१ शमूएल 5:4 - नेवाः बाइबल

⁴ तर कन्‍हय् खुन्‍हु सुथय् इपिं दनावःबलय् हाकनं व मूर्ति परमप्रभुया सनूया न्‍ह्यःने भ्‍वसुलाच्‍वंगु खन। अले वया छ्यं व निपा ल्‍हाः नं छुतय् जुयाः लुखा क्‍वय् लाःवनाच्‍वन। वयागु म्‍ह धाःसा तमज्‍याः।

१ शमूएल 5:4 ပူးပေါင်းရင်းမြစ်များ

यशैया 27:9

थुकिं याकूबया अर्धम्‍हयात पुइकायंकी, वय्‌कलं इमिगु पाप चिकाः छ्‌इबलय् थ्‍व लिच्‍वः जुइ– इमिसं वेदीया फुक्‍क ल्‍वहंत भ्‍वसाभ्‍वसा वंगु तुयुगु ल्‍वहं थें चुंचुं याइबलय् अशेरा द्यःमय्‌जुया थां व धुपाँय् च्‍याकीगु वेदीत हाकनं थनी मखु।

यशैया 40:20

लुँ व वहःया मूर्ति दय्‌के मफुपिं मनूतय्‌सं ध्‍वग्‍गिना मवनीगु सिँ ल्‍यइ, क्‍वदली मखुपिं मूर्ति दय्‌केत वं छम्‍ह तसकं ज्‍या सःम्‍ह शिल्‍पकारयात ल्‍यइ।

यर्मिया 10:11

“छं इमित थथे धा, ‘थुपिं द्यःतय्‌सं आकाश व पृथ्‍वी दय्‌कूगु मखु। थुपिं द्यःत पृथ्‍वीं व आकाशया क्‍वय्‌नं नाश जुयावनी।’”

यर्मिया 10:14

मनूत मूर्ख व ज्ञान मदुपिं खः, मूर्ति दय्‌कीपिं इमिसं दय्‌कूगु मूर्तिपाखें मछालेमाली। छाय्‌धाःसा इमिसं दय्‌कूगु मूर्तित छगू ध्‍वखा खः अले इमिके सासः द हे मदु।

यर्मिया 10:15

उपिं ज्‍यालगय् मजूगु व न्‍हीकीगु खँ खः। उमिगु न्‍याय जुइबलय् उपिं नाश जुइ।

यर्मिया 50:2

“जाति जातियात कँ, अले झण्‍डा ल्‍ह्वनाः न्‍यंकि, छुं खँ नं सुचुके मते, तर थथे धा, ‘बेबिलोनयात कब्‍जा याइ, वया द्यः बेल लज्‍याय् लाइ, वया द्यः मरोदकयात नाश याइ। वयागु शालिकतय्‌त बेइज्‍जत याइ, वयागु मूर्तित आतंकं जाइ।’

दानिएल 11:8

वं इमि नँयागु द्यःया मूर्तित, लुँ व वहःयागु थीके-थीकेगु थलबल लाकाकयाः मिश्रय् यंकी। छुं दँ तक वं उत्तरयाम्‍ह जुजुयात हमला याइ मखु।

मीका 1:7

वयागु फुक्‍क मूर्तितय्‌त कुचा कुचा याइ। वयागु दक्‍व देगःया क्‍वस्‍यालित मिइ छ्वय्‌काछ्वइ। अले वयागु फुक्‍क मूर्तित जिं नाश यानाबी। उपिं क्‍वस्‍यालित वेश्‍याया ज्‍या यानाः वं मुंकूगु खः, अले उपिं वेश्‍याया ज्‍याला थें हाकनं छ्यली।”

१ शमूएल 6:5

छिकपिनिगु ला ग्‍वारा व देशयात स्‍यंकाच्‍वंपिं छुँया नमूना दय्‌कादिसँ। अले इस्राएलया परमेश्‍वरया महिमा यानादिसँ। सके वय्‌कलं छिकपिनिपाखें, छिकपिनि द्यःतय्‌पाखें व छिकपिनि देशपाखें थःगु ल्‍हाः लित कयादी।