१ शमूएल 4:8 - नेवाः बाइबल

⁸ आः झीगु भिं जुइ मखुत! सुनां झीत उपिं दकलय् तःधंपिं द्यःतपाखें बचय् याइ? मिश्रीतय्‌त थीथी कथंया महामारी हयाः मरुभूमिइ नाश याःपिं थुपिं हे द्यःत खः।

१ शमूएल 4:8 ပူးပေါင်းရင်းမြစ်များ

प्रस्‍थान 15:14

थ्‍व खँ न्‍यनाः जातित थुरथुर खात। पलिश्‍तीत देशय् च्‍वंपिनिगु नुगः हीसे च्‍वन।

प्रस्‍थान 7:5

जिं मिश्र देशय् ल्‍हाः तयाः इस्राएलीतय्‌त अनं पित हयेबलय् मिश्रीतय्‌सं जि परमप्रभु खः धकाः सीका काइ।”

प्रस्‍थान 9:14

मखुसा थ्‍वपालय् जिं छन्‍थाय्, छिमि भारदारतय्‌थाय् व छिमि प्रजायाथाय् तसकं तःधंगु महामारी छ्वयाहये। अले छं थ्‍व पृथ्‍वी न्‍यंक जि थें ज्‍याःम्‍ह मेम्‍ह सुं हे मदु धकाः सी।

प्रकाश 11:6

इमिके अगमवाणी कनाच्‍वंगु इलय् वा मवय्‌मा धकाः आकाश हे तिनाबीगु शक्ति दु, हानं लःयात हि यानाबीगु शक्ति नं दु। इमित यःबलय् पृथ्‍वीइ न्‍ह्याथें ज्‍याःगु ल्‍वय् हयेगु अधिकार नं इमिके दु।

१ शमूएल 4:7

पलिश्‍तीत तसकं ग्‍यानाः थथे धाल, “इमिगु छाउनिइ द्यः दुहां वःगु दु! आः झीत बांलाइ मखुत! थथे जूगु ला न्‍हापा गुबलें नं मखंनि।

१ शमूएल 4:9

हे पलिश्‍तीत, बल्‍ला व साहसी जु! तसकं बल्‍लाःपिं मनूतय्‌सं थें ज्‍या या, मखुसा गथे झीसं हिब्रूतय्‌त दास दासी यानागु खः अथे हे झीपिं हिब्रूतय्‌गु दास दासी जुइमाली। तसकं बल्‍लाःपिं मनूतय्‌सं थें लडाइँ या!”

१ शमूएल 5:7

थःपिन्‍त छु जुयाच्‍वंगु खः व खनाः अश्‍दोदया मनूतय्‌सं धाल, “इस्राएलया परमेश्‍वरं झीत व झीम्‍ह द्यः दागोनयात दण्‍ड बियाच्‍वंगु दु। अथे जुयाः थ्‍व परमेश्‍वरया बाचाया सनू आः यक्‍व ई तक झीनापं थन तयातये मज्‍यू।”