१ शमूएल 7:13 - नेवाः बाइबल

¹³ थुकथं पलिश्‍तीत बुत अले हाकनं छुं ई तक इस्राएलीतनापं लडाइँ याः वये मफुत। शमूएलया जिवंकाछि हे परमप्रभुया ल्‍हाः पलिश्‍तीतय्‌गु विरोधय् लात।

१ शमूएल 7:13 ပူးပေါင်းရင်းမြစ်များ

२ शमूएल 8:1

जुजु दाऊदं पलिश्‍तीतय्‌त हमला यानाः त्‍याकुबलय् वं मेथेग-आमाहय् अधिकार यात।

न्‍यायकर्ता 13:1

हाकनं इस्राएलीतय्‌सं परमप्रभुया मिखाय् मभिंगु ज्‍या यात। अथे जुयाः वय्‌कलं इमित पिइदँतकया लागि पलिश्‍तीतय्‌गु ल्‍हातय् बियादिल।

न्‍यायकर्ता 13:5

छाय्‌धाःसा छं प्‍वाथय् दयाः छम्‍ह काय् बुइकी। वयागु सँ गुबलें चाये मते, छाय्‌धाःसा व मचा बूखुन्‍हुंनिसें हे परमेश्‍वरया निंतिं अलग तःम्‍ह नाजिरी जुइ। वं हे इस्राएलयात पलिश्‍तीतय्‌गु ल्‍हातं त्‍वःतकेगु ज्‍या शुरु याइ।”

न्‍यायकर्ता 8:28

थुकथं इस्राएलीतय्‌गु ल्‍हातं मिद्यानीत बुत, इमिसं हाकनं छ्यं ल्‍ह्वने मफुत। गिदोन म्‍वानाच्‍वंतले पिइदँ तक देशय् शान्‍ति जुयाच्‍वन।

१ शमूएल 12:11

अले परमप्रभुं यरूब-बाल, बाराक, यिप्‍ता व जि शमूएलयात छिमि प्‍यखेरं च्‍वंपिं शत्रुतपाखें छिमित छुत्‍कारा बीत छ्वयाहयादिल। अनंलि छिपिं याउँक च्‍वन।

१ शमूएल 5:9

तर सनू अन थ्‍यनेवं हे परमप्रभुं थःगु ल्‍हाः अन शहरय् च्‍वंपिं मनूतय्‌गु विरोधय् ल्‍ह्वनादिल अले व शहरय् च्‍वंपिं मनूत तसकं ग्‍यात। अन च्‍वंपिं ल्‍याय्‌म्‍हपिं व बुरापिं सकसितं वय्‌कलं ला ग्‍वारा दयावइगु ल्‍वचं कयेकाः दण्‍ड बियादिल।