१ शमूएल 9:9 - नेवाः बाइबल

⁹ (न्‍हापा न्‍हापा परमेश्‍वरनापं सल्‍लाह कायेमाल धाःसा इस्राएलय् थथे धायेगु चलन दु, “झीपिं लिपा जुइगु खँ धायेफुम्‍ह मनूयाथाय् वनेनु।” छाय्‌धाःसा थौंकन्‍हय्‌यापिं अगमवक्तायात उबलय् लिपा जुइगु खँ धायेफुम्‍ह मनू धकाः धाइगु खः।)

१ शमूएल 9:9 ပူးပေါင်းရင်းမြစ်များ

उत्‍पत्ति 25:22

रिबेकाया प्‍वाथय् निम्‍ह मचा दुगु जुयाच्‍वन। अले इपिं प्‍वाथय् दुने हे थवंथवय् ल्‍वायेगु यानाच्‍वन। उकिं वं थथे मतिइ तल, “जितः थथे छाय् जुल?” अले वं परमप्रभुयाके न्‍यन।

२ शमूएल 24:11

कन्‍हय् सुथय् दाऊद दंबलय् परमप्रभुया वचन अगमवक्ता गादयात थ्‍यन,

२ राजा 17:13

परमप्रभुं अगमवक्तात व दूतत छ्वयाहयाः इस्राएल व यहूदायात थ्‍व ख्‍याच्‍वः ब्‍यूगु खः, “छिमिसं मभिंगु पहःचहः त्‍वःताः जिं छिमि पुर्खातय्‌त बियागु व्‍यवस्‍थाकथं व थः दास अगमवक्तातपाखें छिमित बियागु आज्ञा व विधि मानय् या।”

१ इतिहास 21:9

अले परमप्रभुं दाऊदया अगमवक्ता गादयात थथे धयादिल,

१ इतिहास 26:28

अगमवक्ता शमूएल, कीशया काय् शाऊल, नेरया काय् अबनेर व सरूयाहया काय् योआबं मेगु देछाःगु फुक्‍क सामान शलोमीत व वया थःथितितय्‌गु जिम्‍माय् दु।

१ इतिहास 29:29

दाऊद जुजु जुयाच्‍वंबलय् जूगु फुक्‍क खँ शुरुंनिसें लिपाथ्‍यंक, शमूएल अगमवक्ताया इतिहास व नातान अगमवक्ताया इतिहास व गाद अगमवक्ताया इतिहासया सफुलिइ च्‍वयातःगु दु।

१ इतिहास 9:22

२१२ म्‍ह मनूयात देगःया ध्‍वाखा पिवाःया ज्‍या यायेत ल्‍यःगु खः। इमिगु नां गांगांया नां वंशावलीया धलखय् च्‍वःगु दु। इमि पुर्खायात अज्‍याःगु विश्‍वास बहःगु ज्‍या यायेत दाऊद व अगमवक्ता शमूएलं ल्‍यःगु खः।

२ इतिहास 16:10

थ्‍व खं यानाः आसा उम्‍ह अगमवक्ता खनाः तंचाल, तम्‍वय् आसां वयात झ्‍यालखानाय् कुनाबिल। उबलय्‌निसें वं छुं मनूतय्‌त तसकं क्‍वतेलेगु याना हल।

२ इतिहास 16:7

अबलय् हनानी अगमवक्तां यहूदायाम्‍ह जुजु आसायाथाय् वनाः थथे धाल, “छिं अरामया जुजुयागु भरोसा कयादिल। तर परमप्रभु झी परमेश्‍वरयागु भरोसा कयामदी। अथे जुयाः छिं अरामया जुजुया सिपाइँतय्‌त नाश यायेगु मौका त्‍वःफिकल।

यशैया 29:10

परमप्रभुं छिमित स्‍याक्‍क न्‍ह्यःवय्‌कादीगु दु। अले छंगु मिखा (अगमवक्तात) तिनाब्‍यूगु दु, अले छंगु छ्यं (दर्शन खनीपिं) त्‍वपुयाब्‍यूगु दु।

यशैया 30:10

दर्शन खनीपिन्‍त इमिसं धाइ, “आः थनिंनिसें दर्शन मखनेमा!” इमिसं अगमवक्तातय्‌त धाइ, “जिमित खःगु खँया दर्शन कने मते!” “जिमित यःगु खँ जक धा, मखुगु अगमवाणी कँ!

आमोस 7:12

अले अमस्‍याहं आमोसयात धाल, “अय् अगमवक्ता, थनं वनाछ्व यहूदाय् हुँ, अन नयेगु नसा कायेगु या, अले अगमवाणी धा।

१ कोरिन्‍थी 12:17

म्‍ह छम्‍हं मिखाया मिखा जक जूसा छुकिं न्‍यनेगु? अले हानं म्‍ह छम्‍हं न्‍हाय्‌पंया न्‍हाय्‌पं जक जूसा छुकिं नँतुनेगु?

न्‍यायकर्ता 1:1

यहोशू सीधुंकाः इस्राएलीतय्‌सं परमप्रभुयाके न्‍यन, “गुगु कुलं दकलय् न्‍हापा कनानीतय्‌त हमला यायेमाः?”

न्‍यायकर्ता 18:5

अले इमिसं वयात धाल, “अथे जूसा जिमिगु निंतिं परमेश्‍वरयाके जिमिगु ज्‍या ताःलाइ कि ताःलाइ मखु धकाः न्‍यँ।”

१ शमूएल 9:10

अले शाऊलं लिसः बिल, “ज्‍यू, आः झीपिं वयाथाय् वनेनु।” अथे जुयाः इपिं व परमेश्‍वरया मनू दुगु शहरय् वन।