१ शमूएल 8:6 - नेवाः बाइबल

⁶ थथे शासन यायेत जुजु फ्‍वं वःगुलिं शमूएल दिक्‍क चायाः परमप्रभुयात प्रार्थना यात।

१ शमूएल 8:6 ပူးပေါင်းရင်းမြစ်များ

भजनसंग्रहया सफू 109:4

जिं इमित माया याना, अले इमिगु लागि प्रार्थना यानागु दु। अय्‌नं इमिसं जिगु विरोध याइगु।

प्रस्‍थान 32:21

अनंलि मोशां हारूनयात धाल, “थुपिं मनूतय्‌सं छितः छु याःगु दु धकाः छिं थुमित थुलि तःधंगु पाप याके बियागु?”

प्रस्‍थान 32:32

अय्‌जूसां थुमिगु पाप क्षमा यानादिसँ, मखुसा छिं च्‍वयादीगु सफुलिं जिगु नां हुयादिसँ।”

होशे 13:10

छिमित बचय् यायेत छिमि जुजुपिं गन दु? छिमि शहर शहरया शासकत गन दु, गुपिनिगु बारे छिमिसं थथे धाइगु, ‘जिमित छम्‍ह जुजु व राजकुमारत बियादिसँ?’

गन्‍ती 16:15

अले मोशां तसक्‍कं तंचायाः परमप्रभुयात धाल, “इमिगु देछा नाला कयादी मते! जिं इमिके छम्‍ह गधा तक नं कयागु मदु, न जिं इमिगु छुं स्‍यंकागु दु।”

गन्‍ती 16:22

अले मोशा व हारूनं बँय् भ्‍वपुयाः धाल, “हे परमेश्‍वर, फुक्‍क प्राणीतय्‌त सासः बियादीम्‍ह परमेश्‍वर, छम्‍ह मनुखं पाप याःगुलिं छु छि फुक्‍क खलःलिसें तं चायादियागु ला?”

गन्‍ती 16:46

मोशां हारूनयात धाल, “छिगु गुँगू थनेगु मकः कयादिसँ, अले उकी वेदीं मि तयाः गुँगू तयादिसँ, अले याकनं हे व खलःयाथाय् यंकाः इमित प्रायश्‍चित याकि, छाय्‌धाःसा परमप्रभुया तं च्‍याये धुंकूगु दु, महामारी शुरु जूगु दु।”

फिलिप्‍पी 4:6

छुं खँय् नं पीर काये मते। छिमित माःगु खँ प्रार्थना यानाः सुभाय् बियाः परमेश्‍वरयात बिन्‍ति या।

याकूब 1:5

छिपिं सुयातं बुद्धि माःसा परमेश्‍वरयाके फ्‍वँ, अले वय्‌कलं वयात माक्‍व बुद्धि बियादी। वय्‌कलं फुक्‍कसित माक्‍व बुद्धि बियादी, छाय्‌धाःसा वय्‌कः सुयातं छुं बीत नुगः मस्‍याः।

१ शमूएल 10:19

तर छिमिगु फुक्‍क दुःखकष्‍टपाखें बचय् यानादीम्‍ह थः परमेश्‍वरयात छिमिसं थौं हेला यात। छिमिसं थथे धाल, अथे मखु, जिमिगु निंतिं छम्‍ह जुजु ल्‍ययादिसँ। अथे जुयाः परमप्रभुया न्‍ह्यःने कुल कुल व वंश-वंश यानाः मुँ।”

१ शमूएल 12:12

“अनंलि अम्‍मोनीतय् जुजु नाहाश छिमित हमला यायेत वयाच्‍वंगु छिमिसं खंबलय् परमप्रभु छिमि परमेश्‍वर हे छिमि जुजु जुयादीगु जूसां छिमिसं जितः धाल, ‘मखु, जिमित शासन यायेत छम्‍ह जुजु माल।’

१ शमूएल 12:17

आः छ्व लयेगु ई खः मखु ला? जिं परमप्रभुयाके इनाप याये, अले वय्‌कलं नँ न्‍यासः व वा वय्‌कादी। थथे जुइबलय् छिमिसं परमप्रभुयाके जुजु फ्‍वनाः वय्‌कःया विरोधय् गुलि तःधंगु पाप याःगु दु धकाः सीका काइ।”

१ शमूएल 12:19

अले फुक्‍क मनूतय्‌सं शमूएलयात धाल, “जिपिं सीगुपाखें बचय् जुइमा धकाः परमप्रभु छिकपिनि परमेश्‍वरयाके जिपिं छिकपिनि दासतय्‌गु निंतिं प्रार्थना यानादिसँ। छाय्‌धाःसा जिमिसं थःपिनिगु निंतिं जुजु फ्‍वनाः अझ अप्‍वः पाप यानागु दु।”

१ शमूएल 12:23

जिगु लागि धाःसा, छिमिगु निंतिं प्रार्थना यायेगु त्‍वःताः परमप्रभुया न्‍ह्यःने पाप यायेगु न्‍हि जिपाखें तापाक हे जुइमा। छु यायेगु पाय्‌छि जू अले छु यायेगु भिं व जिं छिमित स्‍यनेकने याये।

१ शमूएल 15:11

“शाऊलयात जुजु यानाः जि तसकं पस्‍ताय् चाःगु दु, छाय्‌धाःसा व जिपाखें तापाक वंगु दु, अले वं जिगु आज्ञा मानय् याःगु नं मदु।” शमूएलयात छु धाये छु धाये जुल, अले वं चच्‍छि ख्‍वयाः परमप्रभुयात बिन्‍ति यात।

१ शमूएल 7:5

अले शमूएलं धाल, “फुक्‍क इस्राएलीतय्‌त मिस्‍पाय् मुंकि अले जिं छिकपिनिगु निंतिं परमप्रभुयाके प्रार्थना याये।”