१ थेसलोनिकी 2:11 - नेवाः बाइबल

¹¹ बौनं थः मस्‍तय्‌त गथे याना तइ, अथे हे जिमिसं नं छिमित याना तया।

१ थेसलोनिकी 2:11 ပူးပေါင်းရင်းမြစ်များ

१ इतिहास 28:20

हानं दाऊदं थःकाय् सोलोमनयात धाल, “बल्‍लाः व साहसी जुयाः थ्‍व ज्‍या या। ग्‍याये मते, नुगः क्‍वतुंके मते, परमप्रभु परमेश्‍वर, जिमि परमेश्‍वर छनापं दी। परमप्रभुया देगःया सेवाया निंतिं फुक्‍क माःगु ज्‍या छं पूरा मयातले वय्‌कलं छन्‍त ग्‍वाहालि बियाच्‍वनी, वय्‌कलं छन्‍त त्‍वःतादी मखु।

१ इतिहास 28:9

“हे जिमि काय् सोलोमन, छं थः बौया परमेश्‍वरयात म्‍हसीकि, अले तनमनं वय्‌कःया सेवा या। वय्‌कलं झीगु फुक्‍क बिचाः व इच्‍छा स्‍यू। वय्‌कःयात माल धाःसा छं वय्‌कःयात नापलाकी, तर छं वय्‌कःयात त्‍वःतल धाःसा वय्‌कलं छन्‍त न्‍ह्याबलेंया लागि त्‍वःतादी।

भजनसंग्रहया सफू 34:11

वा, अय् ल्‍याय्‌म्‍हत! जिगु खँ न्‍यँ! जिं छिमित परमप्रभुयागु भय कायेगु स्‍यनाबी।

हितोपदेश 1:10

हे जिकाय्! पापीतय्‌सं ह्यय्‌कः वल धाःसां इमिगु खँय् जुइ मते।

हितोपदेश 1:15

हे जिकाय्! इपिं लिसे जुइ मते। इमिगु लँय् पलाः हे तये मते।

हितोपदेश 2:1

हे जिकाय्! छं जिगु वचन न्‍यन अले जिगु उजं नुगलय् तल धाःसा,

हितोपदेश 3:1

हे जिकाय्! जिं स्‍यनागु खँ गुबलें नं ल्‍वःमंके मते। जिगु उजं नुगलय् स्‍वचाका ति।

हितोपदेश 6:1

हे जिकाय्! छ सुयागुं त्‍यासाया कालबिलय् जमानी च्‍वनागु दुसा, अथवा म्‍हमस्‍यूपिनिगु निंतिं सुंनापं बाचा यानागु दुसा,

हितोपदेश 7:1

हे जिकाय्! जिं धयागु खँ बांलाक न्‍यँ। अले छु या धयागु खः लुमंका ति।

हितोपदेश 7:24

हे जिकाय्! उकिं जिगु खँ न्‍यँ। जिगु खँय् ध्‍यान ब्‍यु।

गन्‍ती 27:19

अले वयात एलाजार पुजाहारी व फुक्‍क खलःया न्‍ह्यःने थँ। इमिगु मिखाया न्‍ह्यःने हे वयात थ्‍व ज्‍या ब्‍यु।

लूका 16:28

जिमि न्‍याम्‍ह किजापिं अज्‍जं दनि, वयात छकः अन छ्वयाः इमित थनयागु खँ कनाः ख्‍याच्‍वः बीके माल, मखुसा इपिं नं थन हे सास्‍ती नः वइ।’

प्रेरित 20:2

अन थ्‍यने धुंकाः थाय् थासय् च्‍वंपिं विश्‍वासीतय् थाय् वनाः इमित साहस बियाः व हानं ग्रीसय् वन।

एफिसी 4:17

जिं प्रभुयागु नामय् धयाच्‍वनागु दु – छिपिं आः हानं परमेश्‍वरयात म्‍हमस्‍यूपिं थें याना जुइ मते। इमिगु बिचाः हे बांमलाः।

व्‍यवस्‍था 3:28

अय्‌नं यहोशूयात आज्ञा ब्‍यु, वयात हःपाः बियाः बल्‍लाकि, छाय्‌धाःसा वं हे छं खंगु देश अधिकारय् हयेत थुपिं मनूतय्‌त यर्दन खुसिया उखे यंकी।”

व्‍यवस्‍था 31:14

अले परमप्रभुं मोशायात धयादिल, “स्‍व, छ अप्‍वः म्‍वाइ मखुत। छं यहोशूयात सःति, अले छिपिं निम्‍हं नापलायेगु पालय् वा, अन जिं वयात ज्‍या ब्‍वये।” अथे जुयाः मोशा व यहोशू नापलायेगु पालय् वन।

१ थेसलोनिकी 2:7

खः ला, ख्रीष्‍टया प्रेरित जूगुलिं जिमिसं थथे याये फुगु खः। अय्‌नं जिमिसं छिमित मांनं मस्‍तय्‌त सुसाःकुसाः याः थें तितिपापा याना तया।

