१ शमूएल 30:12 - नेवाः बाइबल

¹² इमिसं वयात गंगु नेभारा व निगू झुप्‍पा किसमिस बिल। उपिं नये धुंकाः वयाके बल वल छाय्‌धाःसा वया नयेत्‍वने मखंगु स्‍वन्‍हु स्‍वचा दये धुंकूगु खः।

१ शमूएल 30:12 ပူးပေါင်းရင်းမြစ်များ

एस्‍तर 4:16

“शूशनय् वनाः नापलाक्‍व फुक्‍क यहूदीतय्‌त जिगु निंतिं अपसं च्‍वनेत मुंकी। स्‍वन्‍हु स्‍वचा तक छुं नं नसा नये मते अले लः तकं त्‍वने मते। जि व जिमि भ्‍वातिं नं छिकपिं थें तुं अपसं च्‍वन। अनंलि कानूनया विरोध हे जूसां जि जुजुयाथाय् वने। थथे यानाः जि सीमासां सी।”

विलाप 1:11

वया दक्‍व मनूत झसुकाः ततं अन्‍न मालाच्‍वंगु दु। थःगु ज्‍यान बचय् यायेत इमिसं नयेगु नसालिसें थःगु मू वंगु ज्‍वलं हिली। “हे परमप्रभु, स्‍वयादिसँ अले बिचाः यानादिसँ, छाय्‌धाःसा जि क्‍वह्यंम्‍ह जूगु दु।”

योना 1:17

परमप्रभुं योनायात नुनेत छम्‍ह तसकं तःधीम्‍ह न्‍या छ्वयाहयादिल। अले योना स्‍वन्‍हु व स्‍वचा तक व न्‍याया प्‍वाथय् दुने लात।

मत्ती 27:63

थथे धाल – “हजुर, व ध्‍वंलाइम्‍हं म्‍वानाच्‍वंबलय् – ‘सिनाः स्‍वन्‍हु दय्‌काः हानं म्‍वाना वये’ धकाः धाःगु जिमि अज्‍ज लुमंनि।

न्‍यायकर्ता 15:19

अले परमप्रभुं लहीलय् छगू गाः वंगु थाय् दय्‌कादिल। अले अनं लः पिहां वल। शिमशोनं व लः त्‍वन, अले वयाके बल वल। उकिं व लः पिहां वःगु बुँगाःचायात एन-हक्‍कोरे धाल अले थौं तक नं व बुँगाःचा लहीइ दु।

१ शमूएल 14:27

तर थः बौनं मनूतय्‌त पाफय्‌कूगु खँ जोनाथनं ताःगु हे मदु। वयाके दुगु कथि च्‍वकां हा प्‍वलय् सुयाबिल। अले वं थःगु ल्‍हाः ल्‍ह्वनाः म्‍हुतुइ यंकाः नल। अनंलि वया म्‍हय् बल वःगु वं सीकल।

१ शमूएल 30:11

अले इमिसं ख्‍यलय् छम्‍ह मिश्रीयात नापलात अले वयात दाऊदयाथाय् हल। वयात इमिसं नयेत छुं नसा व त्‍वनेत लः बिल।

१ शमूएल 30:13

दाऊदं वयाके न्‍यन, “छ सुयापाखेंम्‍ह खः? अले छ गनं वयाम्‍ह खः?” वं लिसः बिल, “जि छम्‍ह मिश्री खः, अमालेकीतय् छम्‍ह दास खः। तर जि स्‍वन्‍हु न्‍हापा म्‍हं मफुगुलिं जिमि मालिकं जितः त्‍वःता वंगु खः।