१ थेसलोनिकी 1:9 - नेवाः बाइबल

⁹ जिपिं छिमिथाय् वयाबलय् छिमिसं जिमित गुकथं लसकुस यात अले धात्‍थेंयाम्‍ह व म्‍वाःम्‍ह परमेश्‍वरयात सेवा यायेत छिपिं गुकथं मूर्ति पुजा यायेगु त्‍वःताः परमेश्‍वरपाखे फहिला वल धयागु खँ फुक्‍कसिनं धयाच्‍वंगु दु।

१ थेसलोनिकी 1:9 ပူးပေါင်းရင်းမြစ်များ

भजनसंग्रहया सफू 42:2

जि परमेश्‍वरया निंतिं, म्‍वाःम्‍ह परमेश्‍वरया निंतिं प्‍याःचायागु दु। जि गुबलय् वनाः परमेश्‍वरयात नाप लाये दइ?

भजनसंग्रहया सफू 84:2

जितः परमप्रभुया चुकय् दुहां वने यः, जितः परमप्रभुया देगलय् च्‍वने मास्‍ति वः। दुनुगलंनिसें जिं म्‍वाःम्‍ह परमेश्‍वरया लागि लय्‌तातां म्‍ये हाले।

यशैया 37:17

हे परमप्रभु न्‍यनादिसँ! हे परमप्रभु, थःगु मिखा चाय्‌काः स्‍वयादिसँ। सनहेरीबं म्‍वाःम्‍ह परमेश्‍वरयात हेपे यानाः धाःगु फुक्‍क खँ ध्‍यान बियाः न्‍यनादिसँ।

यशैया 37:4

अश्‍शूरयाम्‍ह जुजुं म्‍वाःम्‍ह परमेश्‍वरयात हेस्‍यायेत थः छम्‍ह सेनापति छ्वयाहःगु दु। परमप्रभु छिकपिनि परमेश्‍वरं वं धाःगु खँ न्‍यनादीमा अले न्‍यनादीगु खँया लागि वयात सजाँय बियादीमा। उकिं झी गुलि मनूत म्‍वानाच्‍वंगु दु, इमिगु निंतिं प्रार्थना यानाब्‍यु।”

यर्मिया 10:10

तर परमप्रभु ला सत्‍य परमेश्‍वर खः, वय्‌कः ला, म्‍वाःम्‍ह परमेश्‍वर व सदांयाम्‍ह जुजु खः। वय्‌कः तंचायादीबलय् पृथ्‍वी खाइ। जाति जातितय्‌सं वय्‌कःया तं सह याये फइ मखु।

यर्मिया 16:19

हे परमप्रभु, जिगु बल व जिगु किल्‍ला, दुःखया दिनय् जिगु शरण कायेगु थाय्, पृथ्‍वीयागु ताताःपाःगु थासं जाति जातितय्‌सं छिथाय् वयाः धाइ, “जिमि तापाःबाज्‍यापिन्‍के ला फताहा द्यःत, ज्‍यालगे मजूगु मूर्तित बाहेक मेगु छुं नं मदु।

दानिएल 6:26

जिगु हुकुम थ्‍व हे खः। जिगु देशया अधिकार दुगु फुक्‍क थासय्‌यापिं मनूतय्‌सं दानिएलया परमेश्‍वरयागु भय कायेमाः अले वय्‌कःयात हनाबना यायेमाः। “छाय्‌धाःसा वय्‌कः म्‍वाःम्‍ह खः। वय्‌कः न्‍ह्याबलें दयाच्‍वनी। वय्‌कःया राज्‍य गुबलें स्‍यनावनी मखु। अले वय्‌कलं न्‍ह्याबलें राज्‍य यानादी।

होशे 1:10

“अथे जूसां इस्राएलीतय्‌गु ल्‍याः समुद्रया सिथय् च्‍वंगु फि थें जुइ, सुयात न नापय् याये फइ, न ल्‍याः खाये फइ। गन इमित थथे धाःगु खः, ‘छिपिं जिमि प्रजा मखु,’ अन इमित थथे धकाः धाइ, ‘छिपिं म्‍वाःम्‍ह परमेश्‍वरया सन्‍तान खः।’

सपन्‍याह 2:11

वय्‌कलं इमित तसकं ख्‍यानादी। अले वय्‌कलं पृथ्‍वीइ च्‍वंपिं द्यःतय्‌त न्‍हंका छ्वयादी। अनंलि ताताःपाक च्‍वंपिं जाति जातिया मनूतय्‌सं थथःगु देशय् च्‍वनाः वय्‌कःयात आराधना याइ।

मलाकी 1:11

“सूर्य लुया वइगु थासंनिसें सूर्य बिनावनीगु थाय् तक जात जातितय्‌गु दथुइ जिगु नां तःधनी। फुक्‍क थासय् जिगु नामय् धुपाँय् च्‍याकी अले नाले बहःगु देछा छाइ, छाय्‌धाःसा जाति जातितय् दथुइ जिगु नां तःधनी,” दक्‍व शक्ति दुम्‍ह परमप्रभुं धयादी।

मत्ती 16:16

सिमोन पत्रुसं लिसः बिल – “छि म्‍वाःम्‍ह परमेश्‍वरया काय्, मुक्ति बीम्‍ह ख्रीष्‍ट खः।”