१ थेसलोनिकी 4:1

दाजुकिजापिं, परमेश्‍वरयात यय्‌क गथे यानाच्‍वनेमाः धयागु खँ ला छिमिसं जिमिगुपाखें स्‍यना काये धुंकूगु हे दु। छिपिं उकथं हे जुयाच्‍वंगु नं दु। छिपिं थुकथं हे अज्‍जं न्‍ह्यज्‍यानावने फयेमा धकाः जिमिसं छिमित प्रभुया नामं बिन्‍ति यानाच्‍वनागु दु।

१ थेसलोनिकी 4:6

थ्‍व खँय् सुनानं थः दाजुकिजापिन्‍त स्‍यंके मते। परमेश्‍वरं थथे याइपिन्‍त तःधंगु सजाँय बियादी। जिमिसं न्‍हापा हे छिमित थ्‍व खँ बांलाक धायेधुन।

१ थेसलोनिकी 5:11

उकिं छिमिसं आः थें तुं थःथवय् साहस बियाः बल्‍लाका च्‍वनेगु याना च्‍वँ।

१ थेसलोनिकी 5:14

जिं छिमित हानं धाये – अल्‍छीतय्‌त ब्‍वःब्‍यु, नुगः क्‍वतुंपिन्‍त हःपा ब्‍यु, बमलाःपिन्‍त ग्‍वाहालि या, अले न्‍ह्याम्‍हय्‌सिनं न्‍ह्यागु धाःसां सह यानाच्‍वँ।

२ थेसलोनिकी 2:5

छिमिथाय् दुबलय् हे जिं छिमित थथे धयागु खः। छिमिसं आः तक लुमंकातःगु हे दयेमाः।

२ थेसलोनिकी 3:12

थज्‍याःपिन्‍त जिमिसं प्रभु येशू ख्रीष्‍टया नामं ख्‍याच्‍वः बियाः धयाच्‍वना – “थःगु ल्‍हातं ज्‍या यानाः न।”

१ तिमोथी 5:21

परमेश्‍वर, ख्रीष्‍ट येशू व ल्‍ययातःपिं स्‍वर्गदूततय्‌गु न्‍ह्यःने जिं छन्‍त थ्‍व खँ धयाच्‍वना। थथे ज्‍या यायेबलय् सुयागुं पँली मते, अले सुयागुं ख्‍वाः स्‍वये मते।

१ तिमोथी 5:7

अज्‍याःपिं मिसातय्‌त दोष मदय्‌क जुइ फयेमा धकाः थ्‍व खँ स्‍यनेकने या।

१ तिमोथी 6:13

फुक्‍कसितं म्‍वाका तःम्‍ह परमेश्‍वरयागु न्‍ह्यःने व पन्‍तियस पिलातसयागु न्‍ह्यःने सत्‍ययागु निंतिं नवानादीम्‍ह ख्रीष्‍ट येशूयागु न्‍ह्यःने जिं छन्‍त धयाच्‍वना –

१ तिमोथी 6:17

थ्‍व संसारय् च्‍वंपिं तःमि धाय्‌का च्‍वंपिन्‍त अप्‍वः तःधंछुया जुइ मते धकाः धयाब्‍यु। इमिगु धनसम्‍पत्ति सदां दयाच्‍वनी मखु। उकिं इमित धनसम्‍पत्तिइ मखु, बरु झीत फुक्‍कं बियादीम्‍ह परमेश्‍वरयाके भरोसा तया च्‍वँ धकाः धयाब्‍यु।

१ तिमोथी 6:2

विश्‍वासी दाजुकिजा ला खः नि धकाः सुनानं थः विश्‍वासी मालिकयात हनाबना मतयेगु याये मते, बरु इमिगु बांलाक सेवा या। छाय्‌धाःसा इमित भिनिगु थः हे दाजुकिजायात भिनिगु खः। थ्‍व हे खँ छं मेपिन्‍त नं स्‍यनेकने या।

तीतस 2:15

छं थ्‍व फुक्‍कं न्‍यंकाब्‍यु। ब्‍वःबी माःसां साहस बी माःसां छं स्‍वयाः या। अले छन्‍त सुनानं हेपय् याये फइ मखु।

तीतस 2:6

अथे हे ल्‍याय्‌म्‍हपिं मिजंतय्‌त नं थःत कःघाना च्‍वँ धकाः स्‍यनेकने या।

तीतस 2:9

दासतय्‌त नं मालिकं धाःथें यानाः इमित न्‍ह्यागु खँय् नं लय्‌ताय्‌का च्‍वँ, अले जवाःसवाः याना जुइ मते धकाः स्‍यनेकने या।

हिब्रू 13:22

यःपिं दाजुकिजापिं, चिचाहाकय्‌क जूसां जिं छिमित च्‍वयागु थ्‍व अर्ती छिमिसं बांलाक न्‍यना का।

३ यूहन्‍ना 1:4

थः सन्‍तान सत्‍ययागु लँपुइ वनाच्‍वंगु दु धकाः न्‍यनेगुति लय्‌ताः मेगु छु दइ?