१ शमूएल 4:5 - नेवाः बाइबल

⁵ बाचाया सनू छाउनिइ थ्‍यनेवं फुक्‍क इस्राएलीत ततःसलं हालहल। गुकिं यानाः पृथ्‍वी हे लिगिलिगि सन।

१ शमूएल 4:5 ပူးပေါင်းရင်းမြစ်များ

२ शमूएल 15:24

सादोक पुजाहारी नं फुक्‍क लेवीतनापं अन हे दु। इमिसं परमेश्‍वरया बाचाया सनू क्‍वबिया यंकाच्‍वंगु खः। इमिसं सनू बँय् तुं तया तल उकियात क्‍वमब्‍यु, फुक्‍क मनूत शहरं पिहां मवंतले अबियाथारं बलिदान छाल।

१ राजा 1:40

अले फुक्‍क मनूत वया ल्‍यूल्‍यू बाँसुरी पुपुं, लय्‌लय्‌तातां च्‍वय् थाहां वन, इमिगु हाःसलं जमिन हे थर्कय् जुल।

अय्‍यूब 20:5

दुष्‍टत छुं दिंया निंतिं जक त्‍याइ, परमेश्‍वरयात मानय् मयाइपिं मनूतय्‌गु लसता पलखया निंतिं जक खः।

यर्मिया 7:4

मखुगु खँय् भलसा कयाः थथे धाये मते “थ्‍व हे परमप्रभुया देगः खः, परमप्रभुया देगः खः, परमप्रभुया देगः खः!”

आमोस 6:3

छिमिसं वयाच्‍वंगु विपत्तियात चीकाछ्वइ, तर आतंकया ईयात न्‍ह्यःने हइ।

मीका 2:11

सुं मखुगु खँ ल्‍हाइम्‍ह व ध्‍वंलाइम्‍ह मनुखं ‘जिं छंगु लागि यक्‍व दाखमद्य व अय्‌लाःया लागि अगमवाणी याये’ धकाः धाल धाःसा अज्‍याःम्‍ह अगमवक्तायात हे थुपिं मनूतय्‌सं यय्‌की।

यहोशू 6:20

पुजाहारीतय्‌सं फैया नेकूया तुरही पुल। उकिया सः न्‍यनेवं मनूत तस्‍सलं हाल। अबलय् हे शहरया पःखाः क्‍वय् थ्‍यंक हे दुन। उकिं फुक्‍क मनूत तप्‍यंक न्‍हज्‍यात अले शहरय् दुहां वनाः उकियात त्‍याका काल।

यहोशू 6:5

ताःई तक फैया नेकूया तुरही पुयाच्‍वंगु छिमिसं ताइबलय् फुक्‍क मनूत तस्‍सलं हालेमाः, अले शहरया पखाः क्‍वय् थ्‍यंक दुनी। अले फुक्‍क मनूत थथःगु न्‍ह्यःने तप्‍यंक न्‍ह्यज्‍यानावनेमाः।”

न्‍यायकर्ता 15:14

शिमशोन लहीइ थ्‍यंबलय् हे पलिश्‍तीत ततःसलं हालाः वपाखे ब्‍वाँय् वल। उघ्रिमय् हे परमप्रभुयागु आत्‍मां वयात बल बिल। वयागु ल्‍हातय् दुगु खिपः मिं च्‍याःगु अजिल स्‍वां थें जुल। वयात चिनातःगु खिपः चबुत।

१ शमूएल 4:6

पलिश्‍तीतय्‌सं नं व सः ताल अले इमिसं धाल, “हिब्रूतय्‌गु छाउनीइ थथे ततःसलं छाय् हाला हःगु?” अले इमिसं परमप्रभुया बाचाया सनू हिब्रूतय्‌गु पालय् थ्‍यंके हल धकाः सीकल।