१ शमूएल 4:4 - नेवाः बाइबल

⁴ अथे जुयाः इमिसं शीलोय् मनूत छ्वल अले करूबतय् दथुइ च्‍वनादीम्‍ह दक्‍व शक्ति दुम्‍ह परमप्रभुया बाचाया सनू हल। एलीया निम्‍ह काय्‌पिं होप्‍नी व पीनहास नं व सनू नापं हे वल।

१ शमूएल 4:4 ပူးပေါင်းရင်းမြစ်များ

२ शमूएल 15:24

सादोक पुजाहारी नं फुक्‍क लेवीतनापं अन हे दु। इमिसं परमेश्‍वरया बाचाया सनू क्‍वबिया यंकाच्‍वंगु खः। इमिसं सनू बँय् तुं तया तल उकियात क्‍वमब्‍यु, फुक्‍क मनूत शहरं पिहां मवंतले अबियाथारं बलिदान छाल।

२ शमूएल 6:2

अले दाऊद उपिं मनूतनापं परमेश्‍वरया सनू हयेत यहूदाया बालां वन। व सनू करूबतय् दथुइ च्‍वनादीम्‍ह दक्‍व शक्ति दुम्‍ह परमप्रभुयागु खः।

२ राजा 19:15

हिजकियां परमप्रभुयात थथे प्रार्थना यात, “हे परमप्रभु, इस्राएलया परमेश्‍वर, करूबतय् दथुइ सिंहासनय् च्‍वनादीम्‍ह, छि हे जक संसारया फुक्‍क राज्‍ययाम्‍ह परमेश्‍वर खः। छिं स्‍वर्ग व पृथ्‍वी दय्‌कादिल।

भजनसंग्रहया सफू 80:1

हे इस्राएलया फैजवाः, जिमिगु खँ न्‍यनादिसँ। छिं हे योसेफया सन्‍तानयात फैबथांयात थें ज्‍वयादीगु खः। पपू दुपिं करूबतय् दथुइ च्‍वनादीम्‍ह हे परमेश्‍वर, मनूतय्‌त थःगु जः क्‍यनादिसँ।

भजनसंग्रहया सफू 80:2

एफ्राइम, बेन्‍यामीन व मनश्‍शे कुलयापिन्‍त थःगु शक्ति क्‍यनाः जिमित बचय् यानादिसँ।

भजनसंग्रहया सफू 99:1

परमप्रभु जुजु खः, मनूत ग्‍यायेमा। वय्‌कः करूबतय् दथुइ च्‍वनादीगु दु। पृथ्‍वी लिगिलिगि सनेमा।

यशैया 37:16

“हे दक्‍व शक्ति दुम्‍ह परमप्रभु, इस्राएलया परमेश्‍वर, करूबतय् दथुइ सिंहासनय् च्‍वनादीम्‍ह, छि हे जक संसारया फुक्‍क राज्‍ययाम्‍ह परमेश्‍वर खः। छिं स्‍वर्ग व पृथ्‍वी दय्‌कादिल।

मलाकी 1:9

“हे पुजाहारीत, जिमित दया यानादिसँ धकाः परमेश्‍वरयात बिन्‍ति या! छिमिगु ल्‍हातं थज्‍याःगु बलि छानाः छु वय्‌कलं छिमित नाला कयादी ला?” दक्‍व शक्ति दुम्‍ह परमप्रभुं धयादी।

गन्‍ती 4:15

“हारून व वया काय्‌पिन्‍सं पवित्र पालयागु फुक्‍क पवित्र ज्‍वलंत त्‍वपुइ धुंकाः छाउनी न्‍ह्याइबलय् जक कहातीत फुक्‍क ज्‍वलं क्‍वबीत पालया दुने दुहां वये दइ। कहातीतय्‌सं तसकं पवित्रगु ज्‍वलं थीमज्‍यू, मखुसा इपिं सी। पवित्र पालया फुक्‍क ज्‍वलं कहातीतय्‌सं क्‍वबीमाः।

गन्‍ती 4:5

छाउनी मेथाय् न्‍ह्याइबलय् हारून व वया काय्‌पिन्‍सं महा-पवित्रगु थासय् दुहां वनाः बाचा चिनातःगु सनूया न्‍ह्यःने पर्दा क्‍वकयाः उकिं सनूयात त्‍वपुयाबीमाः।

गन्‍ती 7:89

मोशा परमप्रभुलिसें खँ ल्‍हायेत महा-पवित्र थासय् वंबलय् बाचाया सनू द्यःने दुगु प्रायश्‍चितया कृपा-आसन च्‍वय्‌या निम्‍ह करूबतय् दथुं वं थःनापं नवानाच्‍वंगु सः ताल। अले परमप्रभुं व नापं खँ ल्‍हानादिल।

१ शमूएल 1:24

अनंलि वया काय्‌नं दुरु त्‍वनेगु त्‍वःतल, थःकाय्‌यात चिधिकःसां शीलोय्‌ पमरप्रभुया नापलायेगु पालय् यंकल। अले थःनापं स्‍वदँ दुम्‍ह द्वहं, छगू एपा छुचुं, छगू छेंगूया म्‍हिचाय् दाखमद्य नं यंकल।

१ शमूएल 14:3

उपिं मध्‍ये ईकाबोदया किजा अहीतूबया काय् अहियाह पुजाहारीया भिंगु सूती कापःया वसः फिनातःम्‍ह खः। अहीतूब पीनहासया काय् अले शीलोय् च्‍वंम्‍ह परमप्रभुया पुजाहारी एलीया छय् खः। अले जोनाथन वंगु मनूतय्‌सं मसिल।

१ शमूएल 2:22

आः ला एली तसकं बुरा जुइ धुंकल। थः काय्‌पिन्‍सं इस्राएलीतय्‌त याःगु व्‍यवहारया बारे व परमप्रभुया नापलायेगु पालया ध्‍वाखाय् सेवा याइपिं मिसात नापं द्यनिगु खँ तक नं एलीं सिल।