१ शमूएल 7:6 - नेवाः बाइबल

⁶ अथे जुयाः इपिं सकलें मिस्‍पाय् मुन, अले इमिसं लः जाय्‌काहयाः परमप्रभुया न्‍ह्यःने देछाकथं प्‍वंकाबिल। उखुन्‍हु “जिमिसं परमप्रभुया विरोधय् पाप यानागु दु” धकाः मानय्‌ यानाः न्‍हिच्‍छि हे इपिं अपसं च्‍वन। अले शमूएल मिस्‍पाय् इस्राएलीतय् नायः जुल।

१ शमूएल 7:6 ပူးပေါင်းရင်းမြစ်များ

उत्‍पत्ति 31:49

वं हानं धाल, “झी थःथवय् बायावनेधुंकाः नं परमेश्‍वरं झीत स्‍वयादीमा।” उकिं थ्‍व ल्‍वहं थांयात मिज्‍पा नं धाल।

२ शमूएल 14:14

बँय् वानाः मदयावंगु लः थें झीपिं नं छन्‍हु सिनावने मानि, तर परमेश्‍वरं प्राण कयादी मखु। बरु वय्‌कःपाखें मनूत तापानाः मवनेमा धकाः वय्‌कलं उपाय पिकयादी।

१ राजा 8:47

इमित ज्‍वनाः यंकूगु देशय् इमिसं दुःख स्‍यूगुलिं थःगु मन हीकाः पस्‍ताय् चायाः ‘जिमिसं पाप यानागु दु जिमिसं द्वंकागु दु, मभिंगु ज्‍या यानागु दु धकाः’ छितः प्रार्थना यात धाःसा

१ इतिहास 11:18

अले उपिं स्‍वम्‍ह बहादुर सिपाइँत पलिश्‍तीतय् दथुं दुहां वनाः बेथलेहेमया ध्‍वाखाया लिक्‍क च्‍वंगु तुंथिं लः कयाः दाऊदयाथाय् हल। तर दाऊदं व लः त्‍वने मखु धाल। अले परमप्रभुया न्‍ह्यःने व लः प्‍वंकाः वं थथे धाल,

२ इतिहास 20:3

थ्‍व खँ न्‍यनाः यहोशापात ग्‍यात। अले वं आः छु यायेगु धकाः परमप्रभुयात मालेगु क्‍वःछित। वं यहूदायापिं सकसितं अपसं च्‍वँ धकाः नं धाल।

नहेम्‍याह 9:27

उकिं छिं इमित इमि शत्रुतय्‌गु ल्‍हातय् लाकादिल। इमि शत्रुतय्‌सं इमित क्‍वःत्‍यल। थःगु दुःखया इलय् इमिसं छिके ग्‍वाहालि फ्‍वन। स्‍वर्गं छिं लिसः बियादिल। इमित शत्रुपाखें बचय् यायेत छिं थःगु तसकं नुगः क्‍यातुम्‍ह नायःत छ्वयाहयादिल।

अय्‍यूब 16:20

जिगु लागिं धयाबीम्‍ह जिमि पासा दु, तर जिगु मिखां परमेश्‍वरया न्‍ह्यःने ख्‍वबि हाय्‌की,

अय्‍यूब 3:24

छाय्‌धाःसा जिगु निंतिं नयेगु नसाया पलेसा झसुकाः वइगु। जिगु बिलाप लःया धाःथें पिहां वयाच्‍वनीगु।

अय्‍यूब 33:27

अले वं मनूतय्‌थाय् वयाः थथे धाइ, ‘जिं पाप यानागु दु, जिं खःगु खँयात स्‍यंकागु दु, तर परमेश्‍वरं जितः दयेमाःगु सजाँय बियामदी।

अय्‍यूब 40:4

“जि थें ज्‍यालगय् मजूम्‍हय्‌सिनं छितः छु लिसः बीगु? जिं थःगु ल्‍हाः थःगु म्‍हुतुइ तये।

अय्‍यूब 42:6

उकिं जिं थःत क्‍वह्यंकाः स्‍वया, अले धू व नउलय् च्‍वनाः पस्‍ताय् चाये।”

