१ शमूएल 9:7 - नेवाः बाइबल

⁷ शाऊलं धाल, “झीपिं वयाथाय् वन धाःसा झीसं वयात छु बी फु धकाः? झीगु म्‍हिचाय् छुं नं नयेगु नसा मदु। परमेश्‍वरया मनूयात बीत झीके छुं नं कोसेलि मदु। झीके छु दु धकाः?”

१ शमूएल 9:7 ပူးပေါင်းရင်းမြစ်များ

१ राजा 13:7

जुजुं परमेश्‍वरया मनूयात धाल, “जिगु छेँय् झायाः छुं भपियादिसँ, जिं छितः छगू कोसेलि बी।”

१ राजा 14:3

छ वयाथाय् झिपा मरि, भचा ग्‍वारमरि व छथल कस्‍ति ज्‍वनाः हुँ। झी काय्‌यात छु जुइ धकाः वयाके न्‍यँ, वं छन्‍त धाइ।”

२ राजा 4:42

बाल-शलीशायाम्‍ह छम्‍ह मनुखं परमेश्‍वरया मनूया निंतिं उगु दँया बालीया न्‍हापां सःगु तछ्वया निइपा मरि व थःगु बोराय् न्‍हूगु अन्‍नया धेत भचा ज्‍वनावल। एलीशां धाल, “उपिं मनूतय्‌त थ्‍व नयेत ब्‍यु।”

२ राजा 5:15

थः सकलें च्‍यःतनापं परमेश्‍वरया मनूयाथाय् वयाः वं थथे धाल, “आः जिं इस्राएलय् बाहेक संसारय् गन नं परमेश्‍वर मदु धकाः सिल। उकिं आः थः दासपाखें छगू कोस्‍यलि कयादिसँ।”

२ राजा 5:5

अरामया जुजुं धाल, “ज्‍यू, छ हुँ। जिं इस्राएलया जुजुयात छगू पौ च्‍वयाबी।” उकिं नामान ३४० किलोग्राम वहः, ७० किलोग्राम लुँ व झिज्‍वः वसः ज्‍वनाः वन।

२ राजा 8:8

जुजुं थः भारदार हजाएलयात धाल, “छगू कोस्‍यलि ज्‍वनाः परमेश्‍वरया मनूयात नापलाः हुँ। वपाखें परमेश्‍वरयाके सल्‍लाह का अले न्‍यँ ‘छु जि थ्‍व ल्‍वय्‌पाखें लनी ला?’”

२ राजा 8:9

हजाएलं कोस्‍यलि बीत दमस्‍कसया दकलय् भिंगु भिंगु ज्‍वलं कयाः पिइम्‍ह ऊँटया म्‍हय् तल। अले व एलीशायात नापलाः वन। वयात नाप लानाः हजाएलं धाल, “छिकपिनि च्‍यः बेन-हदद जुजुं व लनी कि लनी मखु धकाः न्‍यनेत जितः छिथाय् छ्वयाहःगु खः।”

इजकिएल 13:19

छिमिसं छम्‍हू निम्‍हु तछ्व व छपा निपा मरिया निंतिं जिमि प्रजाया न्‍ह्यःने जितः हेला यात। मखुगु खँ न्‍यनीपिं जिमि प्रजायात मखुगु खँ ल्‍हानाः सीम्‍वाःपिं मनूतय्‌त छिमिसं स्‍यात। म्‍वायेम्‍वाःपिं मनूतय्‌त धाःसा छिमिसं बचय् याना तल।

न्‍यायकर्ता 6:18

जि छिथाय् हाकनं वयाः थःगु देछा छिगु न्‍ह्यःने तया मब्‍युतले छि थनं झाये मते।” वय्‌कलं धयादिल, “जि छ लिहां मवःतले पियाच्‍वने।”