१ शमूएल 4:3 - नेवाः बाइबल

³ लडाइँलय् बचय्‌जूपिं सिपाइँत लिहांवये धुंकाः इस्राएलया थकालितय्‌त धाल, “थौं झीत परमप्रभुं छाय् पलिश्‍तीतय्‌पाखें बुकादीगु? वय्‌कः झीपिं नापं हे झायादीमा अले झी शत्रुतय्‌गु ल्‍हातं झीत बचय् यानादीमा धकाः परमप्रभुया बाचाया सनू शीलोपाखें हयेनु।”

१ शमूएल 4:3 ပူးပေါင်းရင်းမြစ်များ

२ शमूएल 15:25

अनंलि जुजुं सादोकयात धाल, “परमेश्‍वरया बाचाया सनू शहर दुने तुं लित यंकि। परमप्रभुं जितः दया यानादीसा वय्‌कलं जितः लित ब्‍वनाहयादी अले जिं वय्‌कःया बाचाया सनू व नापलायेगु पालयात हाकनं स्‍वये दइ।

१ इतिहास 17:1

थःगु लाय्‌कुलिइ च्‍वनेधुंकाः छन्‍हु दाऊदं नातान अगमवक्तायात धाल, “थन जि देवदारु सिँ दय्‌कूगु लाय्‌कुलिइ च्‍वनाच्‍वनागु दु, तर परमप्रभुया बाचाया सनू धाःसा पालय् दु।”

भजनसंग्रहया सफू 74:1

हे परमेश्‍वर, छिं छाय् थथे जिमित सदांया निंतिं मयय्‌कादीयागु? छि थथे छाय् छिकपिनि मनू, छिकपिनि फैतय्‌गु बथांलिसे तंम्‍वयादीगु?

भजनसंग्रहया सफू 74:11

छाय् छिं थःगु बल्‍लाःगु जव ल्‍हाः प्‍वः चिनाच्‍वनादियागु? थःगु ल्‍हाः फ्‍यनाः इमित नाश यानादिसँ।

यशैया 50:1

परमप्रभुं थथे धयादी, “जिं छिमि मांयात पारपाचुकेगु पौ बियाः तापाक मछ्वया! अले जिं छन्‍त गुम्‍हं साहुया ल्‍हातय् ममिया! तर स्‍व, छिमिगु हे पापं यानाः छिपिं मियाछ्वःगु खः, अले छिमिगु हे मभिंगु ज्‍याया कारणं छिमि मांयात तापाक छ्वःगु खः।

यशैया 58:3

इमिसं धाइ, ‘जिपिं अपसं च्‍वनागु छाय् छिं मखंगु? जिपिं क्‍वमिलु जुयागु खँय् छिं छाय् वास्‍ता यानामदियागु?’ “छाय्‌धाःसा छिपिं अपसं च्‍वंगु दिंखुन्‍हु छिमिसं थःगु जक इच्‍छा पूवंकी, अले छिमि ज्‍याकःमि फुक्‍कसित क्‍वत्‍यलेगु याइ।

यशैया 59:1

धात्‍थें हे परमप्रभुया ल्‍हाः बचय् याये मफय्‌क चिहाकः जूगु मदु, अले वय्‌कःया न्‍हाय्‌पं नं तायेमदय्‌क ख्‍वातुसे च्‍वंगु मदु।

यशैया 59:2

तर छिमिगु अधर्मं यानाः छिपिं थः परमेश्‍वरपाखें अलग जूगु दु अले छिमिगु पापं यानाः वय्‌कःया ख्‍वाः छिमिगुपाखें त्‍वःपुया तःगु दु अले वय्‌कलं छिमिगु खँ न्‍यनादी मखु।

यर्मिया 3:16

“छिपिं थ्‍व देशय् यक्‍व दयाः न्‍यनावनीबलय् छिमिसं हाकनं गुबलें परमेश्‍वरया बाचाया सनू धकाः धाइ मखु,” परमप्रभुं धयादी। “छिमिगु नुगलय् उकिया बिचाः वइ मखु, व लुमनी तक नं मखु, अले सनूयात हाकनं दय्‌के माली मखु।

यर्मिया 7:4

मखुगु खँय् भलसा कयाः थथे धाये मते “थ्‍व हे परमप्रभुया देगः खः, परमप्रभुया देगः खः, परमप्रभुया देगः खः!”

गन्‍ती 10:33

परमप्रभुया पर्वत, सीनै त्‍वःताः इपिं स्‍वन्‍हु तक न्‍ह्याः वन। इमिगु निंतिं बाय् च्‍वनेगु थाय् मालेत परमप्रभुया बाचाया सनू थुपिं स्‍वन्‍हु तक हे इमिगु न्‍ह्यः न्‍ह्यः वन।

गन्‍ती 10:35

बाचाया सनू न्‍ह्याकीगु इलय् मोशां न्‍ह्याबलें थथे धाइगु, “हे परमप्रभु, दनादिसँ! छिकपिनि शत्रुत छ्यालब्‍याल जुइमा! छितः घृणा याइपिं छिगु न्‍ह्यःनं बिस्‍युं वनेमा!”

