१ शमूएल 7:9 - नेवाः बाइबल

⁹ अथे जुयाः शमूएलं नकतिनियाम्‍ह मचाम्‍ह भ्‍याःचायात हयाः होमबलि छाल, अले इस्राएलीतय्‌गु निंतिं परमप्रभुयात ततःसलं हालाः प्रार्थना यात। परमप्रभुं वं याःगु प्रार्थनाया लिसः बियादिल।

१ शमूएल 7:9 ပူးပေါင်းရင်းမြစ်များ

भजनसंग्रहया सफू 50:15

दुःखया इलय् जितः प्रार्थना या! जिं छन्‍त बचय् याये, अले छं जितः तःधंकी।”

भजनसंग्रहया सफू 99:6

मोशा व हारून वय्‌कःया पुजाहारीत खः, अले वय्‌कःया नां कयाः प्रार्थना याइम्‍ह छम्‍ह शमूएल खः। इमिसं परमप्रभुयात ग्‍वाहालिया निंतिं इनाप यात, अले वय्‌कलं इमित लिसः बियादिल।

यर्मिया 15:1

अले परमप्रभुं जितः धयादिल, “मोशा व शमूएल जिगु न्‍ह्यःने दंसां थ्‍व जातिपाखे जिगु मन वनी मखु। इमित जिगु न्‍ह्यःनं पितिनाछ्व! इमित वनेब्‍यु!

लेवी 22:27

“साचा वा द्वहंचा, चिधिकःम्‍ह भ्‍याःचा वा दुगुचा बुइबलय् व न्‍हय्‌न्‍हु तक थः मां नापं हे च्‍वनेमाः। च्‍यान्‍हु खुन्‍हुनिसें व परमप्रभुया न्‍ह्यःने विशेष देछाकथं नालेबहः जुइ।

व्‍यवस्‍था 9:26

जिं प्रार्थना यानाः धया, “हे परमप्रभु परमेश्‍वर, छिं ल्‍ययादीपिं थःगु तःधंगु बलं त्‍वःतकाः बल्‍लाःगु ल्‍हातं मिश्रं पित हयादीपिं थः मनूतय्‌त व थःगु सर्बययात नाश यानादी मते।

याकूब 5:16

अय्‌जूगुलिं छिमिसं थःपिन्‍सं यानागु पाप थःथवय् स्‍वीकार या, अले छम्‍हं मेम्‍हय्‌सिगु निंतिं प्रार्थना या। अथे याःसा छिमिगु ल्‍वय् लनावनी। धर्मीम्‍ह मनुखं याःगु प्रार्थना परमेश्‍वरं न्‍यनादी।

न्‍यायकर्ता 6:26

अनं लिपा व हे थासय् परमप्रभु छिमि परमेश्‍वरया निंतिं छगू वेदी पाय्‌छिकथं दय्‌कि। अले व निम्‍हम्‍ह द्वहं कयाः अशेराया थांया सिँ च्‍याकाः होमबलि देछा।”

न्‍यायकर्ता 6:28

सुथय् शहरयापिं मनूत दंबलय् इमिसं बालयागु वेदी स्‍यंकातःगु व उकिया लिक्‍क अशेराया थांयात त्‍वथुलातःगु व गिदोनं दय्‌कूगु वेदीइ द्वहं होमबलि बियातःगु खंकल।

१ शमूएल 10:8

“छि जि वये न्‍ह्यः हे गिलगालय् क्‍वहां झासँ अले जिं होमबलि व मेलबलि छायेत छिथाय् वये। तर जि छिथाय् मथ्‍यंतले छिं न्‍हय्‌न्‍हु तक पियाच्‍वने मालि। अले जि वयाः छिं यायेमाःगु छु खः व धयाबी।”

१ शमूएल 12:17

आः छ्व लयेगु ई खः मखु ला? जिं परमप्रभुयाके इनाप याये, अले वय्‌कलं नँ न्‍यासः व वा वय्‌कादी। थथे जुइबलय् छिमिसं परमप्रभुयाके जुजु फ्‍वनाः वय्‌कःया विरोधय् गुलि तःधंगु पाप याःगु दु धकाः सीका काइ।”

१ शमूएल 16:2

तर शमूएलं धाल, “जिं गथे यानाः सीकेगु? शाऊलं थ्‍व खँ सिल धाःसा ला जितः वं स्‍याइ का।” परमप्रभुं धयादिल, “छम्‍ह साचा छनापं हे यंकी अले ‘परमप्रभुया निंतिं बलि छायेत वयागु खः’ धकाः धा।

१ शमूएल 2:35

जिं जिगु निंतिं छम्‍ह विश्‍वास याये बहःम्‍ह पुजाहारी ल्‍यये। वं हे जिगु मनय् व नुगलय् च्‍वंगु खँकथं याइ। जिं वया परिवारयात थापं याये अले वं हे जिं जुजु अभिषेक यानाम्‍ह मनूया न्‍ह्यःने सदां सेवा याइ।

१ शमूएल 7:17

तर व न्‍ह्याबलें रामाय् हे लिहां वइगु खः। छाय्‌धाःसा वयागु छेँ अन हे खः अले अनं नं वं इस्राएलीतय्‌गु न्‍याय याइगु खः। वं अन परमप्रभुया निंतिं छगू वेदी दय्‌कल।

१ शमूएल 9:12

इमिसं धाल, “खः, छेँ हे दु। वय्‌कः छिकपिं स्‍वयाः भच्‍चा जक न्‍ह्यः झाःगु खः। याकनं झासँ वय्‌कः नकतिनि शहरय् दुहां झाःगु खः, छाय्‌धाःसा थौं आराधना याइगु थासय् वनाः मनूतय्‌सं बलि छाः वनीतिनि।