१ शमूएल 8:5 - नेवाः बाइबल

⁵ इमिसं शमूएलयात धाल, “स्‍वयादिसँ, आः छि बुरा जुइ धुंकल। छिकपिनि काय्‌पिन्‍सं छिं याःकथं मयात। अथे जुयाः मेथाय् देशय् थें जिमित शासन यायेत छम्‍ह जुजु ल्‍ययादिसँ।”

१ शमूएल 8:5 ပူးပေါင်းရင်းမြစ်များ

गन्‍ती 23:9

ततःग्‍वःगु ल्‍वहं च्‍वकां जिं इमित खना ततःजाःगु गुँच्‍वकां जिं इमित स्‍वया। इपिं ला अलग च्‍वनीगु जाति खः। इमिसं थःपिन्‍त मेपिं स्‍वयाः अलग स्‍वइगु।

प्रेरित 13:21

अले इमिसं छम्‍ह जुजु फ्‍वन। अले परमेश्‍वरं पिइदँ तक बेन्‍यामीन कुलयाम्‍ह कीशया काय् शाऊल धाःम्‍हय्‌सित जुजु दय्‌कादिल।

न्‍यायकर्ता 8:22

इस्राएलीतय्‌सं गिदोनयात धाल, “छिं इमित मिद्यानीतपाखें बचय् यानादिल। आः छि जिमि शासक जुयादिसँ, छिगु लिपा छि मचाखाचात जिमि शासक जुइमा।”

१ शमूएल 10:19

तर छिमिगु फुक्‍क दुःखकष्‍टपाखें बचय् यानादीम्‍ह थः परमेश्‍वरयात छिमिसं थौं हेला यात। छिमिसं थथे धाल, अथे मखु, जिमिगु निंतिं छम्‍ह जुजु ल्‍ययादिसँ। अथे जुयाः परमप्रभुया न्‍ह्यःने कुल कुल व वंश-वंश यानाः मुँ।”

१ शमूएल 12:13

छिमिसं हे ल्‍यःम्‍ह जुजु थन दु। छिमिसं वयात फ्‍वन अले परमप्रभुं हे वयात जुजु ल्‍ययादिल।

१ शमूएल 12:17

आः छ्व लयेगु ई खः मखु ला? जिं परमप्रभुयाके इनाप याये, अले वय्‌कलं नँ न्‍यासः व वा वय्‌कादी। थथे जुइबलय् छिमिसं परमप्रभुयाके जुजु फ्‍वनाः वय्‌कःया विरोधय् गुलि तःधंगु पाप याःगु दु धकाः सीका काइ।”

१ शमूएल 12:2

आः व हे जुजु छिमि नायः जूगु दु। जि धाःसा बुरा जुयाः जिगु सँ तुयुसे च्‍वने धुंकल। जिमि काय्‌पिं नं छिपिंनापं हे दु। जि ला ल्‍याय्‌म्‍हबलय्‌निसें थौं तक हे छिमि नायः जुया वयाच्‍वनागु खः।

१ शमूएल 9:20

स्‍वन्‍हु न्‍ह्यः तंपिं गधातय्‌गु च्‍यूताः कयादी मते छाय्‌धाःसा इपिं लुयावये धुंकूगु दु। तर फुक्‍क इस्राएलीतय्‌सं छु फ्‍वनाच्‍वंगु दु? छु इपिं छ व छिमि बौया फुक्‍क परिवारया मखु ला?”