१ शमूएल 31:5 - नेवाः बाइबल

⁵ शाऊल सीगु वया ल्‍वाभः ज्‍वनीम्‍ह ल्‍याय्‌म्‍ह मनुखं खनाः व नं शाऊलनापं तुं थःगु हे तरवारं सुयाः सित।

१ शमूएल 31:5 ပူးပေါင်းရင်းမြစ်များ

१ राजा 16:18

शहर कब्‍जा याये धुंकूगु खनाः जिम्री दरबारया किल्‍ला दुने दुहां वन। अले थःगु छचाःखेरं मि तल, व थः नं मिं नयाः सित।

१ इतिहास 10:5

शाऊल सीगु खनाः हतियार क्‍वबीम्‍हय्‌सिनं नं थःम्‍हं थःत स्‍यात।

न्‍यायकर्ता 9:54

अले अबीमेलेकं थःगु ल्‍वाभः ज्‍वनीम्‍ह ल्‍याय्‌म्‍हयात हथासं सःताः धाल, “थःगु तरवार पिकयाः जितः स्‍यानाब्‍यु। अबीमेलेकयात छम्‍ह मिसां स्‍यात धकाः मनूतय्‌सं मधायेमा।” व ल्‍याय्‌म्‍ह मनुखं थःगु तरवार वयागु म्‍हय् सुयाबिल। अले व अन हे सित।

१ शमूएल 31:4

अनंलि शाऊलं थःगु निंतिं ल्‍वाभः ज्‍वनीम्‍हय्‌सित धाल, “छंगु दापय् तरवार लिकयाः जितः सुयाब्‍यु अले थुपिं म्‍हय् चिं मतःपिं मभिंपिन्‍सं निन्‍दा यानाः जिगु बेज्‍जत मयायेमा।” तर व ल्‍वाभः ज्‍वनीम्‍ह तसकं ग्‍यानाः मानय् मजुल। वं अथे यायेगु आँट मयाः। अथे जुयाः शाऊलं थःगु तरवार काल अले उकिं सुयाः व सित।

१ शमूएल 31:6

थुकथं शाऊल व वया स्‍वम्‍हं काय्‌पिं व वया ल्‍वाभः ज्‍वनीम्‍ह ल्‍याय्‌म्‍हम्‍ह सित। उखुन्‍हु हे शाऊलया फुक्‍कं मनूत सित।