भजनसंग्रहया सफू 106:6

जिमिसं थः पुर्खातय्‌सं याःगु थें हे पाप यानागु दु, जिपिं मभिंपिं व दुष्‍ट जुयागु दु।

भजनसंग्रहया सफू 119:136

जिगु मिखां ख्‍वबिया धाः हाया हे च्‍वनी, छाय्‌धाःसा मनूतय्‌सं छिं स्‍यनातःगु खँयात मानय् याइ मखु।

भजनसंग्रहया सफू 42:3

ख्‍वबि हे जिगु चान्‍हिया नसा जुयाबी धुंकल। मनूतय्‌सं जितः न्‍ह्याबलें थथे धयाः हाय्‌कीगु, “छं परमेश्‍वर गन दु?”

भजनसंग्रहया सफू 6:6

झसुकाः ततं जि त्‍यानुइ धुंकल। चच्‍छिं ख्‍वयाः जिं थःगु लासा प्‍याकाच्‍वना।

भजनसंग्रहया सफू 62:8

हे मनूत! वय्‌कःयात न्‍ह्याबलें विश्‍वास या। थःगु नुगः वय्‌कःयात चाय्‌काः क्‍यँ। छाय्‌धाःसा परमेश्‍वर झीगु शरण कायेगु थाय् खः। सेला

यर्मिया 31:19

जि मखुगु लँय् वने धुंकाः जि पस्‍ताय् चाया। जिं थुइ धुंकाः जिं थःगु नुगःपा दाया। जि मछाले माल। जि क्‍वह्यंका च्‍वनेमाल। छाय्‌धाःसा ल्‍याय्‌म्‍हबलय् जिं पाप यानागु खः।’

यर्मिया 36:9

यहूदाया जुजु योशियाहया काय् यहोयाकीमं राज्‍य यानाच्‍वंगु न्‍यागूगु दँया गुंगूगु लाय् यरूशलेमय् दुपिं सकलें मनूत व यहूदाया शहर शहरं वःपिं सकसिगु निंतिं परमप्रभुया न्‍ह्यःने छगू अपसं च्‍वनेगु ई घोषणा यात।

यर्मिया 9:1

जिगु छ्यं बुँगाःचा व जिगु मिखा ख्‍वबिया मुहान जूगु जूसा, स्‍याःपिं जिमि मनूतय्‌गु निंतिं जि चान्‍हि ख्‍वयाच्‍वनेगु।

विलाप 2:11

ख्‍वख्‍वं ख्‍वबिं हे जिगु मिखा न्‍यलय् धुंकल। जिगु नुगः क्‍वतुन। जिमि मनूत नाश जूगुलिं, जिमि मस्‍त व दुरु त्‍वंपिं मस्‍त शहर शहरय् व गल्‍लि गल्‍लिइ मूर्च्‍छा जूगुलिं जिगु नुगः तसकं ख्‍वःगु दु।

विलाप 3:49

भचा हे मदिसे जिगु मिखां ख्‍वबि हायाच्‍वनी,

विलाप 5:16

जिमिगु छेनं श्रीपेच कुतुं वंगु दु, जिमित धिक्‍कार दु, छाय्‌धाःसा जिमिसं पाप यानागु दु।

इजकिएल 20:4

“छं इमिगु न्‍याय या, इजकिएल! छं इमिगु न्‍याय या! इमित इमि पुर्खातय्‌गु घच्‍चाइपुगु ज्‍या लुमंकाब्‍यु!

होशे 5:1

“अय् पुजाहारीत, थ्‍व खँ न्‍यँ! अय् इस्राएलीत, ध्‍यान बियाः न्‍यँ! अय् जुजुया घराना, ध्‍यान बियाः न्‍यँ! थ्‍व न्‍यायया फैसला छिमिगु विरोधय् दु। छिपिं मिस्‍पाय् जाः व तबोरय् पानातःगु जाः जूगु दु।

योएल 2:12

परमप्रभुं धयादी, “आः नं छिपिं पूरा मन बियाः अपसं च्‍वनाः, ख्‍वयाः व दुखं च्‍वनाः जिथाय् लिहां वा।”