प्रेरित 14:15

“दाजुकिजापिं, छिकपिन्‍सं थ्‍व छु यानादियागु? जिपिं नं ला छिकपिं थें हे थ्‍व संसारयापिं मनूत खः नि। जिमिसं ला छिकपिन्‍त भिंगु खँ कनाः थथे म्‍वाःमदुगु ज्‍यां त्‍वःतकाः स्‍वर्ग, पृथ्‍वी, समुद्र व अन च्‍वंगु दक्‍व फुक्‍कं सृष्‍टि यानादीम्‍ह म्‍वाःम्‍ह परमेश्‍वरपाखे लिफः स्‍वकेत जक स्‍वयाच्‍वनागु खः।

रोमी 9:26

अले “हानं थथे च्‍वयातःगु दु – ‘छिपिं थः मनूत मखु’ धकाः धयातःगु थासय् ‘म्‍वाःम्‍ह परमेश्‍वरया काय्‌पिं धकाः इमित धाइ।’”

१ कोरिन्‍थी 12:2

छिपिं विश्‍वासी जुइ न्‍ह्यः छिपिं नमवाइपिं मूर्तितय्‌त पुजा याइपिं खः धकाः छिमिसं सि हे स्‍यू।

व्‍यवस्‍था 5:26

मिया दथुं म्‍वाःम्‍ह परमेश्‍वरं न्‍ववानादीगु न्‍यनाः नं झीपिं थें म्‍वाःपिं मेपिं व मसीपिं सु सीमाःपिं मनू दु?

१ थेसलोनिकी 2:1

दाजुकिजापिं, जिपिं आम्‍कन वयागु सितिं मवं धकाः ला छिमिसं सि हे स्‍यू।

१ थेसलोनिकी 2:13

जिमिसं परमेश्‍वरयागु वचन न्‍यंकाबलय् छिमिसं थुकियात मनूतय्‌गु वचन मखु, परमेश्‍वरयागु हे वचन खः धकाः न्‍यना काल। धात्‍थें हे थ्‍व परमेश्‍वरयागु वचन खः। अले थ्‍व हे वचनं छिमिगु नुगलय् हा कयाच्‍वंगु दु। उकिं जिमिसं परमेश्‍वरयात न्‍ह्याबलें सुभाय् बियाच्‍वनागु दु।

१ तिमोथी 4:10

अय्‌जूगुलिं हे झीसं म्‍वाःम्‍ह परमेश्‍वरयाके आशा यानाः थथे दुःखकष्‍ट सियाः ज्‍या यानाच्‍वनागु खः। फुक्‍क मनूतय्‌त मुक्ति बीम्‍ह, अप्‍वः यानाः वय्‌कःयात विश्‍वास याःपिन्‍त मुक्ति बीम्‍ह थ्‍व हे परमेश्‍वर खः।

हिब्रू 12:22

छिपिं ला म्‍वाःम्‍ह परमेश्‍वरयागु स्‍वर्गयागु शहर यरूशलेम, सियोन पर्वतय् वःगु दु। अन द्वलंद्वः स्‍वर्गदूतत लय्‌लय्‌तातां मुनाच्‍वंगु दु।

यहोशू 3:10

थुकिं छिमिसं धात्‍थेंयाम्‍ह परमेश्‍वर छिमिगु दथुइ दी धकाः सी। वय्‌कलं धात्‍थें हे छिमिगु न्‍ह्यःनें कनानीत, हित्तीत, हिव्‍वीत, परिज्‍जीत, गिर्गाशीत, एमोरीत व यबूसीतय्‌त इमिगु देशं ख्‍यानाछ्‌वइ।

१ यूहन्‍ना 5:21

उकिं अय् जि यःपिं मस्‍त, मूर्ति पुजापाखें तापाक च्‍वँ।

प्रकाश 17:2

व हे नाप संसारयापिं जुजुपिन्‍सं व्‍यभिचार याना जूगु खः। सारा पृथ्‍वीइ च्‍वंपिं मनूतय्‌सं व नाप भाःपी हे मफय्‌क व्‍यभिचार याना जुल।”

१ शमूएल 17:26

दाऊदं थः लिक्‍कसं च्‍वंपिं मनूतय्‌के न्‍यन, “थ्‍व पलिश्‍तीयात स्‍याइम्‍हय्‌सित व इस्राएलीतय्‌गु थ्‍व बेइज्‍जतपाखें बचय् याइम्‍ह मनूयात छु दइ? म्‍वाःम्‍ह परमेश्‍वरयात मानय् मयाइम्‍ह म्‍हय् चिं मतःम्‍ह थ्‍व सु पलिश्‍ती खः?”

१ शमूएल 17:36

छपिनि दासं सिंह व भालू निम्‍हय्‌सित नं स्‍याये धुनागु दु। थ्‍व परमेश्‍वरयात मानय् मयाइम्‍ह म्‍हय् चिं मतःम्‍ह पलिश्‍तीयात नं अथे हे यानाः स्‍यानाबी। वं म्‍वाःम्‍ह परमेश्‍वरया सिपाइँतय्‌त क्‍वह्यंकूगु दु।