१ शमूएल 8:7 - नेवाः बाइबल

⁷ अले परमप्रभुं शमूएलयात धयादिल, “मनूतय्‌सं धाः वःगु फुक्‍क खँ बांलाक न्‍यँ। इमिसं छन्‍त मय्‌कूगु मखु बरु इमिसं ला जितः मय्‌कूगु खः। इमिसं जितः हे थः जुजु मानय् यायेत मय्‌कूगु खः।

१ शमूएल 8:7 ပူးပေါင်းရင်းမြစ်များ

प्रस्‍थान 16:8

मोशां हानं धाल, “परमप्रभुं छिमित बहनिइ नयेत ला व सुथय् माक्‍व नसा बीबलय् छिमिसं थ्‍व फुक्‍क वय्‌कलं यानाच्‍वंगु खः धकाः सी। छाय्‌धाःसा वय्‌कलं छिमिसं वय्‌कःया विरोधय् याःगु कचकच न्‍यनादीगु दु। छिमिसं जिमिगु विरोधय् मखु, बरु परमप्रभुया विरोधय् कचकच यानाच्‍वंगु दु।”

यशैया 66:4

अथे जुयाः जिं नं इपिंनापं कडा व्‍यवहार याये, इमित भय दुगु खँ हे जिं इमिथाय् हये। छाय्‌धाःसा जिं सःताबलय् सुनानं लिसः मब्‍यू। गुबलय् जिं सःता सुनानं वास्‍ता मया। छु जिगु मिखाय् मभिंगु खः व हे इमिसं यात। अले छु जितः मयः व हे इमिसं यात।”

यर्मिया 34:14

‘छिपिं सकसिनं, छिमिगु ल्‍हातय् म्‍यूम्‍ह व खुदँ तक छिमिगु सेवा याःम्‍ह थः हिब्रू दासयात न्‍हय्‌गूगु दँय् स्‍वतन्‍त्र यानाबीमाः।’ तर छिमि पुर्खातय्‌सं जिगु खँ मन्‍यन वा उकी ध्‍यान हे मबिल।

इजकिएल 2:3

वय्‌कलं जितः थथे धयादिल, “अय् सीमानिम्‍ह मनू, जिं छन्‍त इस्राएली जातियाथाय् छ्वयाच्‍वनागु दु, जिगु विरोधय् विद्रोही जूपिं जातियाथाय्। इपिं व इमि पुर्खात थौं तक नं जिगु विरोधय् विद्रोही जूगु दु।

इजकिएल 3:7

तर इस्राएलया घरानायात छंगु खँ न्‍यने मास्‍ति मवः, इमित जिगु खँ न्‍यने मंमदु। छाय्‌धाःसा इस्राएलया फुक्‍क घराना हे जिद्दी व नुगः छाःपिं खः।

गन्‍ती 22:20

परमेश्‍वर व चान्‍हय् बालामयाथाय् झायाः वयात धयादिल, “थुपिं मनूत छन्‍त सःतेत वःगुलिं इपिं नापं हुँ, अय्‌नं जिं छन्‍त छु छु धाये व हे जक छं या।”

मत्ती 10:40

“छिमित दुकाःम्‍हय्‌सिनं जितः दुकाःगु जुइ। जितः दुकाःम्‍हय्‌सिनं जितः छ्वया हयादीम्‍हय्‌सित दुकाःगु जुइ।

लूका 10:16

थुलि धयादी धुंकाः वय्‌कलं चेलातय्‌त धयादिल – “छिमिगु खँ न्‍यंपिन्‍सं जिगु हे खँ न्‍यंगुति ग्‍यनी। अले छिमित मयःगु जितः मयःगुति हे ग्‍यनी। अले जितः मयःगु ला जितः छ्वया हःम्‍हय्‌सित मयःगुति हे ग्‍यनी।”

लूका 19:14

अन च्‍वंपिं मनूतय्‌सं धाःसा वयात मिखां हे स्‍वयेमास्‍ति मवः। व वने धुंकाः इमिसं मनूत छ्वयाः ‘थ्‍व मनू जिमि जुजु जुइगु जिमित मयः’ धकाः धाय्‌के छ्वल।

लूका 19:27

जितः जुजु मयायेत संपिं जिमि शत्रुतय्‌त हयाः जिगु न्‍ह्यःने हे स्‍या।’”

यूहन्‍ना 13:16

जिं छिमित खःगु खँ धाये – दास मालिक स्‍वयाः तःधं जुइ मखु। अथे हे खबर छ्वया हइम्‍ह स्‍वयाः ज्‍वना वइम्‍ह तःधं जुइ मखु।

न्‍यायकर्ता 8:23

गिदोनं लिसः बिल, “जि व जिमि काय्‌नं मखु तर परमप्रभुं हे छिमित शासन यानादी।”

१ शमूएल 10:19

तर छिमिगु फुक्‍क दुःखकष्‍टपाखें बचय् यानादीम्‍ह थः परमेश्‍वरयात छिमिसं थौं हेला यात। छिमिसं थथे धाल, अथे मखु, जिमिगु निंतिं छम्‍ह जुजु ल्‍ययादिसँ। अथे जुयाः परमप्रभुया न्‍ह्यःने कुल कुल व वंश-वंश यानाः मुँ।”

१ शमूएल 12:1

अले शमूएलं इस्राएलीतय्‌त थथे धाल, “जिं छिमिसं धाःगु फुक्‍कं खँ न्‍यना अले छिमिगु निंतिं जुजु नं ल्‍यया।

१ शमूएल 12:12

“अनंलि अम्‍मोनीतय् जुजु नाहाश छिमित हमला यायेत वयाच्‍वंगु छिमिसं खंबलय् परमप्रभु छिमि परमेश्‍वर हे छिमि जुजु जुयादीगु जूसां छिमिसं जितः धाल, ‘मखु, जिमित शासन यायेत छम्‍ह जुजु माल।’

१ शमूएल 8:22

अले परमप्रभुं लिसः बियादिल, “इमिसं धाःकथं हे या, अले इमिगु निंतिं छम्‍ह जुजु नं ल्‍य।” अले शमूएलं इस्राएलया फुक्‍क मनूतय्‌त थथःगु छेँ छ्वल।

१ शमूएल 8:8

मिश्र देशं हया खुन्‍हुनिसें इमिसं जितः छु छु याःगु खः आः इमिसं छन्‍त नं अथे हे यानाच्‍वंगु दु। इमिसं जितः त्‍वःताः मेपिं द्यःतय्‌गु पुजा यानाच्‍वंगु दु।