१ शमूएल 9:12 - नेवाः बाइबल

¹² इमिसं धाल, “खः, छेँ हे दु। वय्‌कः छिकपिं स्‍वयाः भच्‍चा जक न्‍ह्यः झाःगु खः। याकनं झासँ वय्‌कः नकतिनि शहरय् दुहां झाःगु खः, छाय्‌धाःसा थौं आराधना याइगु थासय् वनाः मनूतय्‌सं बलि छाः वनीतिनि।

१ शमूएल 9:12 ပူးပေါင်းရင်းမြစ်များ

उत्‍पत्ति 31:54

याकूबं अन गुँच्‍वकाय् हे बलि बियाः थः थःथितिपिन्‍त भ्‍वय् नकल। नयेत्‍वने यानाः इपिं अन हे द्यन।

१ इतिहास 16:39

हानं दाऊदं पुजाहारी सादोक व वया पुजाहारी दाजुकिजापिन्‍त गिबोनया तःजाःगु थासय् परमप्रभुया पालया न्‍ह्यःने तल।

१ शमूएल 10:5

“अनंलि छि परमेश्‍वरया आराधना यायेगुथाय् गिबाय् झायादी। अन पलिश्‍तीतय्‌गु छाउनी दु। छि शहरया लिक्‍क थ्‍यनेवं छिं आराधना यायेगु थासं क्‍वहां वयाच्‍वंपिं अगमवक्तातय्‌गु छपुचःयात सारंगी कियाः दम्‍फु ज्‍वनाः बाँसुरी पुयाः व वीणा थानाः वयाच्‍वंगु नापलाइ। अले इमिसं अगमवाणी कनाः वयाच्‍वनी

१ शमूएल 16:2

तर शमूएलं धाल, “जिं गथे यानाः सीकेगु? शाऊलं थ्‍व खँ सिल धाःसा ला जितः वं स्‍याइ का।” परमप्रभुं धयादिल, “छम्‍ह साचा छनापं हे यंकी अले ‘परमप्रभुया निंतिं बलि छायेत वयागु खः’ धकाः धा।

१ शमूएल 2:35

जिं जिगु निंतिं छम्‍ह विश्‍वास याये बहःम्‍ह पुजाहारी ल्‍यये। वं हे जिगु मनय् व नुगलय् च्‍वंगु खँकथं याइ। जिं वया परिवारयात थापं याये अले वं हे जिं जुजु अभिषेक यानाम्‍ह मनूया न्‍ह्यःने सदां सेवा याइ।

१ शमूएल 20:6

छुं जुयाः छिकपिनि बौनं जितः लुमंकल धाःसा वय्‌कःयात थथे धयादिसँ, ‘बेथलेहेमय् थःगु छेँ याकनं वने माःगुलिं दाऊदं जिनापं बिदा कयाः वन छाय्‌धाःसा दँय्‌दसं अन वया परिवारनापं बलि छायेमाःगु जुयाच्‍वन।’

१ शमूएल 7:17

तर व न्‍ह्याबलें रामाय् हे लिहां वइगु खः। छाय्‌धाःसा वयागु छेँ अन हे खः अले अनं नं वं इस्राएलीतय्‌गु न्‍याय याइगु खः। वं अन परमप्रभुया निंतिं छगू वेदी दय्‌कल।