत सःतादिल। झीसं यानागु धर्मकर्मं यानाः मखु, बरु वय्‌कलं हे दया माया यानाः झीत बचय् यानादीगु खः। सृष्‍टि जुइ न्‍ह्यः हे ख्रीष्‍ट येशूं झीत थ्‍व दया माया बियादीगु खः।

१ पत्रुस 2:9

छिपिं ला ल्‍ययातःपिं, जुजुया पुजाहारी, पवित्रपिं व परमेश्‍वरया थः हे मनूत खः। वय्‌कःयात तःधंका जुइत हे छिमित खिउँथासं वय्‌कःया अजू चायापुगु जलय् हयादीगु खः।

१ पत्रुस 3:9

सुनानं छिमित स्‍यंकल धाःसा वयात स्‍यंके मते। बांमलाकल धाःसा बांमलाके मते, बरु उकिया पलेसा आशिष ब्‍यु, छाय्‌धाःसा परमेश्‍वरं छिमित आशिष बीत सःतादीगु खः।

१ पत्रुस 5:10

थथे दुःखकष्‍ट सीधुंकाः झी परमेश्‍वरं छिमित सःताः भिंका व बल्‍लाकादी। थ्‍व हे भिंम्‍ह दया माया दुम्‍ह परमेश्‍वरं येशू ख्रीष्‍टयात झीथाय् छ्वयाहयाः वय्‌कः नाप स्‍वर्गय् च्‍वनेत झीत सःतादीगु खः।

२ पत्रुस 1:3

पवित्र जुयाः म्‍वायेत माःगु फुक्‍क खँ झीसं परमेश्‍वरया शक्तिं हे कयाच्‍वनागु दु, छाय्‌धाःसा थःगु इज्‍जत व गुण बीत सःतादीम्‍ह परमेश्‍वरयात झीसं म्‍हस्‍यू।

१ यूहन्‍ना 2:6

परमेश्‍वरया मनू खः धकाः धया जुइम्‍ह मनुखं येशू ख्रीष्‍ट थें जुइ फय्‌केमाः।

३ यूहन्‍ना 1:6

छं थुकथं इमित माया यानाः ग्‍वाहालि यात धकाः इमिसं थन च्‍वंगु मण्‍डलीयापिन्‍त कन। इमित माःगु लँ खर्च बियाः छ्वया हःसा तसकं बांलाइ, उकिं परमेश्‍वर छ खनाः लय्‌तायादी।