१ शमूएल 7:12 - नेवाः बाइबल

¹² अले शमूएलं मिस्‍पा व शेनया दथुइ लुमन्‍तिकथं छग्‍वः ल्‍वहं धस्‍वाकाः थथे धाल, “परमप्रभुं झीत थन तक ग्‍वाहालि यानादिल।” अथे जुयाः व थाय्‌या नां एबेन-एजेर धकाः तल।

१ शमूएल 7:12 ပူးပေါင်းရင်းမြစ်များ

उत्‍पत्ति 22:14

अब्राहामं व थाय्‌या नां “परमप्रभुं बियादी” तल। थौं तक नं मनूतय्‌सं “परमप्रभुं पर्वतय् बियादी” धकाः धायेगु याः।

उत्‍पत्ति 35:14

याकूबं अन ल्‍वहं छगः धंकाः उकी दाखमद्य व चिकं लुनाबिल।

भजनसंग्रहया सफू 71:17

हे परमेश्‍वर, छिं जितः मचांनिसें स्‍यनादीगु दु। अले जिं आः तकं छिं यानादीगु अजू चायापुगु ज्‍या मेपिन्‍त कनावयाच्‍वनागु दु।

भजनसंग्रहया सफू 71:6

बूसांनिसें हे जि छिगु भरोसाय् दु। मांया प्‍वाथंनिसें हे छिं जितः बिचाः यानाच्‍वनादीगु दु। उकिं जिं सदां छिगु प्रशंसा याये।

प्रस्‍थान 17:15

मोशां अन छगू वेदी दय्‌काः उकिया नां “परमप्रभु जिगु ध्‍वाँय्” धकाः तल।

यशैया 19:19

व दिंखुन्‍हु मिश्र देशया दथुइ परमप्रभुया निंतिं छगू वेदी दइ अले वयागु सिमानाय् परमप्रभुया निंतिं छगू ल्‍वहंया थां तइ।

प्रेरित 26:22

अय्‌नं थौं तक परमेश्‍वरं जितः ग्‍वाहालि यानादीगु हे दु। अय्‌जूगुलिं जिं थन दनाः चिधंपिं, तःधंपिं, सकसितं साक्षी बियाच्‍वनागु दु। अगमवक्तां व मोशां जुइतिनि धकाः धाःगु खँ जक जिं कनाच्‍वनागु खः, मेगु छुं नं मधया।

२ कोरिन्‍थी 1:10

अथे सी हे धुंकूपिं जिमित परमेश्‍वरं बचय् यानादिल, थथे हे लिपा तक नं बचय् यानातयादी। वय्‌कलं हानं हानं जिमित बचय् यानातयादी धकाः वय्‌कःयाके जिमिसं आशा तयाच्‍वना।

यहोशू 4:9

यर्दनया दथुइ बाचा चिनादीगु सनू क्‍वबियाच्‍वंपिं पुजाहारीत दनाच्‍वंगु थासय् यहोशूं नं झिंनिगः ल्‍वहं थन, उपिं आः तक नं अन हे दनी।

१ शमूएल 14:35

अनंलि शाऊलं परमप्रभुया निंतिं थःगु वेदी दय्‌कल। शाऊलं थ्‍व वेदी परमप्रभुया निंतिं दय्‌कूगु दकलय् न्‍हापांगु वेदी खः।

१ शमूएल 4:1

अनंलि शमूएलया वचन सकल इस्राएलीतय्‌गु निंतिं वल। इस्राएलीत पलिश्‍तीतय्‌नापं लडाइँ यायेत न्‍ह्यज्‍यात। अले इस्राएलीतय्‌सं एबेन-एजेरय् व पलिश्‍तीतय्‌सं धाःसा अपेकय् थथःगु पाल ग्‍वल।

१ शमूएल 5:1

पलिश्‍तीतय्‌सं परमेश्‍वरया बाचाया सनू लाकायंकाः एबेन-एजेरं अश्‍दोद शहरय् यंकल।

१ शमूएल 7:11

इस्राएलीतय्‌सं मिस्‍पांनिसें पलिश्‍तीतय्‌त लिना यंकाः लँय् स्‍यास्‍यां बेथ-कर तक हे वन।