१ शमूएल 4:2 - नेवाः बाइबल

² पलिश्‍तीतय्‌सं इस्राएलीतय् नापं लडाइँ यायेत सिपाइँत थाय् थासय् तल। अले इमिगु दथुइ ताहाकःगु लडाइँ जुल अले इमिसं प्‍यद्वः ति इस्राएली मनूत लडाइँया ख्‍यलय् हे स्‍यानाबिल थथे पलिश्‍तीतय्‌सं इस्राएलीतय्‌त बुकल।

१ शमूएल 4:2 ပူးပေါင်းရင်းမြစ်များ

विलाप 3:40

झीसं थःगु पहःचहः बांलाक जाँचय् यानाः स्‍वये नु! अले झीपिं परमप्रभुयाथाय् लिहां वनेनु।

लेवी 26:37

सुनां ल्‍यू मवःसां छिपिं तरवार खनाः ग्‍यानाः बिस्‍युं वंपिं थें हे थःथवय् धक्‍का नयाः ग्‍वतुली। अथे जुयाः छिमि शत्रुतय्‌गु न्‍ह्यःने छिपिं दने फइ मखु।

गन्‍ती 14:45

डाँडाय् च्‍वंगु देशय् च्‍वंपिं अमालेकीत व कनानीतय्‌सं कुहां वयाः इमित हय्‌क्‍कयाः बुकल। अले होर्मा तक लिनाहल।

यहोशू 7:12

उकिं इस्राएलीत थः शत्रुतय् न्‍ह्यःने दने फइ मखु। शत्रुतय्‌गु न्‍ह्यःनें इपिं बिस्‍युं वनी। छाय्‌धाःसा इपिं थःपिं हे देछायेमाःगु धनमाल जूगु दु। छिमिसं थःगु दथुं देछायेमाःगु धनमालयात नाश याना मछ्वतले जि छिपिंनापं च्‍वने मखु।

१ शमूएल 17:21

इस्राएलीतय् व पलिश्‍तीतय् सिपाइँत ल्‍वायेत थथःगु थासय् झ्‍वःलाक दनाच्वंगु जुल।

१ शमूएल 17:8

गोल्‍यत दनाः इस्राएलीतय्‌त तःसलं धाल, “छिपिं छाय् लडाइँ यायेत वयागु? छु जि पलिश्‍ती मखु ला? अले छु छिपिं शाऊलया च्‍यःत मखु ला? जिनापं ल्‍वायेत छिमिसं छम्‍ह मनू ल्‍य अले व ल्‍वायेत जिथाय् क्‍वहां वा।

१ शमूएल 4:1

अनंलि शमूएलया वचन सकल इस्राएलीतय्‌गु निंतिं वल। इस्राएलीत पलिश्‍तीतय्‌नापं लडाइँ यायेत न्‍ह्यज्‍यात। अले इस्राएलीतय्‌सं एबेन-एजेरय् व पलिश्‍तीतय्‌सं धाःसा अपेकय् थथःगु पाल ग्‍वल।

१ शमूएल 4:10

थुकथं पलिश्‍तीतय्‌सं थःपिनिगु तःधंगु बलं लडाइँ यात अले इस्राएलीतय्‌त बुकल। अले इस्राएलीत फुक्‍कं थथःगु पालय् बिस्‍युं वन। थुपालय् यक्‍वः मनूत स्‍यात। स्‍विद्वः इस्राएली सिपाइँत स्‍यात।

१ शमूएल 4:3

लडाइँलय् बचय्‌जूपिं सिपाइँत लिहांवये धुंकाः इस्राएलया थकालितय्‌त धाल, “थौं झीत परमप्रभुं छाय् पलिश्‍तीतय्‌पाखें बुकादीगु? वय्‌कः झीपिं नापं हे झायादीमा अले झी शत्रुतय्‌गु ल्‍हातं झीत बचय् यानादीमा धकाः परमप्रभुया बाचाया सनू शीलोपाखें हयेनु।”