लेवी 16:29

“थ्‍व छिमिगु निंतिं न्‍ह्याबलेंया नियम खः। दँय्‌दसं न्‍हय्‌गूगु लाया झिन्‍हु खुन्‍हु छिमिसं छुं नये मते। अले छुं ज्‍या मयासें च्‍वनेमाः। थथे छिपिंनापं दुपिं पिनेयापिं मनूतय्‌सं नं यायेमाः।

लेवी 26:40

“‘थःम्‍हं व थः पुर्खातय्‌सं याःगु पाप व जिगु विरोधय् याःगु विश्‍वासघात व जि प्रति क्‍यंगु दुश्‍मनी मानय् यात धाःसा,

लूका 15:18

आः मजिल, जि वनाः बाःयात थथे धायेमाल – “बाः, परमेश्‍वरयागु विरोधय् व छिगु विरोधय् जिं पाप याये लात।

यहोशू 18:26

मिस्‍पा, कपीरा, मोशा,

न्‍यायकर्ता 10:10

अले इस्राएलीतय्‌सं थथे धयाः परमप्रभुयात ग्‍वाहालिया निंतिं बिन्‍ति यात, “जिमिसं थः परमेश्‍वरयात त्‍वःताः बालद्यःतय्‌त पुजा यानाः छिगु विरोधय् पाप यानागु दु।”

न्‍यायकर्ता 10:15

तर इस्राएलीतय्‌सं परमप्रभुयात धाल, “जिमिसं पाप यानागु दु। जिमित छिं छु यानादी मास्‍ति वः व हे यानादिसँ। तर जिमिसं छितः बिन्‍ति याये दया यानाः थौं जिमित बचय् यानादिसँ।”

न्‍यायकर्ता 2:4

परमप्रभुया दूतं सकलें इस्राएलीतय्‌त थथे धायेधुंकाः मनूत ह्वाँय्‌ह्वाँय् ख्‍वल।

न्‍यायकर्ता 20:23

अथे जुयाः इस्राएलीत थाहां वनाः परमप्रभुया न्‍ह्यःने सन्‍ध्‍याकाः ई तक ख्‍वल, अले इमिसं परमप्रभुयात न्‍यन, “जिमि दाजुकिजा बेन्‍यामीनीतलिसें जिपिं हाकनं ल्‍वाः वनेगु ला?” परमप्रभुं लिसः बियादिल, “इमित हाकनं हमला या।”

न्‍यायकर्ता 20:26

सकलें इस्राएलीत बेथेलय् लिहां वन, अले ख्‍वयाः अन इपिं उखुन्‍हु सन्‍ध्‍याकाः ईतक परमप्रभुया न्‍ह्यःने अपसं च्‍वन। इमिसं परमप्रभुया न्‍ह्यःने होमबलि व मेलबलि छाल।

न्‍यायकर्ता 3:10

वयाके परमप्रभुयागु आत्‍मा दुबिल, अले व इस्राएलीतय् न्‍यायकर्ता जुयाः लडाइँलय् वन। परमप्रभुं अरामया जुजु कूशन-रिशातैमयात ओत्‍निएलया ल्‍हातय् बियादिल। वं कूशन-रिशातैमयात बुकल।

१ शमूएल 1:15

हन्‍नाहं लिसः बिल, “अथे मखु, जिमि प्रभु! जि तसकं दुःखय् लाःम्‍ह मिसा खः। जिं छुं नं अय्‌ला त्‍वनागु मदु, जिं ला परमप्रभुया न्‍ह्यःने थःगु दुःख जक प्‍वंकागु खः।

१ शमूएल 10:17

अनंलि शमूएलं इस्राएलया मनूतय्‌त मिस्‍पाय् परमप्रभुयाथाय् मुनेत सःतल।

१ शमूएल 12:10

अले इमिसं ग्‍वाहालिया निंतिं तःसलं परमप्रभुयात थथे धाल, जिमिसं पाप यानागु दु छाय्‌धाःसा जिपिं छि परमप्रभुपाखें फहिलाः बाल व अश्‍तोरेत मूर्तितय्‌गु पुजा यानागु खः। तर जिमित जिमि शत्रुतपाखें बचय् यानादिसँ। अले जिमिसं छिगु हे सेवा याये।

१ शमूएल 7:15

थःगु जिवंकाछि हे शमूएल इस्राएलीतय् न्‍यायकर्ता जुल।