१ शमूएल 7:4 - नेवाः बाइबल

⁴ अथे जुयाः इस्राएलीतय्‌सं बाल द्यःत व अश्‍तोरेत द्यःमय्‌जुया थां लिकयाः वांछ्वयाबिल। अले परमप्रभुया जक आराधना यात।

१ शमूएल 7:4 ပူးပေါင်းရင်းမြစ်များ

१ राजा 11:33

जिं थथे याये, छाय्‌धाःसा इमिसं जितः त्‍वःताः सीदोनीतय् अश्‍तोरेत द्यःमय्‌जु, मोआबीतय् द्यः कमोश व अम्‍मोनीतय् द्यः मोलोखयात पुजा यात। इपिं जिगु लँपुइ जूगु मदु, जितः यःगु ज्‍या याःगु मदु, सोलोमनया अबु दाऊदं मानय् याःथें जिगु विधि व नियम इमिसं मानय् याःगु मदु।

१ राजा 11:5

वं सीदोनीतय् अश्‍तोरेत द्यःमय्‌जु व अम्‍मोनीतय् घच्‍चाइपूम्‍ह द्यः मोलोखयात पुजायात।

१ राजा 8:48

अले इमित ज्‍वनाः यंकूपिं इमि शत्रुतय्‌गु देशय् हाकनं छिपाखे लिहां वयाः दुनुगलंनिसें इमि पुर्खातय्‌त छिं बियादीगु देश व छिं ल्‍ययादीगु थ्‍व शहर व छिगु नांया निंतिं जिं दय्‌कागु थ्‍व देगःपाखे स्‍वयाः इमिसं छितः प्रार्थना यात धाःसा

२ राजा 23:15

इस्राएलयात पाप याकूम्‍ह नबातया काय् यारोबामं दय्‌कूगु बेथेलय् दुगु पुजा याइगु थाय् व वेदी नं वं स्‍यंकाबिल। वं व पुजा याइगु थाय्‌यात छ्वयेकाबिल। उकियात चुंचुं यानाबिल। अशेरा द्यःमय्‌जुया थांयात नं छ्वयेकाबिल।

होशे 14:3

अश्‍शूरं जिमित बचय् याये फइ मखु, जिपिं सल गयाः लडाइँ याः वने मखु। जिमिसं हाकनं गुबलें थःगु ल्‍हातं दय्‌कागु मूर्तियात ‘जिमि द्यःत’ धकाः धाये मखु, छाय्‌धाःसा छिपाखें मांबौ मदुपिन्‍त कृपा दइ।”

होशे 14:8

अय् एफ्राइमया मनूत, मूर्तितनापं जिगु छुं हे ज्‍या मदु। जिं छिमिगु प्रार्थनाया लिसः बी अले छिमिगु सुसाःकुसाः याये। जि न्‍ह्याबलें वाउँसे च्‍वनीगु सल्‍लाया सिमा थें खः। जि हे छिमिगु आशिषया मूल खः।”

न्‍यायकर्ता 2:11

अनंलि इस्राएलीतय्‌सं परमप्रभुया मिखाय् मभिंगु ज्‍या यात। इमिसं बालद्यःयात पुजायात।

न्‍यायकर्ता 2:13

इमिसं परमप्रभुया आराधना यायेगु त्‍वःताः बाल द्यःतय्‌त व अश्‍तोरेत द्यःमय्‌जुतय्‌त पुजायात।

१ शमूएल 7:3

अले शमूएलं फुक्‍क इस्राएल जातियात थथे धाल, “छिपिं दुनुगलंनिसें परमप्रभुयाथाय् लिहां वयेगु खःसा, छिकपिनि दथुं मेपिं द्यःत व अश्‍तोरेत द्यःमय्‌जुया थां लिकयाः वांछ्व। अले थःगु फुक्‍क मन व दुनुगलंनिसें परमप्रभुपाखे लिहां वा, अले वय्‌कःया सेवा या। अले तिनि वय्‌कलं छिकपिन्‍त पलिश्‍तीतय्‌गु ल्‍हातं त्‍वःतकादी।”

१ शमूएल 7:5

अले शमूएलं धाल, “फुक्‍क इस्राएलीतय्‌त मिस्‍पाय् मुंकि अले जिं छिकपिनिगु निंतिं परमप्रभुयाके प्रार्थना याये।”