१ थेसलोनिकी 1:6 - नेवाः बाइबल

⁶ छिमिसं उलिमछि दुःखकष्‍ट जुल नं पवित्र आत्‍मां यानाः भिंगु खँ न्‍यनाः विश्‍वास यात। थुकथं छिपिं जिमिसं व प्रभुं यानादी थें याइपिं जुल।

१ थेसलोनिकी 1:6 ပူးပေါင်းရင်းမြစ်များ

होशे 2:14

“अथे जुयाः जिं वयात ह्यय्‌काः हाकनं मरुभूमिइ यंके, अले वलिसें नाइसे च्‍वंक खँ ल्‍हाये।

मत्ती 16:24

अले वय्‌कलं चेलातय्‌त धयादिल – “जि नाप वयेगु जूसा छिपिं सुनानं थःगु खँय् छुं हे च्‍यूताः तये मते। अले थःगु क्रूस थःम्‍हं हे क्‍वबिया सीत तकं लिमच्‍युसे जिगु ल्‍यूल्‍यू वा।

यूहन्‍ना 8:12

येशूं हानं मनूतय्‌त धयादिल – “जि संसारया जः खः। जि नाप जुइम्‍ह मनू खिउँथाय् जुइ माली मखु, बरु वयात जीवनया जः दइ।”

प्रेरित 13:52

एन्‍टिओखियाय् च्‍वंपिं चेलात पवित्र आत्‍मां जायाः लय्‌तायाच्‍वन।

प्रेरित 5:41

थथे येशू ख्रीष्‍टयागु नामय् दाय्‌काः दुःख सी बहःपिं जूगुलिं प्रेरितत तसकं लय्‌लय्‌तायाः सभां पिहां वन।

प्रेरित 9:31

थथे यहूदिया, गालील व सामरियाय् च्‍वंगु मण्‍डलीइ सुख शान्‍ति जुल। प्रभुयात हनेगु व वय्‌कःयागु खँ न्‍यनिगुलिं यानाः पवित्र आत्‍मायागु ग्‍वाहालि दयाः मण्‍डली च्‍वन्‍ह्याना वल, अले विश्‍वासीत नं यक्‍व दयावल।

रोमी 15:13

छिमिसं विश्‍वास याःगुलिं भरोसा याये बहःम्‍ह परमेश्‍वरं छिमिगु नुगलय् आनन्‍द व शान्‍ति जाय्‌कादीमा। थुकथं पवित्र आत्‍मायागु शक्तिं छिमिगु आशा व भरोसा अप्‍वः दयावनेमा।

१ कोरिन्‍थी 11:1

ख्रीष्‍टं यानादी थें तुं जिं नं यानाच्‍वनागुलिं, जिं याना च्‍वंथें तुं छिमिसं नं याना च्‍वँ।

१ कोरिन्‍थी 11:2

छिमिसं जितः लुमंका च्‍वंगुलिं व जिं स्‍यना थें च्‍वनाच्‍वंगुलिं छिमित स्‍याबास!

१ कोरिन्‍थी 4:16

अय्‌जूगुलिं जिं यानाच्‍वना थें छिमिसं नं या धकाः बिन्‍ति यानाच्‍वनागु खः।

२ कोरिन्‍थी 6:10

नुगः ख्‍वःपिं थें जूसां न्‍ह्याबलें लय्‌तायाच्‍वना। जिपिं गरीब जूसां मेपिन्‍त तःमि यानाबिया। जिमिके छुं हे मदु थें च्‍वंसां जिमिके सकतां दु।

२ कोरिन्‍थी 8:5

जिमिसं मतिइ तयागु स्‍वयाः नं इमिसं यक्‍व हे ग्‍वाहालि यात। न्‍हापां इमिसं थःत हे प्रभुयात देछाल, अले परमेश्‍वरया इच्‍छा कथं इमिसं थःत जिमिगु ल्‍हातय् लःल्‍हाना बिल।

गलाती 5:22

पवित्र आत्‍माया फल धाःसा माया यायेगु, लय्‌तायेगु, शान्‍ति याकेगु, सह यायेगु, दया यायेगु, ग्‍वाहालि यायेगु, विश्‍वास यायेबहः जुइगु,

एफिसी 5:1

छिपिं परमेश्‍वरया यःपिं मस्‍त जूगुलिं वय्‌कः थें जुइत स्‍व।

फिलिप्‍पी 3:17

यःपिं दाजुकिजापिं, छिमिसं नं जिं थें या। गथे जिपिं छिमिगु निंतिं नमूना जुया, अथे याइपिं मेपिनिगुपाखें नं स्‍यना का।

२ थेसलोनिकी 1:4

छिमिसं उलिमछि दुःखकष्‍ट सिया च्‍वनेमालं नं क्‍वात्तुक विश्‍वास यानाः सह यानाच्‍वंगु खँ जिमिसं थाय् थासय् परमेश्‍वरयागु मण्‍डलीइ च्‍वंपिन्‍त छ्यं धस्‍वाकाः कनेफु।

२ थेसलोनिकी 3:7

जिमिसं यानाः थें यायेमाः धकाः ला छिमिसं सि हे स्‍यू। छिपिंनाप च्‍वनाबलय् जिमिसं भचा हे थाकु मचासे ज्‍या याना।

२ थेसलोनिकी 3:9

जिमिसं छिमिगु नये मथ्‍याः धकाः थथे यानागु मखु, बरु छिमिसं नं अथे हे यायेमा धकाः क्‍यनेत अथे यानागु खः।

२ तिमोथी 4:2

परमेश्‍वरयागु वचन न्‍यंकि। भिंगु इलय् नं मभिंगु इलय् नं न्‍यंकि, न्‍ह्यागु जूसां सह यानाः मनूतय्‌त इमिगु दोष क्‍यनाः स्‍यनेकने या, ब्‍वःब्‍यु, अले साहस नं ब्‍यु।

हिब्रू 10:34

झ्‍यालखानाय् लाःपिन्‍त छिमिसं दयामाया यानाः ग्‍वाहालि यात, अले हानं छिमिगु सम्‍पत्ति लुतय् यानाकाःसां छिपिं लय्‌ताया हे च्‍वन, छाय्‌धाःसा छिमिके सदां दयाच्‍वनीगु दक्‍वसिबय् तःधंगु सम्‍पत्ति दु धकाः छिमिसं स्‍यू।

१ पत्रुस 1:6

अय्‌जूगुलिं छिमिसं आः न्‍ह्याक्‍व दुःखकष्‍ट फयेमाःसां दिक्‍क चाये मते। लिपा ला छिपिं तसकं लय्‌ताय् खनी।

१ पत्रुस 1:8

वय्‌कःयात छिमिसं मखंनिसां माया यानाच्‍वंगु दु। आः नं वय्‌कःयात छिमिसं मखंनि, अय्‌नं छिमिसं विश्‍वास यानाच्‍वंगु दु। अले धयां मब्‍याक छिपिं लय्‌तायाच्‍वंगु दु।

१ पत्रुस 3:13

भिंगु जक याना जूसा छिमित सुनानं स्‍यंके फइ मखु।

३ यूहन्‍ना 1:11

यःम्‍ह किजा, अय्‌जूगुलिं छं मभिंगु बांमलाःगु खँ याये सय्‌के मते, बरु भिंगु बांलाःगु खँ जक सय्‌कि। भिंगु बांलाःगु यानाजुइपिं परमेश्‍वरया मनूत खः। मभिंगु बांमलाःगु यानाजुइपिं मनूतय्‌सं परमेश्‍वरयात म्‍हमस्‍यू।