१ शमूएल 4:10 - नेवाः बाइबल

¹⁰ थुकथं पलिश्‍तीतय्‌सं थःपिनिगु तःधंगु बलं लडाइँ यात अले इस्राएलीतय्‌त बुकल। अले इस्राएलीत फुक्‍कं थथःगु पालय् बिस्‍युं वन। थुपालय् यक्‍वः मनूत स्‍यात। स्‍विद्वः इस्राएली सिपाइँत स्‍यात।

१ शमूएल 4:10 ပူးပေါင်းရင်းမြစ်များ

२ शमूएल 18:17

अले इमिसं अब्‍शालोमया सीम्‍हयात यंकाः जंगलया तःधंगु गालय् वान्‍छ्वयाः उकी द्यःने ल्‍वहं द्वँचिनाबिल। अबलय् हे फुक्‍क इस्राएलीत थथःगु छेँय् बिस्‍युं वन।

२ शमूएल 18:7

अन दाऊदया सिपाइँत नापं इस्राएलीत बुत। उखुन्‍हु हे निइद्वः मनूत सित। थुकथं इपिं बांमलाक नाश जुल।

२ शमूएल 19:8

अनंलि जुजु दनाः वनाः शहरया ध्‍वाखा लिक्‍क च्‍वंवन। अले फुक्‍क मनूतय्‌सं “जुजु ध्‍वाखा लिक्‍क च्‍वनाच्‍वंगु दु” धकाः न्‍यन अले इपिं सकलें जुजुया न्‍ह्यःने वल। अबलय् अब्‍शालोमयात ग्‍वाहालि याःपिं फुक्‍क इस्राएलीत थथःगु छेँय् बिस्‍युं वने धुंकूगु खः।

२ शमूएल 20:1

शेबा नांयाम्‍ह छम्‍ह मभिंम्‍ह मनू गिलगालय् दु। व बेन्‍यामीनी बिक्रीया काय् खः। वं तुरही पुल अले तःसलं थथे धाल, “दाऊदयाके जिमिगु छु भाग दु? यिशैया काय्‌याके जिमिगु छुं नं अधिकार मदु। हे इस्राएल, छिपिं फुक्‍क थथःगु पालय् हुँ!”

१ राजा 12:16

जुजुं थःगु खँ मन्‍यंगु खनाः फुक्‍क इस्राएल चिल्‍लाय् दनाः हाल, “छु झीपिं दाऊदया परिवारया ब्‍वः खः ला? यिशैया काय्‌याके झीगु छुं अधिकारया भाग मदु। हे इस्राएल, थथःगु पालय् हुँ! हे दाऊद, छं थःगु हे छेँ स्‍व!” अनंलि इस्राएलयापिं मनूत थथःगु छेँय् वन।

१ राजा 22:36

सूर्य बिनावंबलय् इस्राएली सिपाइँतय्‌थाय् थ्‍व आज्ञा थ्‍यन, “फुक्‍क मनूत थथःगु शहर व बस्‍तीइ लिहां हुँ।”

२ राजा 14:12

यहूदा इस्राएलपाखें बुत, अले इपिं सकलें थथःगु छेँय् बिस्‍युं वन।

२ इतिहास 13:17

थुकथं अबिया व वया सिपाइँतय्‌सं इमित बांमलाक बुकल, इमिसं इस्राएलयापिं न्‍यागू लाख वीर सिपाइँतय्‌त स्‍यानाबिल।

२ इतिहास 25:22

यहूदायापिं मनूत इस्राएलीतपाखें बुत अले इपिं सकलें थथःगु छेँपाखें बिस्‍युं वन।

भजनसंग्रहया सफू 78:9

एफ्राइमयापिं मनूत थःपिन्‍के धनुष व वाण दय्‌कं लडाइँनं बिस्‍युं वन।

यर्मिया 7:12

“‘आः जिं दकलय् न्‍हापा थःगु नां च्‍वनीगु थाय् दय्‌कागु शीलोय् हुँ! अले जिं थः प्रजा इस्राएलं मभिंगु ज्‍या याःगुलिं व थाय्‌यात छु यानाः अन वनाः स्‍व।’

लेवी 26:17

जिं थःगु ख्‍वाः फस्‍वय्‌के। गुकें यानाः छिपिं शत्रुतय्‌गु ल्‍हातिं बुइ। छिमित हेपय् याइपिन्‍सं छिमित शासन याइ, सुनानं लिनाच्‍वंगु मदुसां छिपिं बिस्‍युं वनाच्‍वनी।

व्‍यवस्‍था 28:15

अय्‌नं छिमिसं परमप्रभु छिमि परमेश्‍वरया खँ मन्‍यंसा अले थौं जिं छिमित बियागु वय्‌कःयागु फुक्‍क आज्ञा व विधि बांलाक मानय् मयाःसा थुपिं फुक्‍क सराः छिमित लाइ।

व्‍यवस्‍था 28:25

परमप्रभुं छिमित शत्रुतय्‌गु न्‍ह्यःने बुकेबी। इपिंलिसें ल्‍वायेत छिपिं छपु लँ जुयाः वइ अय्‌नं न्‍हय्‌पु लँ जुयाः बिस्‍युं वनी। छिपिं पृथ्‍वी न्‍यंकंया निंतिं भयया खँ जुइ।

१ शमूएल 3:11

परमप्रभुं वयात धयादिल, “स्‍व, जिं इस्राएलय् याकनं हे छुं याये त्‍यनागु दु, थ्‍व न्‍यनाः फुक्‍क छक्‍क जुइ।

१ शमूएल 4:2

पलिश्‍तीतय्‌सं इस्राएलीतय् नापं लडाइँ यायेत सिपाइँत थाय् थासय् तल। अले इमिगु दथुइ ताहाकःगु लडाइँ जुल अले इमिसं प्‍यद्वः ति इस्राएली मनूत लडाइँया ख्‍यलय् हे स्‍यानाबिल थथे पलिश्‍तीतय्‌सं इस्राएलीतय्‌त बुकल।