१ शमूएल 7:17 - नेवाः बाइबल

¹⁷ तर व न्‍ह्याबलें रामाय् हे लिहां वइगु खः। छाय्‌धाःसा वयागु छेँ अन हे खः अले अनं नं वं इस्राएलीतय्‌गु न्‍याय याइगु खः। वं अन परमप्रभुया निंतिं छगू वेदी दय्‌कल।

१ शमूएल 7:17 ပူးပေါင်းရင်းမြစ်များ

उत्‍पत्ति 33:20

वं अन छगू वेदी दय्‌कल। अले उकियात एल-एलोह-इस्राएल धकाः नां तल।

उत्‍पत्ति 35:7

वं अन छगू वेदी दय्‌कल। वं व थाय्‌यागु नां एल-बेथेल धकाः तल। छाय्‌धाःसा व थः दाजुलिसे ग्‍यानाः बिस्‍युं वःबलय् परमेश्‍वरं वयात अन हे झायाः नापलानादीगु खः।

यशैया 10:29

इपिं घाटी जुयाः वन, अले थथे धाइ, “झीपिं गेबाय् बाय् च्‍वने।” रामाय् च्‍वंपिं थुरथुर खाइ। अले शाऊलया शहर गिबाय् च्‍वंपिं फुक्‍क मनूत थथःगु छेँय् बिस्‍युं वनी।

न्‍यायकर्ता 4:5

व एफ्राइमया पहाडी देशय् रामा व बेथेलया दथुइ दुगु दबोराया ताय्‌गः सिमा क्‍वय् च्‍वनीगु। इस्राएलीत वयाथाय् न्‍यायया निंतिं वइगु खः।

न्‍यायकर्ता 6:24

उकिं गिदोनं अन परमप्रभुया निंतिं छगू वेदी दय्‌काः उकियात “परमप्रभु शान्‍ति खः” धाल। थौं तक नं व अबीएजेरीया ओर्पाय् द हे दनि।

१ शमूएल 1:1

एफ्राइमया पहाडी देशयागु सूपया लागाया रामतैम शहरय् एल्‍काना नांयाम्‍ह छम्‍ह मनू दु। व यरोहामया काय्, एलीहूया छय्, तोहूया छुइ व सूपीया उइ खः। व एफ्राइम कुलयाम्‍ह खः।

१ शमूएल 1:19

कन्‍हय् खुन्‍हु सुथ न्‍हापां दनाः एल्‍काना व वया परिवार परमप्रभुया आराधना यायेधुंकाः थःगु छेँ रामाय् लिहां वन। अले एल्‍काना व वया कलाः हन्‍नाहया दथुइ लसपस जुल, अले परमप्रभुं हन्‍नाहयात लुमंकादिल।

१ शमूएल 11:15

अथे जुयाः इपिं फुक्‍क गिलगालय् वनाः परमप्रभुया न्‍ह्यःने मेलबलि छाल अले परमप्रभुया न्‍ह्यःने शाऊलयात जुजु घोषणा यात। शाऊल व फुक्‍क इस्राएलीतय्‌सं खुशी जुयाः तःधंगु नखः हन।

१ शमूएल 14:35

अनंलि शाऊलं परमप्रभुया निंतिं थःगु वेदी दय्‌कल। शाऊलं थ्‍व वेदी परमप्रभुया निंतिं दय्‌कूगु दकलय् न्‍हापांगु वेदी खः।

१ शमूएल 15:34

अनं लिपा शमूएल रामाय् वन, तर शाऊल थःगु छेँय् गिबाय् वन।

१ शमूएल 2:11

अले एल्‍काना थःगु छेँ रामाय् लिहां वन। मचाम्‍ह शमूएल धाःसा पुजाहारी एलीं धाःकथं परमप्रभुया सेवा यायेत अन हे च्‍वन।

१ शमूएल 28:3

थुबलय् तक शमूएल सी धुंकूगु खः, अले सकलें इस्राएलीतय्‌सं वयागु निंतिं दुखं च्‍वनाः वया सीम्‍ह वयागु हे शहर रामाय् थुंगु खः। थुबलय् तक शाऊलं तन्‍त्रमन्‍त्र ज्‍या याइपिं फुक्‍कसित इस्राएलं पितिनाछ्वये धुंकूगु खः।

१ शमूएल 8:4

अथे जुयाः इस्राएलया सकलें थकालित मुनाः रामाय् शमूएलयाथाय् वल।

१ शमूएल 9:12

इमिसं धाल, “खः, छेँ हे दु। वय्‌कः छिकपिं स्‍वयाः भच्‍चा जक न्‍ह्यः झाःगु खः। याकनं झासँ वय्‌कः नकतिनि शहरय् दुहां झाःगु खः, छाय्‌धाःसा थौं आराधना याइगु थासय् वनाः मनूतय्‌सं बलि छाः वनीतिनि।