गन्‍ती 31:6

मोशां छगू छगू कुलं द्वःछिम्‍ह द्वःछिम्‍ह मनूतय्‌त लडाइँलय् छ्वत। एलाजार पुजाहारीया काय् पीनहास इमि नायः जुल। मोशां पीनहासयात पवित्र लागाया सामान व लडाइँ घोषणा याइगु तुरहीतय्‌गु जिम्‍मा बिल।

व्‍यवस्‍था 29:24

फुक्‍क जातितय्‌सं धाइ, “परमप्रभुं थ्‍व देशयात थथे छाय् यानादीगु? थ्‍व मि थें जाःगु तं छाय्?”

व्‍यवस्‍था 31:26

“व्‍यवस्‍थाया थ्‍व सफू परमप्रभु छिमि परमेश्‍वरयागु बाचाया सनूया लिक्‍क ति। अले व छिमिगु विरोधय् साक्षीकथं अन दयेमाः।

२ तिमोथी 3:5

पिनें परमेश्‍वरयात मानय् यानाजुइपिं, दुनुगलं धाःसा वय्‌कःयागु शक्तियात मानय् मयाइपिं जुइ। थुपिंलिसे जुइ मते।

हिब्रू 9:4

थन लुँयागु गुँगू थनेगु वेदी व लुं भुनातःगु बाचा चिनादीगु सनू दु। व सनू दुने लुँयागु थलय् मन्‍न तयातःगु दु, अले चुलि ह्वयाच्‍वंगु हारूनयागु तुतां छपु, व व्‍यवस्‍था च्‍वयातःगु ल्‍वहं पौ निपाः तयातःगु दु।

यहोशू 4:7

इमित थथे धा, ‘परमप्रभुया बाचा चिनादीगु सनू खुसि छ्यूबलय् उकिया न्‍ह्यःने यर्दनय् लः दीगु खः। थुपिं ल्‍वहंतय्‌सं इस्राएली मनूतय्‌त थन छु जूगु खः धयागु खँ न्‍ह्याबलेंया लागिं लुमंकाबी।’”

यहोशू 6:6

अथे जुयाः नूनया काय् यहोशूं पुजाहारीतय्‌त सःताः धाल, “परमप्रभुया बाचा चिनादीगु सनू क्‍वब्‍यु, अले न्‍हय्‌म्‍ह पुजाहारी फैया नेकूया न्‍हय्‌पु तुरही ज्‍वनाः थुकिया न्‍ह्यःने न्‍यासि वनेमाः।”

यहोशू 7:7

अले यहोशूं धाल, “हे परमप्रभु परमेश्‍वर, छिं थुपिं मनूतय्‌त एमोरीतय्‌गु ल्‍हातय् बियाः नाश यायेत छाय् यर्दन खुसि छिकाः हयादियागु? जिपिं लय्‌तायाः यर्दन खुसिया उखे हे च्‍वनेमाःगु।

यहोशू 7:8

हे परमप्रभु, जिं छु धायेफु धकाः, आः इस्राएलीत ला थः शत्रुतलिसें बूगु दु!

१ पत्रुस 3:21

थ्‍व आः छिमित बचय् याइगु लःया बप्‍तिस्‍माया चिं खः। थ्‍व म्‍हया खिति सिला छ्वयेगु थें मखु, बरु यचुगु नुगलं परमेश्‍वरया अधीनय् जुइगु खः। ख्रीष्‍ट सिनाः म्‍वाना वःगुलिं झीपिं बचय् जुइ।

यहूदा 1:5

परमेश्‍वरं इस्राएलीतय्‌त मिश्र देशं लिगना हयादिल। अय्‌नं लिपा वय्‌कःयात विश्‍वास मयाःपिं मनूतय्‌त नाश यानादिल। थ्‍व खँ छिमिसं बांलाक सि हे स्‍यू। अथेसां छिमित थ्‍व खँ लुमंकाबी मास्‍ति वल।

१ शमूएल 1:24

अनंलि वया काय्‌नं दुरु त्‍वनेगु त्‍वःतल, थःकाय्‌यात चिधिकःसां शीलोय्‌ पमरप्रभुया नापलायेगु पालय् यंकल। अले थःनापं स्‍वदँ दुम्‍ह द्वहं, छगू एपा छुचुं, छगू छेंगूया म्‍हिचाय् दाखमद्य नं यंकल।

१ शमूएल 14:18

शाऊलं अहियाहयात धाल, “परमेश्‍वरया सनू थन हजि।” (उबलय् सनू इस्राएलीतनापं हे यंकाच्‍वंगु खः।)

१ शमूएल 4:2

पलिश्‍तीतय्‌सं इस्राएलीतय् नापं लडाइँ यायेत सिपाइँत थाय् थासय् तल। अले इमिगु दथुइ ताहाकःगु लडाइँ जुल अले इमिसं प्‍यद्वः ति इस्राएली मनूत लडाइँया ख्‍यलय् हे स्‍यानाबिल थथे पलिश्‍तीतय्‌सं इस्राएलीतय्‌त बुकल।