१ शमूएल 5:8 - नेवाः बाइबल

⁸ इमिसं थ्‍व सनूयात छु यायेमाली धकाः न्‍यनेत पलिश्‍तीतय् फुक्‍क शासकतय्‌त सःताहल, अले इमिके न्‍यन, “थ्‍व इस्राएलया परमेश्‍वरया सनूयात जिमिसं छु यायेगु?” अले इमिसं लिसः बिल, “इस्राएलया परमेश्‍वरया सनूयात गातय् तयेयंकि।” अथे जुयाः इमिसं इस्राएलया परमेश्‍वरया सनूयात अन तये यंकल।

१ शमूएल 5:8 ပူးပေါင်းရင်းမြစ်များ

१ इतिहास 7:21

तहतया काय् जाबाद खः। जाबादया काय् शूतेहल खः। एफ्राइमया मेपिं काय्‌पिं – एसेर व एलादयात गादयापिं मनूतय्‌सं इमि सा द्वहं खुयाकायेत वंबलय् स्‍यानाबिल।

आमोस 6:2

कल्‍नेह शहरय् वनाः स्‍व। अनं तःधंगु शहर हमातय् हुँ। अले अनं पलिश्‍तीतय्‌गु गात शहरय् हुँ। छु उपिं राज्‍यत स्‍वयाः छिपिं भिंपिं खः ला? छु इमिगु इलाका छिमिगु स्‍वयाः तःधं ला?

जकरिया 12:3

उखुन्‍हु हे पृथ्‍वीया फुक्‍क जातित यरूशलेमलिसे ल्‍वायेत मुनी। सकल मनूतय्‌त ल्‍ह्वनेत जिं यरूशलेमयात छगः ल्‍वहं दय्‌काबी। सुनां थुकियात ल्‍ह्वनी वं थःत घाःपा याइ।

यहोशू 13:3

मिश्रया पुर्बयागु शिहोर खुसिंनिसें उत्तरपाखे एक्रोनयागु इलाका तक, थुपिं फुक्‍कयात कनानीतय्‌गु इलाका धकाः धाइ। थुकी पलिश्‍तीतय् न्‍याम्‍ह जुजुपिनिगु इलाका– गाजा, अश्‍दोद, अश्‍कलोन, गात व एक्रोन नं दुथ्‍या। अले दच्‍छिनय् अव्‍वीतय्‌गु इलाका।

यहोशू 15:11

हानं व सिमाना एक्रोनया उत्तर जुयाः शिक्‍करोन वल। अनं बाला पहाड जुयाः यब्‍नेलपाखे चाःहिलाः समुद्रया सिथय् क्‍वचाल।

१ शमूएल 17:4

पलिश्‍तीतय्‌गु पालया दथुं गातय् च्‍वनीम्‍ह गोल्‍यत नांयाम्‍ह छम्‍ह दकलय् वीरम्‍ह सिपाइँ इस्राएलीतनापं ल्‍वायेत वल। व स्‍वंगू मिटर ति तःधिकःम्‍ह खः।

१ शमूएल 17:52

अनंलि इस्राएल व यहूदाया मनूत तःसलं हा हां इमिगु ल्‍यूल्‍यू वन अले इमित गात व एक्रोनया मू ध्‍वाखाय् तक हे लिनायंकल। शारैमपाखें गात व एक्रोन वनेगु लँय् उखेंथुखें इमिगु सीम्‍ह जक जुल।

१ शमूएल 29:6

अनंलि आकीशं दाऊदयात सःतके छ्वत अले धाल, “धात्‍थें परमप्रभु म्‍वाःम्‍ह खः थें, छ तसकं पक्‍काम्‍ह मनू खः, अले जिगु सेनाय् छं याःगु ज्‍या खनाः जि तसकं लय्‌ताः। छ जिथाय् वसांनिसें जिं छंके छुं दोष लुइकागु मदु तर मेपिं शासकतय्‌सं छन्‍त पत्‍याः मयाः।

१ शमूएल 5:11

अथे जुयाः हाकनं इमिसं पलिश्‍तीतय् फुक्‍क शासकतय्‌त सःताहल, अले इमित धाल, “परमेश्‍वरया बाचाया सनू जिमि थासं छ्वयादिसँ। थ्‍व सनूयात तइगु थासय् हे लित छ्वयादिसँ। मखुसा थुकिं यानाः झीपिं सकलें सी माली।” मृत्‍युया कारण फुक्‍क शहरय् भयया ल्‍वचं जाल। छाय्‌धाःसा परमप्रभुया ल्‍हाः इमिगु विरोधय् ल्‍ह्वनादीगु खः।

१ शमूएल 5:7

थःपिन्‍त छु जुयाच्‍वंगु खः व खनाः अश्‍दोदया मनूतय्‌सं धाल, “इस्राएलया परमेश्‍वरं झीत व झीम्‍ह द्यः दागोनयात दण्‍ड बियाच्‍वंगु दु। अथे जुयाः थ्‍व परमेश्‍वरया बाचाया सनू आः यक्‍व ई तक झीनापं थन तयातये मज्‍यू।”

१ शमूएल 6:2

अले पलिश्‍तीतय्‌सं पुजाहारीत व ज्‍योतिषीतय्‌त सःताः इमिके न्‍यन, “परमप्रभुया बाचाया सनूयात आः छु यायेगु? जिमित धयादिसँ, थ्‍वयात तयातःगु हे थासय् जिमिसं गथे यानाः छ्वयेगु?”