१ शमूएल 6:7 - नेवाः बाइबल

⁷ “आः गुबलें ज्‍वतय् मयाःम्‍ह दुरु ब्‍यूम्‍ह निम्‍ह सा अले छगू न्‍हूगु रथ तयार या। अले व सातय्‌त रथय् चिनाब्‍यु इमि साचात धाःसा गलय् हे लित यंकि।

१ शमूएल 6:7 ပူးပေါင်းရင်းမြစ်များ

२ शमूएल 6:3

इमिसं परमेश्‍वरया सनू छगू न्‍हूगु गाडाय् तयाः डाँडाय् च्‍वंगु अबीनादाबया छेँनं हल। अले अबीनादाबया काय्‌पिं उज्‍जाह व अहियों गाडा न्‍ह्याकाः यंकल।

१ इतिहास 13:7

मनूतय्‌सं अबीनादाबया छेँय् वनाः परमेश्‍वरया बाचाया सनू पितहल। इमिसं उकियात छगः न्‍हूगु गाडाय् तल। उज्‍जाह व अहियोनं उगु गाडा न्‍ह्याकल।

गन्‍ती 19:2

“परमप्रभुं बियादीगु व्‍यवस्‍थाया छगू नियम थ्‍व हे खः। ककुइ जुवा मलानिम्‍ह, खू मदुम्‍ह ह्याउँम्‍ह साचा छन्‍थाय् हजि धकाः इस्राएलीतय्‌त धा।

व्‍यवस्‍था 21:3

अनंलि उगु सीम्‍हया दकलय् सतिक लाःगु शहरया थकालितय्‌सं गुबलें ज्‍याय् मछ्यःम्‍ह व ककुइ जुवा मलानिम्‍ह छम्‍ह साचा हयाः

व्‍यवस्‍था 21:4

वयात इमिसं क्‍वय् आः तक मपाःगु व छुं नं मप्‍यूगु खुसि दुगु ब्‍यासिइ यंकेमाः। अले व हे ब्‍यासिइ साचायागु ककु त्‍वाथुला बीमाः।